YEREMIA 3:21 - Susula Malalaok Hehelu Palak Ma Hehelu Beuk

²¹ Hala makalupuk-ka, nana namanenek nai letek-kala poin-na; Halak ndia, neme hataholi Israel fo manakii, ma manadokodoe, nanahu lasala-lasingo basa so, ma manalafandele heni sila Aman Manetualain-na.

YEREMIA 3:21 ပူးပေါင်းရင်းမြစ်များ

AYUB 33:27

Soona neukose, nafa'da nai lea matan nae, ‘Hata mangalauk-ka, au afa'da ae malole, de au sala-singong, ba'un-na seli, tehu Manetualain ta huku au fa.’

AMSAL 10:9

Hataholi manatao ndoos-sa, so'dan-na nee-nee lino-linok; hataholi manake'di-ndiuk-ka, neukose nanabubuluk.

AMSAL 19:3

Hataholi daebafak-ka, nggoan-na, nakatutu'dak seluk aoinan-na, basa boema, ana fe salak neu Manetualain, hu kande tataon ndia.

YESAYA 15:2

Laun Dibon-nala, ala nda'e pupukuk, soaneu ala kii nai mamanak fo, sene-do'ok neu lamatua daebafak-kala. Laun Moab-pala, no dale he'dik, ala kii-makaleleu kota Nebo ma kota Medeba. Ala nggeuheni langadoon-nala, ma nggolomein-nala, da'di leo ta'du-tana manasusak.

YESAYA 17:10

Israel, o mafandele heni Manetualain fo manasoi-tefa, ma manamasulu-mahapa o, sama leo lete batu matea-mahelek-ka so. Nasafalin-na, o sele o osi angol-mala soaneu lamatua daebafak-kala.

YESAYA 57:11

Manetualain nafa'da nae, “See lamatua daebafak sila-la, de ala tao-la emi bii-mamata'u, nalosa emi masapepeko-masandandali, ma ta mafandele Au fa? Ade, emi ta sene-do'ok neu Au so'on, nanahu Au denge-denge dook-ka nanseli do?

YEREMIA 12:12

Hataholimai lamanako nai moo-solokaek selik fo nai letelepak-ka. Au fe natee-natatik-ka neu, soaneu tao nalutu basa nusak-ka, de nalosa ta hapu hataholi naso'da nai mole-dame-a dalek fa.

YEREMIA 13:25

Au aketu basa emi ua-nalem-mala leondiak so, nanahu emi mamahele neu lamatua daebafak masapepekok-kala.

YEREMIA 18:15

Tehu Au anang-ngala lasanggango heni Au so, de ala hotu boomenik soaneu sosongok-tatangok-ka. Ala lakatunu lai enok makahulun eli, fo sila muse tungak-ka, boema ala singo leo enok fo nanatao natetu bei taak-ka.

YEREMIA 2:32

Ade hapu anafe'oanak-ka nafandele heni lilo-henun, do manaka'bing inak-ka nafandele heni ba'du ka'bin-na do? Tehu emi mafandele heni Au, doon-na seli so – neme lelek fo, ta hapu leke-nala fan.

YEREMIA 3:2

So'ba mete leo lain fo leo pupuk-kala lain muu! Mamanak beek-kande, o beita muu sosoa-piao meme ndia fa? Sama leo hataholi Arab-pala lai moo solokaek-ka, leondiak boe, o mangatuuk nai enok-ka su'un-na fo o mahani hataholi fo, ana hii nakaminak susue tou-ta'ek ma ina-anafe'ok. O tao manggenggeo nusak ia, nenik o sosoa-piaom, ma o tatao-nono'i mangalaum-ma

YEREMIA 31:9

Ala la'ok no luu oen-nala titi beboto, Au tao amahokos ma Au le'a-noles. Au os tunga mamanak-mamanak fo oen-na ba'uk-ka, tunga mamanak fo enon-na matetuk fo neukose ala ta lakatunu fa. Ba'eneu Israel, Au soona nonokabai Amak-ka; Efraim nde been-na Au ana tou ulung-nga.”

YEREMIA 7:29

Manetualain nafa'da nae, “Wahai, laun Yerusalem-mala lemin, susa leona! Nggute-ma, emi langadoom-ma, fo tu'u henin leona! Makamee nakamee kii-makaleleuk nai letelepak-kala poin-na, nana Au, fo Manetualain, amanasa de Au tipa basa emi basa-basam-mala so.

YESKIAL 23:35

Manetualain Fo Mademaina, nafa'da nae, “Hu kande o mafandeleheni Au, ma o masadea Au so, de neukose o doi-doso hu kande o nasa sasao-aanam manafo'am-ma, ma o manasosoa-pioam-ma.”

YESKIAL 7:16

Neukose, nggelok laladeak, fo lalai leo letelepak-kala leu. Nai ndia, neukose sila sama leo manupui kuu fo, nanausihenik neme bafak-kala mai; neukose basa-basas hoo-nggu'u, nanahu sala-singon-nala.

HOSEA 13:6

Tehu nai lelek emi losa nusa malole-a, de emi makabete boema, emi mame'da-nana, dai so, de emi da'di manakoao-ndaeaok, boema emi mafandele heni Au.

HOSEA 8:14

Hataholi Israel-la, lafofo'a uma manek-kala, tehu lafandele heni manamakadada'dik sila. Hataholi Yehuda-la, ala tao lamaba'u sila kota-kota makota musun-nala, tehu neukose Au akona ha'i-a mai, fo ana hotu heni sila uma manen-nala ma sila kotan-nala.”

MIKHA 3:9

Mamanene au hala-kokolang ia-la leon, hai emi manakoasa Israel fo ta hii ndoos ma matetuk-ka ma manapo'de nasafali ndoos-sa.

BILANGAN 22:32

Manetualain ata nusa so'dan-na, natane nae, “Tao le'e de, o fepa o keledeim-ma, losa la'i telu? Au mai, soaneu apanggengge o, nana tunga Au hahapung-nga, metema o muu soona, ta malole fa.

2 KORINTUS 7:10

Nana dale he'di leondia ka, nini tukatei-saledalek fo ninini na nde so'da-mole ka. De hataholi a neukose ta nasasale dale neu dede'ak ndia fa. Nasafali na, dale he'dik fo ka'da enok esa no hataholi daebafa ka hihii-nanau na, buna-boan nde mamate sa.