YEREMIA 3:24 - Susula Malalaok Hehelu Palak Ma Hehelu Beuk

²⁴ Sene-do'ok neu Baal, fo sosongo-tatangok maneni bibii-mamaek ndia, taon-na ami mamopo ami anam-mala, boema ami sapim-mala ma ami bi'ilopom-mala, fo nde basa hata lala'en fo, ami bai-ba'i kaim-mala ue elas, neme makahulun eli mai so.

YEREMIA 3:24 ပူးပေါင်းရင်းမြစ်များ

YEREMIA 11:13

Hataholi Yehuda-la lamatua daebafan-nala ba'u nanseli, de'u sila kotan-nala boe. Yerusalem laun-ala lapadedeik mei tunu-hotuk de'u enok-enok manai Yerusalem kotan-nala, soaneu fe tutunu-hohotuk neu lamatua daebafak Baal-la.

YEREMIA 22:21

Au kokolak basa neu emi nai lelek emi so'da molen-na malole, tehu emi ta nau mamanene. Memak emi ha'da tataom neme makahulun eli mai losa besak ia leondiak; beita la'i esa fo emi tunga Au paletang-nga fa.

YEREMIA 44:7

Ma besak ia Au, Manetualain Fo Manakoasa, fo Israel Manetualain-na, natane tao le'e de emi tao dede'ak fo neni susa-soe fo matua ina ndia neu emi aopam-ma. Ade emi nau tao namate-namopo la'iesak hataholi – inak, touk, ni'iana-la, ma ni'iana bongi beuk-kala de nalosa ta hapu ela hataholi esa boen nei emi leoinam-ma dalek fa?

YEREMIA 8:16

Musu-a, nai kota Dan-na so; ndalan-nala lakadii, de tamanenen so, de basa nusak-ka lala'en-na, bii-lamata'u. Musu-a ana mai, fo tao nakalulutuk la'iesak ita nusan-na, boeo ita kotan-na, no basa laun-na.”

YEREMIA 9:18

Hataholi Yehuda-la lafa'da lae, “Madenus, fo no lai-laik lakamee fe emi basa-basam-mala nakamee fafaluk, fo ela luuoe-a ana faa, fo nakadoe ita nasebu'un-na.”

YESKIAL 16:19

Au fe o nana'ak neme ha'desopo malole, fanioe ma mina setun fo isi ndoos. Tehu, o tunu-hotu fe basa sila-la, neu sosongo-tatangok sila-la, fo ta matetu-mandaa dalen-nala. Au, Manetualain Fo Mademaina, nde manakokolak-ka.

YESKIAL 16:20

Basa boema, o tunu-hotu ita anan-nala, ina touk da'di tutunu-hohotuk soaneu sosongo-tatangok. O ta lilineka neu Au-a, beita dai fa do?

YESKIAL 16:61

Neukose, o mafandele neu o tatao-nono'im-mala, fo o mame'da mamaek, nai lelek Au fe falik o tolanoom-mala leo o neu, de o taos da'di o anam, leomae dede'ak ndia, ta hapun nai Au hehelu-balataang no o-a, dalek fa.

YESKIAL 16:63

Neukose, Au fe ampon neu o salam lala'en-na, tehu neukose o ta hapu mafandele heni fan, ma neukose o mame'da mamaek, soaneu mafa'da su'di beek-ka. Au, Manetualain Fo Mademaina, nde manakokolak-ka.”

HOSEA 10:6

Neukose, ala ko'o leni sosongo-tatangok ndia leo Asyur neu, fo ala fe hiik-kana neu mane matua. Israel tunga dale tutu'uk, fo manatao-nalas hapu mamaek ma nakamumulu-nakamamaek ndia.

HOSEA 2:8

Emi inam beita manaku nita nae, Au nde fe ndia gandum, angol, mina setun, ma basa lilopilas lilofulak lala'en-na, fo ana paken soaneu sene-do'ok Baal-la ndia.

HOSEA 9:10

Manetualain nafa'da nae, “Lelek Au hapu Israel makasososan-na, Au amahoko sama leo hataholi-a hapu angol boak-ka nai moo solokaek-ka. Lelek Au ita emi bei-ba'i kaim makasososan-na, Au amahoko, sama leo hataholi-a nita kaa boa makasososak-ka. Tehu, lelek leu leo Letek Peor-ra leu, ala mulai sene-do'ok neu Baal-la, nalosa ala da'di langgenggeo, sama leo lamatua daebafak fo ala sue-lain ndia.