YEREMIA 27:16 - Susula Malalaok Hehelu Palak Ma Hehelu Beuk

¹⁶ Makabuin-na boema au afa'da neu imam-mala, ma neu basa laun-nala ae, Manetualain nafa'da nae leo ia, “Boso mamanene nabi-nabi fo lafa'da lae, ta dook so'on te, hata-heto manai Manetualain Uman-na neukose leni falik-kasa neme Babel mai. Sila lasepepeko ndia.

YEREMIA 27:16 ပူးပေါင်းရင်းမြစ်များ

2RAJA-RAJA 24:13

Nebukadnezar tao nakalulutuk la'iesak, Mane Salomo-a taon-na basa hata-heto lilopilas soaneu Manetualain Uman-na. Boema ala ho'i leni la'iesak, hata-heto kabelik manai Manetualain Uman-na, ma manai uma manek-ka, leo Babel neu. Basa sila-la, ala da'di, fo nandaa no hata fo, Manetualain nafa'da nakahuluk-kana so.

YESAYA 9:15

Nusak ndia mauli-malangan-nala, ala tao latofa-latalak ma tao tasi'bu laun-na.

YEREMIA 27:10

Ala ke'di emi ndia fo tao kande lo ladok emi neme emi nusa-namom mai. Neukose Au usi adook emi neme emi nusa-namom mai de neukose emi tu'da-monu.

YEREMIA 27:14

Boso mamanene neu nabi-nabi fo ala kena-ka'i Ama manek fo bosos makaluku-makatele neu manek Babel-la, te ala ke'di-ndiu Ama manek ndia.

YEREMIA 28:3

Nai teuk dua dalen ia neukose Au ho'i falik hata-heto maneme Au umang-nga, fo nanaho'i nenik neme anek Nebukadnezar-ra lo Babel neu-a.

DANIAL 1:2

Manetualain fen sengi Mane Yoyakim-ma, de ala loso leni bua-lo'a kabelik-kala seli leme Manetualain Uman dale mai. Ana foo neni hataholi-la, nos leo ndia lamatua daebafan manai Babel-la uma sosongon dale leu, ma ana pe'da ana loso neni bua-lo'a kabelik-kala lai gudang-gudang manai uma sosongok ndia dalek.