YEREMIA 26:5 - Susula Malalaok Hehelu Palak Ma Hehelu Beuk

⁵ Emi boeo muse mamanene hata fo nananafa'dak neme Au atang-ngala, basa nabi-la fo Au adenu tatas esa os neu emi. Tehu emi ta nau mamanene fas.

YEREMIA 26:5 ပူးပေါင်းရင်းမြစ်များ

2RAJA-RAJA 17:13

Manetualain haitua hataholi nadedenuk, ma nabin-nala, leo hataholi Israel-la, ma hataholi Yehuda-la neu, fo landuku-lalosak hala nasanene'dak-ka nde ia nae: “Hahae tao tatao-nono'i mangalauk leona, fo tunga basa paleta ma hoholo-lalanek, fo Au fen neu emi bai-ba'ikaim-mala, ma neu emi, tunga basa nabi-la, fo Au atang sila-la.”

2RAJA-RAJA 17:23

nalosa mate'ena, Manetualain ta taoafik-kasa so'on, de Ana usi henis leme Ana fes dae-a mai. Manada'dik ndia, ana da'di, fo nandaa no Manetualain fes nasanene'dak, tunga atan-nala, fo nde basa nabi-la. Leondiak, hataholi Israel-la, nanafook leo mamana ookak-ka nai Asyur neu, de ala leo lain ndia losa faik ia.

2RAJA-RAJA 24:2

Boema, Manetualain nadenu hataholi mangalauk-kala ho'u tafa-sisilo, leme leoina Babel, Siria, Moab ma Amon mai, de ala la'ban Yoyakim, boema ala tao lakalulutuk Yehuda, de nandaa no Manetualain nafa'da basan tunga atan-nala, fo nde nabi-la.

2RAJA-RAJA 9:7

Neukose, o tao momopo-mamate o tuan Ahab, teidalen-nala. No enok ndia, Au huku Izebel, fo mana taonisa Au nabing-ngala, ma Au atang fe'e-fe'eng-ngala so.

EZRA 9:11

fo O fen neu ami, tunga basa nabi-la, fo O atam-mala. Lafa'da ami, lae dae fo ami sanga leon ndia, ta balisi fa, nanahu basa laun lala'en-na, neme pe'dak leo pe'dak neu, ala tao manggenggeok so.

YEREMIA 11:7

Lelek fo Au ofalik sila bei ba'i-kain-nala kalua leme Masir mai-a, Au fes nasanene'dak mahelek, fo ela lamahele neu au. Losa faik ia be, au bei fe ahele au anang-ngala nasanenedak la'eneu dede'ak ndia,

YEREMIA 29:19

Basa sila-la da'di neus, nanahu ala ta nau tunga Au hala-haituang-nga, fo Au anduku-alosak-kana neu sila tatas esa tunga basa nabi-la ma basa Au atang-ngala. Tehu ala ta nau tao afik neu Au hala-haituang ndia fa.

YEREMIA 32:33

Leomae Au anoli-aheles, tehu ala ta nau lamanene fa, ma ala ta nau tuka-tei sale-dale fa, ma la'o ela Au.

YEREMIA 35:15

Au adenu laiesak Au atang-ngala ma basa nabi-la neu emi tatas es, fo ala nasiat emi soaneu tao mahii emi ha'da-tataom-mala, ma bosobai tao mangalauk ba'in. Ala fe emi nasanene'dak fo boso sene-do'ok neu lamatua daebafak fe'ek ma boso makaluku-makatele neu sila, fo ela emi leo mahele nai nusak ia, fo Au fe basan neu emi bei ba'ikai manamatem-mala. Tehu emi ta nau tao afik ma ta nau mamanene neu Au fa.

YEREMIA 35:17

Hundia, de Au, Manetualain Fo Manakoasa, fo Israel Manetualain-na, neukose uni fe emi hataholi Yehuda-la ma Yerusalem-mala – basa totoa-tataak fo Au aketu basan soaneu emi, sama leo hata fo Au afa'dak-ka. Au afa'da dede'ak ndia nanahu emi ta nau mamanene, metema Au kokolak o emi, ma emi ta nau mataa fa metema Au alo emi.”

YEREMIA 44:4

Au haitua Au atang-ngala, basa nabi-la neu emi tatas esa, fo ala kena-ka'is boso tao-no'i mangalauk fo Au akamu-akadauk ndia.

YEREMIA 7:13

Leomae Au kokolak o emi la'inono'ik boe, tehu emi ta nau mamanene Au fa. Emi tao basa sala-singok sila-la, de metema Au aloo soona, emi ta nau mataa fa.

YEREMIA 7:25

Mulai neme emi bei-ba'i kaim-mala, kalua leme Masir mai, losa faik ia, Au adenu Au atang-ngala, basa nabi-la le'i leo emi leu tataas esa.

YESKIAL 38:17

Ade makahulun-na, Au kokolak tunga Au atang-ngala, ma nabi Israel-la, ta la'eneu o nde ndia fa do? Ala lafa'da, lae nai tepo lelek manamaik-ka, neukose Au adenu hataholi esa, neu sapu-na Israel. Au Manetualain Fo Mademaina, nde manakokolak-ka.”

AMOS 3:7

Manetualain Fo Mademaina, metema beita nafa'da dale tutu'un-na neu basa nabi la, fo atan-nala fa soona, Ana beita tao hata esa boen.

ZAKHARIA 1:6

Au anduku-alosak Au paletang-ngala, ma Au hala nasanene'dang-ngala neu emi bei-ba'i kaim, tunga basa nabi-nabi fo Au atang sila-la. Tehu ala ta taoafik-kana fa, nalosa ala muse lu'a-lepa buna-boan. Boema lasasale dale, ma ala manaku lae Au, Manetualain Fo Manakoasa, huku basa sila, nandaa no sala-singon-nala, ma nandaa no Au nakeketung-nga.”

NINITAK 10:7

Tehu metema ata nusa so'da kahitu puu pupuu na soona, neukose Manetualain nakalala'ok dale tutu'un nanabibila-babaa na, sama leo Ana tui-benga basan neu ata-ata nala, fo nde basa nabi la.

NINITAK 11:18

Leoina la fo ta nalelak Lamatua ka, ala tao musu nana fai na losa O po'a O nasa-melum, ma fai na boeo losa O maketu-mala'di hataholi manamate kala. Fai na nde ia, soaneu fe nggadi neu O ata mala, nabi la, ma neu basa O hataholi kamahehele mala, fo nde basa hataholi fo ala hule-haladoi neu O, nau matua do ana boe. Ia nde fai na soaneu tao nakalulutuk hataholi-hataholi fo manatao nakalulutuk daebafa ka!”