YEREMIA 26:13 - Susula Malalaok Hehelu Palak Ma Hehelu Beuk

¹³ Hu ndia de tao mahii emi so'dam-ma heheo-hihilu ma emi tatao-nono'im; nanda no tunga emi Amam Manetualaim-ma, fo ela Ana pe'da tatak dudu'an-na soaneu tao namopo-namate emi.

YEREMIA 26:13 ပူးပေါင်းရင်းမြစ်များ

KELUARAN 32:14

Boema Manetualain dodoo nasafali dalen-na, de Ana ta da'di huku leoina ndia nenik susa-soe fa.

YESAYA 1:19

Metema, emi nau tunga Au soona, neukose emi hapu basa hata malole manai emi nusam-ma.

YESAYA 55:7

Ela leo been-na, hataholi manatao tatao-nono'i mangalauk-ka, ana tao nahii so'dan-na, ma nasafali dudu'a-aafin. Nemen-na, fo ana fali ma'in leo Manetualain mai, fo ela ana hapu susue-lalain. Ela leo been-na, ana lepos fali leo ita Manetualain-na mai, nana Manetualain fe do'o do ampon no dale manasue-manalaik.

YEREMIA 11:4

Hehelu-hoholong ndia Au tao basan neu sila bei-ba'ikain-nala, nai lelek Au O falik-kasa kalua leme Masir mai, fo nusak ndia sama leo tasi ha'i ba'eneu sila. Au adenus lamahele neu Au, ma tao no'i basa hata fo Au paleta basak-ka so. Besak ia Au afa'da basa hataholi Yehuda-la ma Yerusalem laun-nala ae, metema ala lamahele Au soona, neukose sila da'di Au anang, ma sila Manetualain nde Au.

YEREMIA 18:11

Manetualain nafa'da neu au nae, “Besak ia mafa'da meu hataholi Yehuda-la ma Yerusalem laun-nala mae, Au sanga tao dudu'a-dodok soaneu la'ban sila, ma sadia huhukuk soaneu sila. Madenus fo ala hahae sila so'da-molen fo masala-masingok ndia, boema tao lahii sila ha'da-paliin ma tatao-nono'in-nala.

YEREMIA 18:8

boema leoina ndia tuka tei-sale dale neme ndia sala-singon-nala mai soona neukose Au pe'da tataak Au dudu'ang ndia.

YEREMIA 26:19

Tehu manek Hizkia ma hataholi Yehuda-la ta tao lisa Mikha fa. Nakalenak seluk bai, Hizkia bi neu Manetualain ma noke Manetualain sue lain. Tutika Manetualain helafalik nasa melun fo manatao namate-namopos-sala. Ma besak ia isabaina ita ia teni susa soe matuaina neu ita aoinan.”

YEREMIA 26:3

Fafa'kama leoina ndia nau namanene boema ala hahae tao mangalauk soona, Au pe'da tatak Au dudu'ang-nga soaneu akatoto'a-akatatak sila nanda no sila tatao-nono'in fo mangalauk-ka.”

YEREMIA 35:15

Au adenu laiesak Au atang-ngala ma basa nabi-la neu emi tatas es, fo ala nasiat emi soaneu tao mahii emi ha'da-tataom-mala, ma bosobai tao mangalauk ba'in. Ala fe emi nasanene'dak fo boso sene-do'ok neu lamatua daebafak fe'ek ma boso makaluku-makatele neu sila, fo ela emi leo mahele nai nusak ia, fo Au fe basan neu emi bei ba'ikai manamatem-mala. Tehu emi ta nau tao afik ma ta nau mamanene neu Au fa.

YEREMIA 36:3

Fafa'kama hataholi Yehuda-la neukose ala tao hahae mangalauk, metema ala lamanene la'eneu basa susa-soe fo neukose Au tuni-ndeni neu sila. Soona neukose Au fe do'o do ampong neu sila salan-nala, ma mangalaun-nala.”

YEREMIA 38:20

Boema au ataa ae, “Ta, Neukose ala ta fe Ama Manek lo sila neu fa. Au dokodoe no namahehenak, fo ela Ama Manek tunga Manetualain hala haituan-na; meten te basa lala'en-na lamadai, ma neukose ala ta tao lisa Ama Manek fa.

YEREMIA 42:10

‘Metema emi nau leo mahele nai nusak ia soona, neukose Au so'uk emi, te Au ta tao atu'da emifa; neukose Au tao akatetetuk emi, te Au ta tao atu'u emi fa. Au daleng-nga he'dis-sa nanahu, Au tao basa susa-soe neu emi so.

YESKIAL 33:11

Mafa'das mae no Au, Manetualain fo maso'dak-ka na'den-na, Au ta amahoko fa, metema mate hataholi masala-masingok esa; nasafalin-na, Au hii ana tukatei-saledale neme sala-singon-nala mai, fo ela naso'da nahele. Hai leoina Israel-la lemin, hahae tao tatao-nono'i mangalauk-ka leona! Tao le'e de, emi nau mate?

YOEL 2:14

Fafa'kama, Manetualain fo o Manetualaim-ma, nasafali dale nakeketun-na de Ana ba'e-pala emi nenik baba'e-papalak manasasi kao-kaok. Nalosa emi hapu tunu-hotu tutunu-hohotu angol ma gandum ba'eneu Manetualain, fo o Manetualaim.

YUNUS 3:9

Fafa'kama Manetualain dodoo nasafali dale tutu'un-na, fo ta namanasa so'on, nalosa Ana ta tao nakalulutuk ita fa!”

YUNUS 4:2

Boema, ana hule-haladoi nae, “Ou Manetualain, ade makahulun-na au beita la'o eme au umang mai fa, au afa'da basa ae, tao leo bee o, neukose O tao leoiak hetu? Hu ndia de, au alai tutik leo Spanyol u! Au bubuluk basa, O Manetualain fo manasue ma manalai, ta haelai mamanasa, dale mangana'uk, ma O maheheleaom tataas esa, fo O dodoo masafali O dale tutu'um la'eneu huhukuk-ka.

ULANGAN 32:36

Neukose Manetualain, soi-tefa-na anan-nala, ma Ana sue-lai atan-nala, metema nitas, ala male-tale ma be'i-balakain ta so.

IBRANI 5:9

Hu ndia de, nananakadada'di basak da'di mana soi-tefa fo matetu-mandaak, boema Ana da'di oe mata so'da molek fo mana ketu basa ta ka, ba'eneu hataholi fo mana makatele neun nana,

HAKIM-HAKIM 2:18

Metema Manetualain fe leoina Israel-la mauli-malangan esa soona, Manetualain tulu-fali mauli-malangan ndia do'e-do'e. Ma nai lelek mauli-malangan ndia bei naso'da, Manetualain soi-po'is do'e-do'e leme musun-nala mai. Metema namanenes ala hoonggu'u, nanahu ala fepa-li'us, ma ala tuni-ndenis soona, dalen-na ta tu'da kasian neu fas.