YEREMIA 3:12 - Susula Malalaok Hehelu Palak Ma Hehelu Beuk

¹² Manetualain nadenu au u, fo afa'da dede'ak ia neu Israel nae: “Hei Israel, fo ta mana lilinekak-konei, fali ma'im-ma, leo Au mai leona! Au daleng-nga henuk no susue-lalaik, de neukose Au ta amanasa o losa dodoon-na fa.

YEREMIA 3:12 ပူးပေါင်းရင်းမြစ်များ

KEJADIAN 4:7

Metema, o tao malole soona, tao leo bee-o, o hika-hume; tehu metema, o tao tatao-nono'imangalauk, soona sala-singok nahani, fo ana masok leo o dalem dale neu. Sala-singok sanga koasan-na o aoinam-ma, tehu o muse sengin.”

2RAJA-RAJA 15:29

Nai tepo-lelek Pekah paleta, Tiglat-Pileser, fo mane Asyur-ra, natona-na kota Iyon, Abel-Bet-Maakha, Yanoah, Kedes, Hazor, nusa Gilead, Galilea ma Naftali. Laun-nala nanafook boe, da'di leo hataholi nanafook leo Asyur leu.

2RAJA-RAJA 17:23

nalosa mate'ena, Manetualain ta taoafik-kasa so'on, de Ana usi henis leme Ana fes dae-a mai. Manada'dik ndia, ana da'di, fo nandaa no Manetualain fes nasanene'dak, tunga atan-nala, fo nde basa nabi-la. Leondiak, hataholi Israel-la, nanafook leo mamana ookak-ka nai Asyur neu, de ala leo lain ndia losa faik ia.

2RAJA-RAJA 17:6

– fo nai lelek Hosea paleta teuk 9 so – boema Salmaneser natona-na Samaria. Boema, ana foo nini hataholi Israel-la, da'di leo hataholi nanafook leo Asyur leu. Ala fe hataholi Israel nanafook sila-la seli, ala leo lai kota Halah, seli leo deka Lee Habor-ra, nai nusa Gozan-na, ma seli seluk, ala leo lai kota-kota manai nusak Madai-a.

2RAJA-RAJA 18:1

Manek Hosea, fo Ela anan-na, paleta Israel neu teu ka 3-na boema, Hizkia, fo Ahas anan-na, da'di manek Yehuda.

2TAWARIKH 29:10

Besak ia au nau emi tao hehelu-balataak moo Amak, fo Israel Manetualain-na, fo ela Ana boso boe namanasa ita bai.

2TAWARIKH 30:9

Metema emi mamahele falik neu Manetualain soona, soona hataholi manafoo leni emi tolanoo ka'a-fa'dim-mala da'dileo hataholi nanafook-kala, neukose lanuu dale kasian fo ala fes loak fali ma'is. Emi Manetualaim-ma nde bee na Manetualain fo dale malole, ma nanuu dale kasian; de neukose Ana sipok emi metema emi fali ma'im.”

MAZMUR 103:17

Tehu Manetualain sue-lai nahele hataholi kamahehelek-ka, ma dale malolen-na nakandoo, neme bobongik leo bobongik neu

MAZMUR 103:8

Nana Manetualain manasue-laik, Ana ta haelai namanasa, ma susue-lalain sasi kao-kao.

MAZMUR 103:9

Ana ta nasapala nakandondoo henin fa, ma ta namanasa losa dodoon-na fa.

MAZMUR 145:8

Manetualain ndia, manasue ma manalai, ta haelai namanasa, ma sue-lai tataas esa.

MAZMUR 79:5

Ou Manetualain, O mamanasa, ma O nape'da dalem-ma pila lo'a-lo'a sama leo ha'i-a losa dodoon-na do?

MAZMUR 86:15

Tehu O, ou Amak, Manetualain fo manasue-manalai, ta haelai namanasa, henuk no susue-lalaik, ma manalilinekak.

MAZMUR 86:5

Ou Manetualain, O malole ma O nau fe do'o do ampon, hataholi manahule-haladoi neu O-a, O sue-lai mahelen nenik susue-lalaik fo, ana sasi kao-kao.

AMSAL 28:13

See nafuni sala-singon soona, neukose ana ta hapu nanalak fa. See manaku, ma ana tu'u-tapa heni sala-singon soona, neukose Manetualain sue-lain.

YESAYA 31:6

Manetualain nafa'da nae, “Hai leoina Israel-la lemin, emi la'ban basa Au, mamasala-masingo neu Au so. Tehu besak ia, fali ma'im-ma, leo Au mai leona!

YESAYA 44:22

Au usiheni o salam-ma, sama leo ko'as-sa, Au usi heni o sala-singom, sama leo ko'dendenuk-ka. Fali ma'im-ma, leo Au mai leona, nana Au soi-po'i o so!”

YEREMIA 11:6

Boema Manetualain nafa'da neu au nae, “Muu leo kota-kota manai Yehuda, ma enok-enok manai Yerusalem-ma. Mafa'da Au hala-hehelung nde ia neu hataholi-hataholi manai naa-la. Madenus fo ala taoafik ma ala lamahele au hehelu-hoholong eno-dalan.

YEREMIA 12:15

Tehu basas nanakalua henik boema, Au sue seluk-kasa bai; de Au o falik basa leoina-la esa-esak leo nusa-namon-nala neu.

YEREMIA 23:8

te ka'da neme Au-a mai Manetualain fo maso'dak-ka fo mananeni falik hataholi Israel-la kalua neme nusak esa nai dulu, ma neme basa nusak fe'ek-kala fo nai bee Au tao tapasasala sila. Sila neukose ala leo om sila dae oen-nala.”

YEREMIA 3:1

Manetualain nafa'da nae, “Metema touk esa elaheni saoinan-na, boema tou fe'ek saon-na inak ndia, soona touk fo inak ndia sao elan-na, ta bole ho'i falik-kana, da'di leo saoinan fa, nana dede'ak ndia, neukose tao nalutu nusak ia. O fo Israel, o manuu susue tou-ta'ek ma ina anafe'ok makadotok nanseli so, hapu nai bee, besak ia, o nau fali ma'im-ma leo Au mai!

YEREMIA 3:14

Manetualain nafa'da nae, “Hei Au anang fo, ta mana lilinekak-konei, fali ma'im-ma, leo Au mai leona! Emi nde been-na Au nuung. Neukose, neme kota esa mai soona, Au ho'i-a, emi hataholim esa, neme teidalek esa mai soona, Au ho'i-a hataholi dua, ma Au o falik emi leo Pupuku Sion-na meu.

YEREMIA 3:18

Neukose, Israel nakabubua no Yehuda, fo ala mai sama-sama leme nusak fo, mamana ookak-ka nai boboak kii Neukose, ala fali ma'is leo nusak fo, Au fe basan neu o bei-ba'i kaim-ma, da'di leo dae pusaka.”

YEREMIA 3:22

Hei basa emi fo, manala'oela Manetualain so, fali ma'im-ma leona! Neukose, Ana tao nalea-nahai emi, ma Ana taon-na emi da'di manalilinekak. Emi mafa'da mae, “Ya, besak ia ami mai leo Manetualain, nanahu ami Manetualain ndia.

YEREMIA 3:5

O boeo mafa'da mae neukose, Au ta amanasa o, nakandondoo henin fa. Hai Israel, o mafa'da mae leo ndia, tehu o bei tao tatao-nono'i mangalauk lala'en fo, o hapu tao-no'in.”

YEREMIA 3:7

Au aedaenga, lelek ana tao basa sila-la soona, neukose ana fali ma'in leo Au mai, te hu ana ta fali ma'i fan, te se'kona neu sosoa-piao. Hu ndia de, Au asi'da on, de Au usi henin. Yehuda, fo Israel tolanon, fo manalilineka taak ndia, nita basa sila-la, tehu ana ta bii-namata'u fa. Lena-lenak, ana da'di manasosoa-piaok,

YEREMIA 30:11

Neukose Au mai, fo neukose Au soi-po'i emi. Leoina-leoina, fo mamanak Au tao tapasasala emik-ka, basas neukose Au tao amopo-amates, tehu Au ta tao emi tao leondiak fa. Tete'ek-ka neukose emi ta maladeak neme huhukuk-ka mai fa, tehu Au huhukung neu emi-a nde been-na ndos matetuk, ma nanda no nakeketun-na. Au, Manetualain, nde manakokolak-ka.”

YEREMIA 31:20

Israel, o nde been-na Au anang susueng, anan fo nanasue-laik nai Au dale bobongo anang-nga. Tunga faik Au dodoki-aali O, tehu Au hii ka'da afandele neu o tatas esa. Neukose Au tao-a O henuk no susue-lalaik.

YEREMIA 31:21

Ta'du-tana enok-kala, fo tao ta'du-tana neu, sanga enok fo makahulun-na emi la'ok misik-ka. Hai, Israel, me'um-ma leona! Fali me'um-ma lo emi kota-kotam fo makasososak-ka.

YEREMIA 31:8

Au o falik-kasa neme kii mai; Au tao akabubuas neme daebafak-ka pe'dak leo pe'dak neu. Hataholi pokek-kala ma hataholi lu'uk-kala neukose ala tunga los, boema inak fo manabongi beuk-kala, ma inak kaiulis fo deka bobongik-kala boe. Sila basa-basas neukose ala fali ma'is te dede'un-nala mafandiknan lo nusak ia mai.

YEREMIA 33:26

leondiak boe neukose Au ho'u ahele Au hehelung-nga neu Yakob tititi-nonosin ma neu Au atang Dauk. Neukose Au hele-a hataholi esa neme Dauk tititi-nonosin-na soaneu ana paleta Abraham, Isak, ma Yakob tititi-nonosin. Neukose Au sue-lai an seli neu Au anang-ngala, ma Au tao-a so'dan-nala latetu seluk.”

YEREMIA 4:1

Manetualain nafa'da nae, “Au anang Israel, metema emi nau fali ma'im-ma soona, fali ma'im-ma, leo Au mai leona. Tu'u-tapa heni sosongo-tatangok fo, makahulun-na Au ta ahiik-kasa ndia, fo lilineka neu Au leona.

RATAPAN 3:22

Manetualain susue-lalain manaketu basa tak, neme doon losa dodo-na, beita la'iesa fo basa baba'e-babatin fa,

YESKIAL 11:17

Au, Fo Manetualain Mademaina afa'da, ae neukose Au tao akabubuas leme nusa-nusak fo nai bee, sila tapasasala, boema Au fe falik dae Israel-la leo sila neu.

YESKIAL 33:11

Mafa'das mae no Au, Manetualain fo maso'dak-ka na'den-na, Au ta amahoko fa, metema mate hataholi masala-masingok esa; nasafalin-na, Au hii ana tukatei-saledale neme sala-singon-nala mai, fo ela naso'da nahele. Hai leoina Israel-la lemin, hahae tao tatao-nono'i mangalauk-ka leona! Tao le'e de, emi nau mate?

YESKIAL 39:25

Manetualain Fo Mademaina, nafa'da nae, “Tehu besak ia, neukose Au sue-lai hataholi Israel fo, Yakob tititi-nonosin-nala, boema Au fes laso'da no tetu-temak seluk. No enok ndia, Au anea Au na'deng-nga, fo ela nanafe ha'da-holomata nahele.

HOSEA 6:1

Hataholi Israel-la lafa'da lae, “Mai fo ata fali leo Manetualain Manakoasa teu. Ndia nde tao nakahehe'dik ita, tehu neukose, Ndia boeo nde tao nahai ita. Ndia nde tao nahina ita, tehu neukose, Ndia boeo nde puli-namo'do ita bisun-nala.

IMAMAT 26:40

Tehu emi tititi-nonosim, neukose manaku sila sala-singon, ma sila bei-ba'i kain fo manalena-la'ban Au, ma lalena langa neu Au paletang-nga, sala-singon-nala,

ZAKHARIA 1:4

Boso sama leo emi bei-ba'i kaim. Makahulun eli, basa nabi-la landuku-lalosak Au hala hehelung-nga neus, fo ela ala boso boe tao seluk tatao-nono'i mangalauk, ma tao sala-singok bai. Tehu ala ta lafaduli ma ala ta nau tunga Au fa.

ULANGAN 30:2

Metema emi ma emi tititi-nonosim-mala, nau feli leo emi Manetualain-ma mai, ma emi tunga basa paletan fo, au fen neu emi, nai faik ia no emi dalek-katematuam-ma,