YEREMIA 23:1 - Susula Malalaok Hehelu Palak Ma Hehelu Beuk

^1-2 Manetualain fo Israel Manetualain-na nafa'da nae, “Soe ba'eneu emi basa mauli-malanga fo manatao tapasasala Au anang-gala! Tunga ndoon-na emi masamumumu-masamamao Au anang-ngala, tehu emi ta tao-no'i fan; emi po'ilotak-kasa ala tapasasala ma lalai. Besak ia neukose Au huku emi nanahu emi tatao-nono'i mangalaum-mala.

YEREMIA 23:1 ပူးပေါင်းရင်းမြစ်များ

YEREMIA 10:21

Boema au ata ae, “Ita mauli-malangan sila-la nggoak-kala. Ala ta loke natutu'duk neme Manetualain mai fa, hu ndia de ala ta hapu hata esa boen, ma ita tapasasala su'di leo bee neu.

YEREMIA 12:10

Manakoasa nusa dea ba'uk-ka tao lalutu la'iesak Au osi angol-la, ma ala heheta-aa'i lakalulutuk basa Au tina-osing lala'en-na. Au nusang fo malole-mana'a, ala tao lasafalin da'di moo-solokaek fo mamana nes.

YEREMIA 13:17

Metema o ta nau mamanene fa, neukose au kii amanininok. Au kii amatani neu O nakatutuam ndia no dale nameme'dak. Au lu'uoeng-nga nasalalalok nanahu Manetualain anan-nala nanafua sama leo hataholi nanafook.

YEREMIA 2:26

Manetualain nafa'da nae, “Sama leo nakodaa name'da mamaek, nai lelek ho'u-lan, leondiak boe, emi basa-basam-mala neukose mame'da mamaek, hai hataholi Israel-la, emi manem-mala, emi manaho'u paletam-mala, emi imam-mala ma emi nabim-mala lemin!

YEREMIA 2:8

Ta hapu imam esa boen, fo natane nae, Au, fo ndia Manetualain-na nai bee fa. Basa manaketu-mala'dik-kala boeo, ta bubuluk see Au fa basa manakoasa-la, lena-la'ban Au paletang-nga. Basa nabi-la, kokolak pake Baal na'den-na, ma ala sene-do'ok neu sosongo-tatangok fo, sosoa-ndandaa taak-ka.”

YEREMIA 22:22

Hu ndia de, basa mauli-malanga neukose mopos sama leo anin-na fun. Neukose emi soloda'dun-nala nana fua nenik sama leo nanahukuk, ma emi kotam-ma nananakadadaek ma nananakamumulu-nananakamamaek nanahu basa emi tatao-nono'i mangalaun-nala.

YEREMIA 50:6

Au anang-ngala sama leo bi'ilopo manapo'ilotak, fo ala latofa-lasalak nai lete pe'dak-kala hu ka nde manafoo tak, ala laputak leme letek esa leo letek fe'ek leu, ma ala tabubuluk sila uman-na nai be.

YESKIAL 13:3

Manetualain Fo Mademaina nafa'da nae, “Soe ba'eneu nabi-nabi nggoak sila-la! Ala tunga sila dale nakababalen-na, te ala ta lita ninitak esa boen.

YESKIAL 34:1

Manetualain nafa'da au nae,

YESKIAL 34:21

Emi seseti, ma emi puka bi'ilopo kamahe'dis-sala, nalosa lalai la'oela nonoon-nala,

YESKIAL 34:31

Tete'ek-ka, Au bi'ilopong-ngala nde emi, de Au fe emi mi'a. Emi nde been-na Au anang, ma emi Manetualaim nde Au. Au, Manetualain Fo Mademaina, nde manakokolak-ka.”

YESKIAL 36:38

Kota-kota fo besak ia lakalulutuk-ka, neu makabuin-na te, henuk no laun-na, sama leo makahulun-na, fo nai fai-fai malole soona, Yerusalem henun no bi'ilopo nanatunu-hotuk-kala. Soona besak-ka emi bubuluk, mae Au nde Manetualain-na.”

ZAKHARIA 10:3

Manetualain nafa'da nae, “Au amanasa anseli neu manakoasa fo ala paleta Au ana-ngala, de neukose Au hukus. Tehu laun Yehuda-la nde been-na, Au nuung, ma Au, Manetualain Fo Manakoasa, neukose akabobois. Neukose Au taos da'di ndala natee-nata'ti palani ba'eneu Au.

MATEOS 15:14

Lokopae hataholi Farisi sila tao. Sila mauli-malanga poke kala; de metema hataholi poke ka hela-nole seluk hataholi poke ka soona, neukose duas tu'da leo oe lolok dale leu.”

MATEOS 9:36

Lelek fo Yesus mete nita hataholi makadotok sila la, boema dale na tu'da neus, nanahu langgangok ma bendole-bendaku, sama leo bi'ilopo fo mana foon ta.

YOHANIS 10:10

Nakodaa ka'da ana mai namanako, nanisa, ma ana tao nakalulutuk basa hata lala'ena. Tehu Au mai, fo ela hataholi daebafa ka hapu so'dak, maso'da manaketu basa ta ka.

YOHANIS 10:12

Tehu hataholi mana'a ngga'di a, manafoo ta ndia fa. Boema bi'i la lamatua na ta nde ndia boen. Hu ndia de, metema nita busa fui ka mai soona, neukose nalai la'oela bi'i la. Soona busa fui ndia, ana kaa nala bi'i la, ma ana tao na bi'i la tapasasala.

YOHANIS 10:8

Basa hataholi manamai lakahuluk leme Au mai a, nde bee na nakodaa ma mana bonga uma basa sila la, hu ndia de, bi'ilopo la ta nau lamanene hala nala fa.