YEREMIA 3:4 - Susula Malalaok Hehelu Palak Ma Hehelu Beuk

⁴ Nai lelek o nai toto'a-tataak-ka dalek, o maloo au mae o amam nde Au, ma o mae Au sue-lai o, mulai neme o bei anam-ma mai.

YEREMIA 3:4 ပူးပေါင်းရင်းမြစ်များ

MAZMUR 119:9

Hataholi muli-soluk-ka, nanea so'dan-na, fo bu'u-ba'en ta, metema naso'da tunga O paletam-ma.

MAZMUR 48:14

Taoafik neu papala nanadaman-na, palisak kota musun-na, fo ela emi hapu tuin neu emi tititi-nonosim mae:

MAZMUR 71:17

Ou Manetualain, O manoli au neme tepo lelek au muli-solung-nga, losa besak ia, au tui O tatao-nono'im fo, manada'di beuk-ka.

MAZMUR 71:5

Nana au namahehenang-nga nde O ou Manetualain, Manetualain, au amahele O, neme tepo lelek, au muli-solung-nga.

AMSAL 1:4

Nanoli hataholi dudu'a-aafi taak-ka, nalosa nanuu dudu'a-aafi matane, ma nanoli hataholi muli-soluk-ka, fo ana da'di hataholi malelak, ma ana bisa dudu'a-dodoo sama leo hataholi touinak-ka.

AMSAL 2:17

Inak ndia nafandele heni hala hehelun neu Manetualain-na, de ana ta lilineka neu saotoun-na fa.

YEREMIA 2:2

po'a-benga halak ia neu basa hataholi manai Yerusalem-mala nae, “Hai Israel, Au afandele, o lilineka manseli, nai lelek o bei muli-solum-ma; o susue-lalaim ba'un-na seli nai lelek ita da'di manaka'bing beuk-ka. Au u leo moo solokaek-ka u, boeo o tunga o la'ok tunga dae fo, nanasele-nggali taak-ka.

YEREMIA 2:27

Neukose emi nananakamamaek, nana emi maloo ai bibiak esa soona, emi mae ama, ma emi maloo batu esa soona, emi mae ina. Emi ta mai leo Au mai fa, te emi la'oela Au. Tehu, metema toto'a-tataak-ka ana mai soona, Au nde emi malook-ka, fo mai soi-tefa emi.

YEREMIA 3:19

Manetualain nafa'da nae, “Israel, Au hii sipok o da'di leo Au anang, ma Au fe o, nusak fo nandaa no o dalem-ma, nusak fo malole nanseli, nai basa daebafak-ka lala'en-na. Au hii o maloo Au mae ama, ma o ta malai meme Au mai so'on.

YEREMIA 31:22

O dodoo-doak-kana losa fai hi'da, fo leoina fo ta ili-nekak neu Au-a fa? Au akadada'dik hata fo beuk nai daebafak ia, hata fo fe'ek – fe'en-na sama leo inak-ka nafuni touk.”

YEREMIA 31:9

Ala la'ok no luu oen-nala titi beboto, Au tao amahokos ma Au le'a-noles. Au os tunga mamanak-mamanak fo oen-na ba'uk-ka, tunga mamanak fo enon-na matetuk fo neukose ala ta lakatunu fa. Ba'eneu Israel, Au soona nonokabai Amak-ka; Efraim nde been-na Au ana tou ulung-nga.”

HOSEA 2:15

Neukose Au fe falik osi angon-nala, ma neukose Au tao Bafak Toto'a-tataak-ka da'di lelesu namahehenak. Nai naa, neukose ana sipok Au, sama leo nai lelek bei muli-solun-na, fo nai lelek besak-ka ana kalua neme Masir mai.

MALEAKHI 1:6

Manetualain Fo Manakoasa, nafa'da basa imam-mala nae, “Ni'iana esa, ana fe ha'da-holomata neu aman, ma malalau-maoono esa, ana fe ha'da-holomata neu ndia tuan-na. Au ia, emi Amam; tao le'e de, emi ta fe ha'da-holomata neu Au fa? Au ia, emi malangam-ma; tao le'e de, emi ta bii-mamata'u neu Au fa? Emi makamumulu-makamamaek Au, tehu emi matane mae, ‘No enok leo bee ka, ami makamumulu-makamamaek O?’

MALEAKHI 2:14

Emi matane mae, tao le'e de, Ana ta nau sipo fan? Hu kande Manetualain bubuluk, emi ta lilineka neu inak fo emi ka'bing moon, nai lelek emi muli-solum-ma. Emi tia-laim inak ndia, nai emi so'dam-ma dalek, tehu emi malelesin, leomae emi helu basa, soaneu lilineka mahele moon, nai Manetualain matan so.