YEREMIA 27:18 - Susula Malalaok Hehelu Palak Ma Hehelu Beuk

¹⁸ Metema memak tete'ek-ka sila nabi, de ala sipo hala-haituak neme Au mai soona, tao leo beo be ia ala loke neu Au, Manetualain Fo Manakoasa, fo ela hata-heto bei manai Au Uma manek-ka manai Yerusalem ta nanaso'u nenik lo Babel-la neu fa.

YEREMIA 27:18 ပူးပေါင်းရင်းမြစ်များ

KEJADIAN 20:17

Manetualain taon-na basa inak manai Abimelekh uma manen-na, manabongi tak no'u-no'u, nanahu manada'dik no Sara, fo Abraham saon ndia. Boema, Abraham hule-haladoi neu Manetualain, de Manetualain tao nalea-nahai Abimelekh, saon-na ma ata inan-nala, nalosa inak sila-la hapu bongi seluk.

1RAJA-RAJA 18:24

Neme na fo nabi Baal-la sila-la hule-haladoi neu sila-lamatua daebafan-na, ma au boeo neukose hule-haladoi neu Manetualain. Fo bee ka nde nataa nenik Ana haitua ha'i mai soona, ndia kande Manetualain-na.” Basa laun-na lala'en-na lataa lapane'e lae, “Ami makaheik!”

1RAJA-RAJA 18:26

Boema ala hele la sapi esa de ala sadia lan. Basa boema ala hule-haladoi neu Baal-la neme fafain ndia losa le'dohana no ala nggasi-nggasi mesan lae, “Mataa ami leon, Baal-la!” Ala tao dede'ak ndia no ala foti longe okofefeok sila mei tunu-hotu na. Tehu ta hapu hala natataak makandondook fa.

2TAWARIKH 32:20

Boema Manek Hizkia ma Nabi Yesaya fo Amos anan-na hule-haladoi. Ala laloo bou-bou loke tutulu-fafalik neu Manetualain.

YEREMIA 15:1

Manetualain nafa'da au nae, “Neukose Au ta sue-lai leoina ia-la so'on, leomae Musa ma Semuel lapadeik nai ia, fo loke susue-lalaik neu sila. Madenu laoina ia-la la'o, te Au ta nau mete-lakanae fas!

YEREMIA 18:20

Natetu-nanda malole-a nanabalak nenik mangalauk-ka? Tehu sila kali bolok, fo ela au tu'da leo dalek neu. Mafandele dei, te au asala'e sila nai O matam, fo ela O boso mamanasa neu sila.

YEREMIA 42:2

lo au-a mai de lafa'da lae, “Ama, samaleo Ama mita matan, ami ia makahulun-na ba'uk-ka te besak ia ela ka'da lumuanak so. Ami dokodoe Ama hule-haladoi soaneu ami, neu Amak Manetualain fo sene-do'ok-ka. Hule-haladoi fe ami fo be elak iala,

YEREMIA 7:16

Manetualain nafa'da nae, “Yeremia, boso hule-haladoi fe hataholi ia-la. Boso moke tutulu-fafalik, do hule-haladoi soaneus; boso makaseti Au, nana Au ta nau amanene dokodoek ndia fa.

YESKIAL 14:14

Leomae Noh, Danel ma Ayub, ala leo leme mamanak ndia, tehu sila telu tatao-nono'i malolen-na, hapu soi-tefa-na ka'da sila telu samanen-na mesak-kana. Au, Manetualain Fo Mademaina, nde manakokolak-ka.

YESKIAL 22:30

Nai hataholi Israel-la dalek, Au sanga hataholi fo, ana bisa napadedeik papala nanadamak, do napadeik neu mamanak fo, papala nanadaman-na tu'u neu, fo nakataka nahele nusak ndia, metema Au sanga tao akalulutuk-kana, nai Au nasa-melung fo manalua ponu-ponung-nga dalek; tehu Au ta hapu hataholi esa boen.

MALEAKHI 1:9

Besak ia, hai imam-imam-mala lemin, so'ba dokodoe neu Manetualain, fo ela Ana sue-lai ita. Neukose ta nataa emi huhule-haladoim fa, soona emi sala mesam ndia.

SEMUEL SUSULAK-KA ESAN-NA 12:19

Boema, lafa'da Semuel lae, “Fali-ma, ami dei Ama, hule-haladoi neu Manetualain fo o Manetualaim-ma, fo ela boso mate ami. Besak ia, ami mame'da mae fe'ek neme ami sala-singom makahulun-na mai, ami masala-masingo seluk, nanahu ami moke manek esa.”

SEMUEL SUSULAK-KA ESAN-NA 12:23

La'eneu au soona, sa'di leo been-na, boso nalosak au asala-asingo neu Manetualain nanahu au ta hule-haladoi fe emi fa. Nasafalin-na, neukose au boeo, au anoli akandoo emi nanolik malole ma ndoos.

SEMUEL SUSULAK-KA ESAN-NA 7:8

Semuel nafa'das nae, “Boso hahae hule-haladoi neu Manetualain fo ita Manetualain-na, fo ela Ana soi-tefa-na ita teme hataholi Filistin-nala mai.”