YEREMIA 3:1 - Susula Malalaok Hehelu Palak Ma Hehelu Beuk

¹ Manetualain nafa'da nae, “Metema touk esa elaheni saoinan-na, boema tou fe'ek saon-na inak ndia, soona touk fo inak ndia sao elan-na, ta bole ho'i falik-kana, da'di leo saoinan fa, nana dede'ak ndia, neukose tao nalutu nusak ia. O fo Israel, o manuu susue tou-ta'ek ma ina anafe'ok makadotok nanseli so, hapu nai bee, besak ia, o nau fali ma'im-ma leo Au mai!

YEREMIA 3:1 ပူးပေါင်းရင်းမြစ်များ

MAZMUR 106:38

Ala do'do heni, hataholi sala tak-ka daan-na, fo sila anan-nala daan-na, soaneu ala tunu-hotu fen neu sosongo-tatangok-kala; nalosa ala tao langgenggeo nusak ndia.

YESAYA 24:5

Daebafak-ka, da'di nanggenggeo, nanahu laun-na la'olena Manetualain paletan-nala, ala nggati nakeketun-na, ma lalelesi hehelu-balataak fo Ana taon no sila, losa dodoon-na.

YEREMIA 2:20

Manetualain nafa'da nae, “Dook-ka so, o ta nau da'di ata neu Au fa; o ta nau tunga, do sene-do'ok neu au fa. Nai pupuku mademaina-la esa-esak lain, ma nai aihuuina-la esa-esak huun-na, o sene-do'ok neu lamatua daebafak, fo manafe dae-a nalole.

YEREMIA 2:23

O mapalani manseli, mafa'da mae o malole, ma o mae o beita tunga hai Baal fa! Mete su'dik o tatao-nono'im neme bafak-ka, mafandele o tatao-nono'i mangalaum-ma, fo manakun leona! O sama leo ontaina mala'bik fo, nalai neu-mai, de ta hapu napanggee-na fan,

YEREMIA 2:7

Au os leo, nusa maoe-maisik-ka neu fo la'a buna-boak, ma basa hata malole lala'en manai naa-la. Tehu ala losa ndia boema, ala tao langgenggeo Au daeng-nga, ma ala tao Au hata-hetong da'di hata esa fo nanamaluak.

YEREMIA 22:20

Manetualain nafa'da nae, “Hai Yerusalem laun-nala lemin, meu leo Libanon ma Basan, fo kii namatani nai na. Nggiso-nggasi nai letelepak Moab, nana emi soloda'dun lala'en-na nanatao nakalak so.

YEREMIA 3:22

Hei basa emi fo, manala'oela Manetualain so, fali ma'im-ma leona! Neukose, Ana tao nalea-nahai emi, ma Ana taon-na emi da'di manalilinekak. Emi mafa'da mae, “Ya, besak ia ami mai leo Manetualain, nanahu ami Manetualain ndia.

YEREMIA 3:9

ma ana ta name'da bibii-mamaek makandondook fa. Ana hohonge, nanahu ana sene-do'ok neu ai ma batu, nalosa nusak ia ana da'di naggenggeo.

YEREMIA 31:22

O dodoo-doak-kana losa fai hi'da, fo leoina fo ta ili-nekak neu Au-a fa? Au akadada'dik hata fo beuk nai daebafak ia, hata fo fe'ek – fe'en-na sama leo inak-ka nafuni touk.”

YEREMIA 4:1

Manetualain nafa'da nae, “Au anang Israel, metema emi nau fali ma'im-ma soona, fali ma'im-ma, leo Au mai leona. Tu'u-tapa heni sosongo-tatangok fo, makahulun-na Au ta ahiik-kasa ndia, fo lilineka neu Au leona.

YEREMIA 4:14

Yerusalem, tu'u-tapa heni dudu'a-aafi mangalauk-ka, neme o dalem dale mai, fo ela o hapu maso'da. O sanga pe'da dudu'a-aafi mangalauk sila-la nai o dalem dale, losa faihi'da?

RATAPAN 1:2

Le'odae katemak esa dalen-na, ana kii no dale he'dik, luuoen-na titi nai nasebu'un-na. Ta hapu hataholi esa boen, neme basa tou-ta'e susuen-na nau kokoe-nanasik fan. Tia-lain-nala lalelesin de lasafali da'di musu nok.

YESKIAL 16:26

O sosoa-piao moo hataholi Masir, fo o nusa titia-tataim, fo nasa sao-anan ba'una seli ndia. O sosoa-piao, fo sue kande Au amanasa.

YESKIAL 16:30

Manetualain Fo Mademaina, nafa'da nae, “O tao basa sila-la, sama leo manasosoa-piaok fo, bibii-mamaen ta.

YESKIAL 16:35

Hai Yerusalem, fo manasosoa-piaok-ka, mamanene hata fo, Manetualain Fo Mademaina, nafa'dan nae, “O o'duheni o ba'dum-ma so, de da'di leo ina manasosoa-piaok, o fe o aopaa-ma neu o tou susue-lalaim-mala, ma neu o sosongo-tatangom fo nana maluak sila-la. O taomisa o anam-mala, de o tunu-hotu fes neu sosongo-tatangok sila-la.

YESKIAL 33:11

Mafa'das mae no Au, Manetualain fo maso'dak-ka na'den-na, Au ta amahoko fa, metema mate hataholi masala-masingok esa; nasafalin-na, Au hii ana tukatei-saledale neme sala-singon-nala mai, fo ela naso'da nahele. Hai leoina Israel-la lemin, hahae tao tatao-nono'i mangalauk-ka leona! Tao le'e de, emi nau mate?

HOSEA 1:2

Lelek Manetualain, Ana kokolak makasososan-na no leoina Israel-la tunga au, Manetualain nafa'da nae, “Hosea, sao-ma ina manasosoa-piaok esa, fo neukose o anam-mala, ala da'di sama leo ndia boe. Au anang-ngala sama leo o saoinam ndia, nanahu ala ta lilineka neu Au fa, ma ala la'oela Au so.”

HOSEA 2:2

Manetualain nafa'da nae, “Hai Au anang-ngala lemin, au saong ta emi inam so'on, ma ndia saon ta Au fa. Hu ndia de madede'a moon, fo ela ana boso hohonge ma ana boso boe da'di manasosoa-piaok seluk bai.

MIKHA 2:10

Fo'a fo la'o leona; te nai ia ta nee-nee lino-lino so'on. Emi sala-singom neni susa-soe maneni bibii-namata'uk-ka, nai mamanak ia so.

ZAKHARIA 1:3

Tehu besak ia, au afa'da neu emi, fali ma'im-ma leo Au mai leona, soona Au boeo, fali leo emi neu boe.

MATEOS 5:31

“Hapu nanoli ka nae leo ia boe: Metema hataholi esa elaheni saoina na soona, ana muse fe saoinan ndia susula naelak.

ULANGAN 22:21

soona muse no inak ndia, leo ina-aman lelesun-na neu. Fo basa touk manai kota ndia, ala tapan nenik batu, losa maten nai mamanak ndia. Inak ndia, ana tao tatao-nono'ik esa, neni mamaek fe ita leoinan, nanahu lelek bei nai ina-aman uman, fo ana beita saoana fa, te ana sungu hai no touk so. No huhukuk ndia de, emi tao mamopo tatao-nono'i mangalauk ndia.

HAKIM-HAKIM 19:2

Tehu basa boema, inak ndia namanasa, nalosa ana fali ne'un leo aman uman neu, nai Betlehem. Inak ndia leo bulak 4 dalen-na nai naa, boema