YEREMIA 27:6 - Susula Malalaok Hehelu Palak Ma Hehelu Beuk

⁶ Au nde fe basa leoina ia lala'en-na lo Au atang Nebukadnezar, fo manek Babel-la koasan dale neu. Nakalenak bana-manu boeo Au fen leo ndia neu, soaneu ana koasas.

YEREMIA 27:6 ပူးပေါင်းရင်းမြစ်များ

2RAJA-RAJA 25:28

boema, ana taon no malole. Ana fe Yoyakhin nangatutuu madema, lena heni mane-manek fe'ek, fo foo lenis leo Babel leu boe.

2TAWARIKH 36:23

“Kores fo manek Persia paletan-na nde ia! Amak, fo Manetualain manakoasa nai nusa so'dak-ka, nakadada'dik basa au da'di manek neu daebafak-ka lala'en-na, ma Ana fe au bela-ba'uk soaneu afofo'a uma ba'eneun nai Yerusalem fo nai nusak Yehuda. Da'di, emi basa-basam fo manada'di Manetualain anan-nala muse fali leo naa meu! Ela leo bee na emi Manetualain nasulu-nahapa emi.”

YESAYA 44:28

Au nde afa'da neu Kores ae, ‘Neukose o nde paleta soaneu Au, ma tao-no'i basa Au hihii-nanaung lala'en-na. Fe paleta leona, fo ela nafofo'a seluk Yerusalem, ma tao Manetualain Uman-na neten-na.’ ”

YEREMIA 21:7

O mo basa o mana'anggadi-la ma basa hataholi-hataholi fo lala deak neme natee-natatik-ka, la'a-ndoes-sa, ma he'di-laus matuaina, basa basas neukose au po'ilotak-kasa nanaho'u-nak neme manek Nebukadnezar-ra ma neme musu mok fo ala nau tao lisa emi-a. Neukose Nebukadnezar tao nisa emi basa no ta pake do'o do ampong fa, ma ta pake susue-lalaik fa. Au, Manetualain, nde manakokolak.”

YEREMIA 22:25

fo Au fen neu hataholi-hataholi fo o bii-mamata'uk-ka, ma fo manahii tao nisa o-a. Neukose Au fe o leu Nebukadnezar fo manek Babel-la no ana boan-nala.

YEREMIA 24:1

Manetualain fe au ninitak esa nae, faik esa boema Yoyakhin fo Yoyakim ana manen-na fo manek Yehuda no basa malanga manapaleta Yehuda-la, basa malelak-kala, ma basa manadoki-dulak malelak nanafua nenik neme Nebukadnezar fo manek Babel-la, fo ninis dai leo nanahukuk neme Yerusalem leo Babel neu. Au ita sapai dua henuk no ai boa kaak-a nai dalek beten-na nai Manetualain Uman so'dan-na.

YEREMIA 25:9

‘Neukose Au alo basa leoina manai neme ki mai-a, ma Au atang Nebukadnezar fo manek Babel-la boe. Neukose Au fe sila soaneu latee-latati la'ban Yehuda no laun-nala, ma basa leoina manai boboa-kaisun-nala. Leiona Yehuda no leoina titia-tatain-nala neukose Au tao akatoto'a-akatatak-kasa ma Au po'ilotak-kasa lakalulutuk soaneu losa dodoon-na. Hataholi fo manamitas-sala neukose ala nggenge-la ma lame'da bibi-namata'uk. Au, Manetualain nde manakokolak-ka.

YEREMIA 28:14

Manetualain Fo Manakoasa, fo Israel Manetualain-na nafa'da nae, neukose ana tao lange besik neu basa leoina iala lesuha'in-na, fo neukose ala sene-do'ok neu Nebukadnezar fo Manek Babel-la. Manetualain nafa'da nae bana fui-la boeo neukose ana fes leo Nebukadnezar koasan dale neu.”

YEREMIA 43:10

Boema mafa'da neus mae Au, Manetualain Fo Manakoasa, fo Israel Manetualain-na, neukose no Au atang Nebukadnezar fo manek Babel-la lo mamanak ndia neu. Ma neukose ana napadedeik kandela menen-na nataba lala-tema manapaletan-na nai batu fo o selek lo dae dale sila lain.

YEREMIA 49:30

Hei emi hataholi Hazor, Au, Manetualain nafa'da nae: Malai lai-lai meu mafuni te Nebukadnezar manek Babel-la ala sanga tao musu no emi. Nafa'da nae,

YESKIAL 29:12

Neukose, Au tao-a Masir, da'di dae louk, nalosa nai nusa louk fe'ek-kala, Masir nde louk nanseli. Nai teuk haahulu dalen-na, kota-kota manai Masir-ra, neukose lalupa leo ai-batu manatapasasalak lena heni kota lala'en-na. Neukose, Au tao leoina Masir-ra, da'di hataholi manamai nusa fe'ek. Neukose, ala tapasasala leo basa nusak lala'en-na leu, fo ala leo lai leoina fe'ek-kala tala'da.”

YESKIAL 30:24

Boema, neukose Au tao atea-ahele manek Babel-la alun-na, fo Au pe'da Au tafainang-nga neu liman dale. Tehu, neukose Au helula'di mane Masir-ra alun-na, nalosa ana nakadii-nakaau, de maten nai musu noon fo manek Babel-la, matan.

DANIAL 4:12

Doon-na momo'doanak ma boan makadotok nanseli, de dai basa hataholi daebafak-ka lala'en-na la'a. Bana fuik-kala lu'u lai sa'on dale, ma manupui-la landunu nai ndanan-nala lain. Ma basa mahahaek lala'en-na hapu la'a boan-na.

DANIAL 4:22

Hei Ama Manek, Ama Manek nde ai mademaina ma balakaik ndia. Ama Manek matua-mademan boeo, ana popo-tama losa lalai, ma Ama Manek koasan-na namaloa losa daebafak-ka pe'dan-na.