YEREMIA 26:21 - Susula Malalaok Hehelu Palak Ma Hehelu Beuk

²¹ Lelek manek Yoyakim no malanga soloda'dun-nala ma basa manaho'u paleta-la lamanene Uria hala-kokolan boema manek-ka ito ato fo ana tao nisan. Tehu Uria namanene dede'ak ndia boema ana da'di manabiik de nalai leo Masir neu.

YEREMIA 26:21 ပူးပေါင်းရင်းမြစ်များ

1RAJA-RAJA 18:10

No o Amam Manetualain fo maso'dak-ka na'den-na, au afa'da ae manek-ka nadenu basa au sanga Ama nai mamanak lala'en-na. Metema nai nusak esa manakoasan-nala lafa'da lae Ama ta nai naa fa soona, Ahab nakasetis fo ela nusak ndia manakoasan-nala soo lae memak Ama ta nai ndia fa.

2TAWARIKH 16:10

Nabi Hanani hala-kokolan ndia, taon-na Asa namanasa nanseli nalosa ana tao nabi ndia leo bui dale neu. Nai lelek ndia boe, Asa tuni-ndeni laun de'ubee.

2TAWARIKH 24:21

Tehu laun-na tao nakabua makahatuk soaneu la'ban Zakharia, de Manek Yoas-sa tunga nai nakabubuak ndia dalek. Ana ta nafandele Yoyada fo Zakharia aman tatao-nono'i malolen-na ma lilinekan fa. No manek-ka paletan-na de Zakharia nanapiak nenik batu losa maten nai Manetualain Uman-na so'dan-na. Nai lelek Zakharia sanga ketu hahae-na, naloo bou-bou nae, “Sa'di leo bee na Manetualain nita emi tatao-nono'im ia fo Ana balas-sana!”

MAZMUR 119:109

Au ase'o au so'dang-nga tataas esa, tehu au ta afandele heni, O hoholo-lalanem fa.

AMSAL 29:25

Bii-mamata'u hataholi dede'a kokolan soona, neninin-na toto'a-tataak. Mamahele neu Manetualain soona, neukose o nee-nee lino-linok.

YEREMIA 26:10

Lelek malanga manapaleta Yehuda-la lamanene hata fo manada'dik ndia, boema sila kalua lai-lai neme uma manek-kamai, boema leu lo Manetualain Uman-na neu, de langatuk neu Lelesuina Beuk-ka.

YEREMIA 36:26

Nakalenak seluk bai, manek-ka nadenu ana manen-na, fo nde Yerahmeel, no Asriel anan-na, ma Abdeel anan Selemya, fo ela ala ho'u-la au ma Barukh fo au manasula sulang-nga. Tehu Manetualain nafuni ami.

YEREMIA 38:4

Boema asa mauli-malangan sila-la leu lo manek-ka de lafa'da lae, “Hataholi ia muse nanahuku nisak. Nana no hala-kokolan leondiak-ka de, ana taon-na basa soloda'duk-kala ma hataholi fe'ek fo ala bei leo nai kota ia aon-nala ma'a. Ana ta tulu-fa laun-nala fa te, ka'da ana tao nakatoto'a-nakatatak-kasa.”

MATEOS 10:23

Makanaema ala fepa-li'u emi nai kota esa soona, malai leo kota fe'ek meu. Au afa'da emi te: emi beita meu donge-dama mafeo basa kota-kota manai Israe la boen te, Ana Hataholi ka ana mai so.

MATEOS 10:28

Boso bii neu hataholi kanisa ao paa ka, nana sila ta lanuu koasa, fo tao lisa samane ka fa. Bii neu ka'da Manetualain, fo nanuu koasa taonisa la'iesak emi ao paa samanem nai tasi ha'ik dale.

MATEOS 10:39

Hataholi fo ana ho'u nahele so'da na, neukose namopo so'da na, tehu hataholi fo ana nau namopo so'da na, hu ka nde ana lili neka nahele Au, soona, neukose ana hapu so'dana.”

MATEOS 14:5

Tunga ndo na Herodes nau taonisa Yohanis dei, tehu ana bii hataholi la, nanahu lamahele Yohanis ia nde bee na nabi esa.

MARKUS 6:19

Hu ndia de Herodias nape'da dalek no Yohanis de ana nau taonisa Yohanis, tehu ta da'di fa nana Herodes napanggenggen.