YEREMIA 3:17 - Susula Malalaok Hehelu Palak Ma Hehelu Beuk

¹⁷ Nai lelek ndia, neukose loke kota Yerusalem-ma soona lae, ‘Manetualain Kandela Manen’, fo basa leoina lala'en-na, neukose lakabubua lai kota ndia, fo ala sene-do'ok neu Au. Neukose, ala ta tunga seluk sila dale hihii-nanau mesan fo nggoa-panganaan, ma mangalauk ndia so'on.

YEREMIA 3:17 ပူးပေါင်းရင်းမြစ်များ

KEJADIAN 8:21

Tutunu-hohotuk ndia, boomenin-na tao namahoko Manetualain dalen-na, boema Ana dodoo nai dalen dalen-nae, “Neukose Au ta soo-supa seluk daebafak ia so'on, hu kande hataholi daebafak-ka tatao-nono'in; Au bubuluk, hataholi daebafak-ka dudu'a-aafin ndia, mangalauk neme bei muli-solun-na mai. Neukose, Au ta tao amopo-amate basa mahahae maso'dak, fo bei kaso'dak-kala so'on, sama leo besak-ka Au taok ia.

1RAJA-RAJA 8:41

Metema hataholi manamai esa nusa dook namanene la'eneu O matua-mademam ma la'eneu manada'di beu kala fo O tao basan soaneu O ana mala, boema ala mai leo uma hule-haladoik ia mai, fo fe ha'da-holomata neu O ma hule-haladoi neu O soona,

MAZMUR 102:23

lelek leoina-la, ma nusa-nusak-kala lakabubua soaneu fe ha'da-holomata neu Manetualain.

MAZMUR 78:8

fo ela sila boso sama leo sila bei-ba'i kain-nala fo ala hii lalena langa-lasa'ba soo, ma manamalelesik; bobongik fo namahehelen-na, ta matea-mahelek, ma ta lilineka leu Manetualain fa.

MAZMUR 87:3

Mamanene leon, hai Manetualain kotan-na, nafa'da dede'a matuaina-la, la'eneu o nae:

YESAYA 26:8

Ami tunga O nakeketum-ma, ou Manetualain, ma ami mahani mahele O; O nde kokoa-kikiok, ma ami hii matongo mo o, tataas esa.

YESAYA 56:6

Manetualain nafa'da, hataholi nusa de fo nanalekek nai anan-nala dalek, ma manasue-lai Manetualain, ma nakatele neun, fo manataoafik neu fai Sabat-ta, ma lilineka neu hehelu-balataan-na, nae,

YESAYA 59:19

Neukose basa hataholi-la, leme dulu losa muli, ala bii-lamata'u neu koasa ma matua-mademan. Neukose, Ana mai sama leo lee, fo oen-na naneni, fo Manetualain ani hahaen-na, nde taon-nan naneni ndia.

YESAYA 6:1

Nai teuk fo mate Manek Uzia dalek, au ita Manetualain. Nangatuuk nai kandela manen madema ma mandela-masa'an lain. Ba'du manalun-na, poti ketu Manetualain Uman-na lala'en-na.

YESAYA 66:1

Manetualain nafa'da nae, “Lalai-a nde been-na, Au kandela maneng-nga, ma daebafak-ka, Au ei tata'bung-nga. Da'di, uma matak leo beek-ka nde, o sanga mafofo'an soaneu Au, ma mamana matak leo beek-ka nde, o sanga taon da'di Au mamana leleong-nga?

YESAYA 66:18

Au bubuluk sila dudu'a-aafin ma tatao-nono'in. Au mai soaneu tao nakabubua basa hataholi-la, leme leoina lala'en-na mai. Nai lelek ala lakabubua, neukose ala lita Au koasang-nga.

YESAYA 66:20

Neme nusak sila-la mai, neukose ala loo falik emi tolano-tolanoom fo, leoina esa, da'di leo bua palsen soaneu Au. Neukose ala lo hataholi sila-la, leo Au pupukung fo malalao-malalafung-nga neu nai Yerusalem no ala sa'e ndala, keledei ma onta, ma no kaleta boema nggalobak, sama leo hataholi Israel-la biasa leni tunu-hotu gandum nai mamana balisi dale, leo Manetualain Uman neu.

YEREMIA 11:8

ma adenus lamahele Au hehelu-hoholong ndia, te sila ta nau lamanene ma ta nau tunga fa. Nakalenak sila langa batu lahele, ma mangalauk-ka sama leo makahulun-na. Hu ndia de basa huhukuk-dodokik, fo manai hehelu-hoholok ndia dalek-ka neukose Au solin leo sila alun lain neu.”

YEREMIA 12:15

Tehu basas nanakalua henik boema, Au sue seluk-kasa bai; de Au o falik basa leoina-la esa-esak leo nusa-namon-nala neu.

YEREMIA 12:16

Metetma ala sipok Au anang-ngala so'da salanin-nala no dale katematu, ma ala nau soo-supa no lafa'da lae, ‘Manetualain fo so'dak-ka,’ – samaleo makahulun-na ala lanoli Au anang-ngala soo-supak neu Baal-la – soona neukose sila da'di Au anang ma so'dan-nala latetu.

YEREMIA 14:21

Mafandele neu O hala hehelum-ma te O boso makadadaek ami; Ma O boso ka'i O hala-hehelum neu ami-a. O boso makadadaek Yerusalem fo O kandela manem-ma mamanan.

YEREMIA 16:12

Tehu emi tao-no'i mangalauk lena selukai. Emi malanga batu ma emi nau tunga ka'da emi hihii-nanaun mesam-ma fo mangalauk ndia. Emi ta nau mamahele Au fa.

YEREMIA 16:19

Manetualain, O nde masulu-mahapa au-a, ma fe be'i-balakaik neu au; O tulu-fali au, nai lelek au nai dudu'a-aafi makale'ok-ka dalek. Leoina-leoina fo maneme pe'dak leo pe'dak neu-a neukose ala mai leo O-a fo lafa'da lae, “Emi bei ba'i-kain-nala lanuu lamatuak daebafak masapepekok fo sosoa-ndandaan tak makandondook nanseli.

YEREMIA 17:12

Ita Manetualain uman-na sama leo kandela manek fo mandela-masa'ak, fo nai letek madema neme makahulun eli mai-a.

YEREMIA 18:12

Tehu neukose ala lataa lae, ‘Sosoak hata? Ami tunga ka'da ami hihi-nanaun mesam-ma! Neukose ami esa-esak tunga ka'da ami hihi-nanaun mangalaum-ma!’ ”

YEREMIA 3:19

Manetualain nafa'da nae, “Israel, Au hii sipok o da'di leo Au anang, ma Au fe o, nusak fo nandaa no o dalem-ma, nusak fo malole nanseli, nai basa daebafak-ka lala'en-na. Au hii o maloo Au mae ama, ma o ta malai meme Au mai so'on.

YEREMIA 31:23

Manetualain Fo Manakoasa, fo Israel Manetualain-na nafa'da nae, “Metema Au tao-a Au anang-ngala lalole-lanapu sama leo makahulun-na soona, nai nusak Yehuda no nggolo-ta'dun-nala neukose hapu lamanene seluk hataholi-la kokolak lae, Sa'di leo Manetualain been-na ba'e-pala pupukuk malalaok-ka nai Yerusalem fo mamanak leleok fo malalaok ba'eneun.

YEREMIA 33:9

Yerusalem neukose ana da'di namahokok ma Au matua mademang. Basa leoina manai daebafak ia neukose ala da'di manabiik ma mamata'uk, ma ala ta fe ha'da-holomata mai Au, metema lamanene la'eneu basa malole-mana'a fo Au taon soaneu Yerusalem laun-nala, ma la'eneu tetu-temak fo Au fen neu kota ndia.”

YEREMIA 4:2

Metema soo menik Au na'deng-nga, ma emi maso'da tunga ndoon-na, ndoos ma matetuk, soona basa leoina lala'en-na, neukose loke Au, fo ela Au fes baba'e-papalak, fo neukose ala koa-kio Au.”

YEREMIA 7:24

Tehu ala ta nau lamanene, ma ta nau taoafik fa. Nakalenak, ala tunga ka'da sila hihii-nanau mesan fo matea ma mangalauk ndia. Ala ta da'di malole fa, te mangalaun-nala, boetai nakadelek-ka.

YEREMIA 9:14

Lalanga batu, ma ala sene-do'ok neu sosongo-tatango Baal-la, sama leo hata fo, sila bei-ba'i kain-nala nanolis-sala.

YESKIAL 1:26

Hapu hata esa nai dano ndia lain, lupan-na leo kandela manek fo nanataok neme batu poemata mai, ma hata esa lupan-na, sama leo hataholi daebafak-ka, nangatuuk nai lain.

YESKIAL 43:7

“Hai hataholi daebafak fo, manasapu-manalalok-konei, Au kandela maneng-nga nde ia. Neukose Au leo nai ia, fo nai hataholi Israel-la tala'da heon, fo Au paletas losa dodoon-na. Nau sila, do sila manen-nala boe, neukose ala ta tao langgenggeo seluk Au na'de malalao-malalafung-nga, nenik sene-do'ok neu sosongo-tatangok, do nenik latoi-latono sila manen-nala popolan-na, nai mamanak ia.

YESKIAL 48:35

Basa papala nanadamak ndia lala'en-na, nanalun-na kilo sio. De mulai hatematak ia, hataholi-la foi kota ndia na'de: “Manetualain NAI NDIA!”

ZAKHARIA 2:11

Nai lelek ndia, neukose leoina makadotok, ala mai leo Au mai, fo ala da'di Au anang. Neukose, Ana leo nai emi tala'daheom, ma neukose emi bubuluk, mae Manetualain haitua basa au leo emi neu so.

ZAKHARIA 8:8

fo Au o falik-kasa leme dulu ma leme muli mai, fo ala leo seluk lai Yerusalem. Neukose sila da'di Au anang, ma Au da'di sila Manetualain. Neukose Au paletas no lilinekak ma tunga ndoos ma matetuk.”

BILANGAN 15:39

Fifikok sila-la da'di neu nasanene'dak: Nai lelek emi mitan, soona neukose emi mafandele Au paletang lala'en-na fo emi tao tungan. Ma hu kande fifikok sila-la, de neukose emi mafandendelek Au, fo emi ta tunga emi hihii-nanau mesam-ma fa.

ROMA 1:21

Hataholi daebafa ka nalelak Manetualain, tehu hataholi daebafa ka ta nau fe ha'da-holomata neu fan, da'dileo Manetualain, ma ala ta nau loke makasi neu fan. Te hataholi daebafa ka dudu'a-dodoo ka'da dede'a manda'di ta kala; nana dale nala makahatuk so.

ROMA 6:14

Boso fe sala-singo ka, koasa emi bai, nana emi ta maso'da nai agama Yahudi hoholo-lalanen dale so'on, te emi maso'da nai Manetualain susue-lalai na dalek so.

GALATIA 4:26

Tehu Yerusalem manai nusa so'dak ndia nde, Yerusalem beu ka, fo ita inan nde ndia.

ULANGAN 29:29

Ita Manetualain nafuni dede'ak de'ubee; tehu nafa'da hoholo-lalanen neu ita, de ita ma ita tititi-nonosin-nala, muse tungan losa dodoon-na.”

HAKIM-HAKIM 2:19

Tehu metema, mate mauli-malangan sila soona, leoina sila ha'da-tataon, mangalauk lena seluk neme bobongi makahuluk-ka mai. Lakaluku-lakatele neu lamatua fe'ek-kala, ma ala sene-do'ok lamatua fe'ek sila-la. Ala fali leo sila ha'da-tatao mangalaun-nala neu, ma ala ta nau lasafali ha'da-tataon-nala fa.