YEREMIA 23:5 - Susula Malalaok Hehelu Palak Ma Hehelu Beuk

⁵ Manetualain nafa'da nae, “Neukose losa fain-na te, Au so'u-a manek esa fo ndoos ma matetuk neme Dauk tititi-nonosin-na mai. Manek ndia neukose ana paleta no ndolu ma malelak, ma ana tao beek soona, ndoos ma matetuk nai basa nusak-kala.

YEREMIA 23:5 ပူးပေါင်းရင်းမြစ်များ

2 SEMUEL 23:3

Yakob Manetualain-na, Ana kokolak basa so; manamasulu-mahapa Israel-la, nafa'da au nae, “Manek fo manapaleta laun-na no ndoos ma matetuk fo mananauli-nalanga no tunga neu Manetualain,

MAZMUR 45:4

Pa'a o tafainam-ma neu o kale'bom-ma, hai manek fo ao makadelek-ka nei, o matua-madema nanseli, ma manahika-humek!

MAZMUR 80:15

Ou Manetualain, Fo Manakoasa, fali ma'im-ma leona, mete neme nusa so'dak-ka mai, fo taoafik neu O anam-mala.

MAZMUR 99:4

Manek fo mabe'i-balakaik, fo manasue-lai hoholo-lalanek; O mapadedeik matetu ndoos-sa so; O makalala'ok hoholo-lalanek, ma ndoos ma matetuk-ka nai Israel.

YESAYA 33:5

Manetualain mademainan-nanseli; Ana koasa basa hata lala'en-na. Neukose, napadedeik natetu hoholo-lalanek, ma ndoos ma matetuk-ka, nai Yerusalem,

YESAYA 4:2

Neukose losa fain-na te, Manetualain tao basa bubu'u-palusa, ma ai-la moli fo lamatua, fo nusak ia mana'ahiik. Nai faik ndia, neukose hataholi Israel fo maso'dak-kala, neukose lamahoko-setelee ma dalen-nala lamatua, nanahu dae-oen buna-boan-nala.

YESAYA 42:6

“Au, Manetualain, fo naloo ma fe o bela-ba'uk soaneu makalala'ok ndoos ma matetuk-ka. Au hela-nole, ma Au akaboboi o, fo o da'di hehelu-balataak, ba'eneu hataholi daebafak-ka, ma mangale'dok ba'eneu basa leoinak-kala.

YESAYA 45:24

Neukose hataholi-la, lafa'da lae, ‘Ndoos ma matetuk-ka, ma be'i-balakaik, ka'da neme Manetualain mai!’ Basa hataholi fo, ta lahiik Au fa, neukose ala mai leo Au mai, fo ala hapu mamaek.

YESAYA 52:13

Manetualain nafa'da nae, “Tete'ek-ka, Au atang-nga, neukose ana hapu buna-boak; neukose nanakoa-kiok, ma nananamadedemak.

YESAYA 53:10

Manetualain nde nahiik, nae ana doi-doso-a, ma ana fe aoinan-na neu, fo da'di leo tutunu-hohotuk fo, sala singok hapu do'o do ampon. Boema, neukose teun-na namanalu, fo nita tititi-nonosin, Neukose Manetualain hihii-nanaun nanatao natetuk, tunga ndia.

YESAYA 53:2

Manetualain nau, atan ndia sama leo nupuk-ka, fo ana moli nai dae tokotik. Ta hapu mana'ahiik, nai aopaan-na, fo ita meten fa; ta hapu hata esa fo nandaa, soaneu ita tahiik-kana fa.

YESAYA 9:5

Ni'iana esa, nanabongi basak ba'eneu ita so; ni'iana touanak esa, nanaba'e-batik ba'eneu ita. Neukose ana da'di ita mauli-malangan. Ni'iana ndia nanafoik na'de: “Manamanoli-mafa'da Manatee-tenok”, “Manetualain Makadelek”, “Ama Manaketu basa tak”, “Manek Mole-dame!”.

YESAYA 9:6

Ana paleta da'di leo manek fo Dauk tititi-nonosin, koasan-na matuaina nanseli Nusan-na mole-dame, tetu-temak tataas esa; paletan-na nangatuuk nai hoholo-lalanek, ndoos ma matetuk lain, neme besak ia, ma losa dodoon-na. Tao leo bee-o, Manetualain Fo Manakoasa nakalala'ok-kana.

YESAYA 9:7

Manetualain naketu basa nusa Israel-la, huhukun-na so.

YEREMIA 22:15

Hai manek Yoyakim, mamanene leon! Metema o mafofo'a uma manek-ka nenik ai kaiyou Libanon fo mana'ahiik nan seli, ade ndia ta nafa'da fa nae, o man fo malole lena neme manek fe'ek-kala mai do ta? So'ba mafandele su'dik o amam: ana name'da nita so'dak fo malole-mana'a, ma nai ue-osan lala'en-na dalek, nabuna-naboa, nanahu ana tao ka'da tunga ndoos ma matetuk, boema ana palisak hataholi nuu taa hata taak-ka dede'an-na nenik ndoos ma matetuk. Memak hataholi fo malelak Manetualain muse tao-no'i leondiak.

YEREMIA 22:3

“Tao ndos ma matetuk. Po'i hataholi manake'di-ndiuk neme hataholi manake'di-ndiuk koasan-na. Boso tuni-ndeni do tao mangalauk neu hataholi manamai, do falu ina ana maak. Boso tao misa hataholi f salan ta nai mamanak ia.

YEREMIA 22:30

“Nananaketu basak soaneu hataholi ndia mopo anan-nala ma nai so'dan-na dalek ana ta hapu dai hata esa fa boen. Neme ndia tititi-nonosin mai ta hapu da'dik manapaleta nai Yehuda da'di leo manek fo Dauk tititi-nonosin-na. Au, Manetualain, nde manakokolak-ka.”

YEREMIA 23:6

Metema ana paleta soona, neukose hataholi Yehuda-la laso'da-lamole ma neukose hataholi Israel-la laso'da-lamole no nenee-lino-linok. Manek ndia neukose loken soona lae, ‘Manetualain Ita So'dan-na’.

YEREMIA 29:11

Nana Au ia bubuluk Au dudu'a beek-ka ba'eneu emi? Dudu'a-dudu'ak sila-la ta soaneu tao amopo-amate emi fa, te soaneu emi tetu-temam, ma soaneu fe emi so'da fai manamaim-ma henuk no namahehenak-ka.

YEREMIA 30:3

Nana neukose fain-na losa, Au tao ahii Au anan Israel no Yehuda heheo-hihilun-nala. Neukose Au o falik-kasa lo nusak fo Au fen neu sila bei ba'ikai manamaten-nala. Neukose ala hapu falik nusak ndia. Au, Manetualain, nde manakokolak-ka.”

YEREMIA 30:9

Emi neukose sene-do'ok neu Au, fo emi Amam Manetualaim-ma, ma neu hataholi esa, fo tititi-nonosik neme Dauk mai neukose Au so'un da'di leo manek-ka.

YEREMIA 31:27

A, Manetualain, afa'da ae, neukose losa fain-na te, Au tao ahenu nusak Israel no Yehuda nenik hataholi daebafak ma bana-manu.

YESKIAL 21:27

Neukose, Au tao akalulutuk la'iesak kota ia, nalosa ai-batu manatapasasalak-kala, lalefu-le'ak lai basa mamanak lala'en-na. Tehu, metema Au hele hataholi fo, ana huku kota ia, ana mai soona, besak-ka dede'ak ndia, ana da'di. Neukose Au fe kota ia, neu hataholi ndia dei.’ ”

YESKIAL 34:16

Neukose Au sanga manamopok-kala, neukose Au foo falik manasalak-kala, neukose Au poti-palu manamakahinak-kala, neukose Au puli-amo'do kamahe'dis-sala; tehu neukose Au tao amate-amopo maao-la, ma mabe'i-balakaik-kala, nana Au manafoo fo, tao hata fo malole.

YESKIAL 34:29

Neukose Au fe tinan-nala, labuna-laboa no malole, nalosa ta lamala'a-lamandoe lai nusak ndia so'on. Neukose leoina fe'ek-kala, ta lakamumulu-lakamamaek-kasa so'on.

YESKIAL 45:8

Dae ndia, ana da'di manapaleta manai Israel-la, pusakan, fo ela ala boso tuni-ndeni seluk Au anang-ngala, te ala fe dae lenak ndia neu leo-leo Israel-la, fo ala taon da'di sila pusakan.

DANIAL 9:24

Teuk hituhulu la'i hitu ndia nde faik fo Manetualain naketun soaneu Ana soi-po'i o leoinam-ma, ma o kotam fo malalao-malalafuk ndia neme sala-singok ma tatao-nono'i mangalauk-ka mai. Basa sala-singok lala'en-na, neukose hapu do'o do ampon ma napadedeik natetu ndoos ma matetuk fo manaketu basa taak-ka, nalosa ninitak ma hala nafa'da elak ndia, neukose ala da'di, ma Manetualain Uman fo malalao-malalafuk ndia, neukose pake falik-kana soaneu Manetualain.

HOSEA 1:11

Neukose tao nakabubua falik leoina Yehuda, ma leoina Israel-la. Neukose ala so'u mauli-malangan esa, ma neukose lamade'u, ma tetu-temak seluk nai sila nusan-na. Te'e-te'e, Yizreel fain-na, neukose ana da'di fai matua!

HOSEA 3:5

Tehu neukose fain-na losa, leoina Israel-la fali le'us leo sila Manetualain-na leu, ma leo sila manen-na neme Dauk tititi-nonosin mai. Boema, neukose ala bii, ma ala fe ha'da-holomata neu Manetualain, boema ala sipo baba'e-papalan.

AMOS 9:11

Manetualain nafa'da nae, “Neukose fain-na losa, Au tao-a Dauk nusan-na fo'a seluk. Besak ia, nusak ndia da'di sama leo uma fo ana tu'u neu so. Tehu neukose Au tao ahii papala nanadaman-nala, fo Au afofo'a falik-kana, fo ana da'di sama leo makahulun eli.

MIKHA 5:3

Metema manakoasa ndia mai soona, neukose Ana koasa anan-nala nenik be'i-balakaik ma koasa neme Manetualain, fo Ndia Manetualain-na mai. Neukose anan-nala laso'da no nee-nee lino-linok, nanahu basa hataholi manai daebafak-ka lala'en-na, neukose manaku matua-mademan,

ZAKHARIA 3:8

Mamanene leon, hai Imam Matuaina Yosua, boeo emi, imam-imam fo manada'di Yosua nonoon-nala lemin, emi basa-basam-mala nde been-na, salaok neme emi maso'dam manamaim-mala, malole. Nai tepo-lelek ndia, neukose Au adenu Au atang fo loken lae, ‘Manabuku beuk’.

ZAKHARIA 9:9

Hai laun Sion-nala lemin, mamahoko-setelee leon! Hai laun Yerusalem-mala lemin, eeki-matadale leon! Mete leon! Emi Manem-ma, ana mai no matua-mademan! Ndia manek fo manatao tunga ndoo-matetun-na, fo maneni so'da-molek-ka. Tehu henuk no dale taidaek, ana losa ana sa'e keledei, keledei ana esa.

MATEOS 2:2

Latane basa mamanak lala'e na lae, “Ala bongi ni'i ana fo Ana sanga da'di hataholi Yahudi la manen ndia nai bee? Ami mita nduu ka ana tii nai dulu so. Nduuk ndia ana da'di ta'du-tana esa nae, manek ndia nanabongik so Hu ndia de ami mai sangan, fo ami sanga sene-do'o kana.”

YOHANIS 1:45

Felipus natongo no Natanael boema, nafa'dan nae, “Ami matongo mo hataholi fo Musa sesei kana nai Manetualain Susula Hoholo-lalanen dale ka, fo nabi la tui-benga ka. Hataholi ndia nde Yesus neme Nazaret, fo Yusuf ana na.”

YOHANIS 1:49

Boema Natanael nafa'da Yesus nae, “Ama Mesen, tete'e ka Ama nde bee na, Manetualain Anan! Ama nde da'di hataholi Israe la, Mane na!”

1 KORINTUS 1:30

Hu ka nde Manetualain de nalosa emi da'di esa mo Kristus Yesus. Tunga Kristus, de Manetualain tao na ita da'di manatee tenok, ma tunga Ndia boe, de Manetualain tao na ita malole falik to Manetualain, nakadada'dik ita da'di Ndia hataholi kamahehele hehelin, ma Ana soi-tefa na ita.

IBRANI 8:8

Tehu Manetualain hapu basa salak nai hataholi kamahehele nala, de nalosa Manetualain nafa'da nae, “Mafandendelek, neukose losa fai na te, neukose Au tao hehelu-balataa beuk, o leoina Israe la, ma no leoina Yehuda la.

NINITAK 19:11

Basa boema, au ita nusa so'da ka natahuka, boema au ita ndala fulak esa. Manasa'e ka na'de, Fo Mana Lilinekak ma Ndoos. Ana tao tunga ndo na, nai naketu huhuku ka dalek ma nai natee-natati ka dalek.