YEREMIA 26:2 - Susula Malalaok Hehelu Palak Ma Hehelu Beuk

² Manetualain nafa'da neu au nae, “Mu mapadeik neu Au umang-nga so'dan-na, fo kokolak mo Yehuda laun fo manamai hule-haladoi manai ndia. Manduku-malosak neu sila basa hata fo Au paletak-ka neu o-a, soaneu mafa'dan neu sila. Boso mafa'da kulang esa boen.

YEREMIA 26:2 ပူးပေါင်းရင်းမြစ်များ

YEREMIA 1:17

Yeremia, maheheleaom leona! Muu leona, fo manduku-malosak neus, basa hata fo Au paletan neu o. Boso bii-mamata'u neus, fo ela Au boso tao-ala o boetai bii-mamata'u seluk, metema o masasalematak moos.

YEREMIA 1:7

Tehu Manetualain nataa nae, “Boso mafa'da mae, o bei muli-soluk manseli. Metema, Au adenu o muu leo su'di see muu soona, o muse muu, ma Au adenu o mafa'da basa hata lala'en-na, o muse manduku-malosak-kana neus.

YEREMIA 19:14

Boema au la'o ela Tofet, mamanak fo au nananadenuk anduku-alosak Manetualain hehelu-hoholon. Au u leo Manetualain uma pandopon-na neu, de au apadeik nai ndia, boema au afa'da basa hataholi-la,

YEREMIA 23:28

Nabi fo manamalame'ik-ka muse nafa'danae, ‘Ia ka'da me'is-sa.’ Tehu nabi fo manahapu hala haituak neme Au mai-a, muse nanduku-nalosak hala haituak ndia no matetun-na. Te gandum-ma ta hapu nakasasamakana no ha'de aik-ka fa.

YEREMIA 25:2

Au afa'ada neu basa leoina Yehuda ma Yerusalem laun-nala ae,

YEREMIA 28:5

Boema au afa'da neu Hananya nai imam-mala ma basa laun-nala matan fo manamapadedeik manai Manetualain Uman ndia ae,

YEREMIA 36:10

Boema Barukh lees basa hata fo Au afa'dan nai susulak nanalunuk ndia dalek-ka boema lamanenen. Lelees ndia, nanalees nai Manetualain Uman, fo nai Safan anan Gemarya kantor-a. Kantor ndia mamanan-na pasan manai lain-na, deka enok masok lo lelesu ina beuk manai Manetualain Uman-na.

YEREMIA 42:4

Au ata ae, “Malole! Metema leondiak. Au sipok emi nonoken ndia. Neukose au hule-haladoi neu ita Aman Manetualain-na fo nataan-na leo beek soona, neukose au afa'da la'iesak-kana neu emi; Esa boeo neukose au ta afunin lo emi neu fa.”

YEREMIA 7:27

Basa boema Manetualain nafa'da nae, “Hu ndia de, hei Yeremia, leomae o mafa'da basa sila-la neu Au anang-ngala boeo, neukose ala ta taoafik neu o dede'a-kokolam fa. Leomae o maloos boeo, neukose ala ta lataa fa.

YESKIAL 3:10

Basa boema, Manetualain nafa'da nae, “Hai, hataholi daebafak fo, manasapu-manalalok-konei, taoafik matalolole, ma mafandendelek basa hata lala'en fo, Au afa'dan neu o.

YESKIAL 33:7

Hai hataholi daebafak fo, manasapu-manalalok-konei, Au so'u o da'di leoina Israel-la, manamanean. Manduku-malosak nasanene'dak-ka nde ia neus:

YESKIAL 40:4

Touk ndia, nafa'da au nae, “Hai hataholi daebafak fo, manasapu-manalalok-konei, mamanene matalolole, ma taoafik neu basa hata lala'en fo, au atu'dun neu o, nana hu kande dede'ak ndia de, Manetualain koasan-na, noo o leo ia mai. Mafa'da leoina Israel-la, basa hata fo, neukose o mitan.”

MATEOS 28:20

Boema manolis, fo ala tao tunga basa hata fo Au paleta basan neu emi a. Ma mafandendelek te, neukose Au o ahele emi losa fai mate'e ka.”

LUKAS 19:47

Tunga faik Yesus nanoli nai Manetualain Uman dale. Malanga ima mala ma mese agama la boema lasi-lasi Yahudi la hii taolisan,

YOHANIS 18:20

Boema Yesus nae, “Au kokolak tataas esa no mangale'dok nai lea matan. Au anoli hataholi la tataas esa nai uma mamaso kala dalek, ma nai Manetualain Uman, nai mamanak fo mandoo fai a hataholi Yahudi la lakabubua. Au beita kokolak ita dede'a nafufunik la'iesa boen.

YOHANIS 8:2

Balahaa fafaik boema, neu seluk leo Manetualain Uman neu, boema hataholi ba'u ka mai. Tutika Yesus nangatuuk de nanolis.

HATAHOLI 20:20

Tolanoo kala bubuluk basa, au ta hiapenge tui-benga neu emi, hata fo masosoa-ndandaak ba'eneu emi. Au anoli emi nai mamana nakabua matua la, ma nai uma puni sa'e-sa'e kala.

HATAHOLI 20:27

Beita la'iesa fo au alai la'oela au bela-ba'ung boen, soaneu au afa'da mangalele'do emi, Manetualain dale tutu'un lala'ena fa.

HATAHOLI 5:25

Basa boema touk esa ana mai de nafa'das nae, “Mamanene dei! Te hataholi fo Tua nasa taos leo bui dale leu a, besak ia lanoli hataholi makadotok nai Amak Manetualain Uman so!”

HATAHOLI 5:42

Tunga faik nai Manetualain Uman ma nai hataholi la uma nala, hataholi nadedenuk sila lanoli lakandoo, ma ala tui-benga Hala Malole la'eneu Yesus lae, Ndia nde Mane Mana Fe So'dak fo nanahelu ka.

ULANGAN 12:32

Tao-no'i basa hata lala'en fo, au paletan neu emi; boso popo-tama do ho'i heni faa anak boen.

ULANGAN 12:5

Neukose, emi Manetualaim-ma, hele mamanak esa neme basa leo Israel-la daen-nala mai, fo ela ita leoinan-na mai leo matan-na mai, fo ala sene-do'ok neun.

ULANGAN 4:2

Emi boso popo-tama seluk paleta neu au fe emi paleta-la, do tao mamopo paleta sila-la esa boen. Tunga emi Manetualaim-ma paletan fo au fen neu emi ndia.

YOSUA 8:35

Yosua lees basa Musa paletan-nala neu hataholi Israel fo lakabubua nai ndia, nai dalek hapu inak-kala, ni'iana-la, ma hataholi nusa dea manaleo nai sila tala'da.

NINITAK 22:19

Ma metema hataholi tao kulang hata esa neme dede'a nafa'da elak ia la soona, Manetualain boeo neukose tao kulang baba'en fo nanasulak nai susulak ia dale ka, fo nde baba'ek neme ai maso'da ka ma neme kota malalaok ndia.