YEREMIA 22:9 - Susula Malalaok Hehelu Palak Ma Hehelu Beuk

⁹ Boema neukose hataholi-la lataa lae, basa sila da'di nanahu ei masapepeko-masandandali neu emi hala-hehelun no Au, fo emi Manetualaim-ma, de emi sene-do'ok ma hule-haladoi neu lamatua daebafa fe'ek-kala.”

YEREMIA 22:9 ပူးပေါင်းရင်းမြစ်များ

1RAJA-RAJA 9:8

Uma hule-haladoik ia neukose ana da'di ai-batu madodouk esa, nalosa hataholi manala'ok tunga ndia, neukose ala nggenge ma ala bii-lamata'u lanseli. Neukose lafa'da lae, ‘Taole'e de Manetualain tao leondiak soaneu nusak ma uma ia?’

2RAJA-RAJA 22:17

Ala lasadea Au so, de ala tunu-hotu tutunu-hohotuk fe lamatua daebafak fe'ek-kala. Basa hata fo sila tao-no'ik-ka, ana tao nafo'a Au nasa-melung. Au amanasa Yerusalem, de Au nasa-melung ndia, ta bisa tenak fa.

2TAWARIKH 34:25

Sila la'oela Au so, de ala fe tutunu-hohotuk neu lamatua fe'ek-kala. Basa hata fo ala tao-no'ik-kala, tao nafo'a Au nasa-melung. Au amanasa Yerusalem, de Au nasa-melung ta bisa tenak fa.

YEREMIA 11:10

Sila tao sala-singok fo nanatao basak neme sila bei ba'i-kain-nala fo ala ta nau lamahele neu Au fa, de sila lamahele neu lamatua daebafak fe'ek, ma ala ta nau tunga Au paletang-nga fa. Leomae Israel ma Yehuda la'olena hehelu-balatak, o Au tao basan neu sila bei ba'i-kain-nala.

YEREMIA 11:3

Au, fo Israel Manetualain-na, soo-supa neu see ndia fo ana ta nau tunga Au hehelu-hoholong dia eno-dalan fa.

YEREMIA 16:11

Mafa'da meu sila mae Au afa'da leo ia, em bei ba'i mamaten-nala la'o ela Au, ‘De ala sene-do'ok ma lamahele neu lamatua daebafak fe'ek. Sila lasanggango heni Au, de ala ta nau tunga Au paletang-nga fa.

YEREMIA 50:7

Basa hataholi manamatongo no sila sapu las ma ala fe doidosok. Au anang-ngala musu-la lafa'da lae, ‘Beek fo ita tao ndia ta sala fa hu ka nde hataholi sila tao salak neu Manetualain. Bei-ba'ikain-nala lamahele neu Manetualain, boeo sila lamahele ka'da neu Manetualain.’

YEREMIA 9:13

Manetualain nataa nae, “Ndia da'di, nanahu Au anang-ngala, ta taoafik neu Au fes nanolik-kala so'on. Ala ta tunga Au, ma ala ta nau tunga Au paletang-ngala fa.

YESKIAL 12:16

Neukose Au soi-tefa ala, sila lumanak leme natee-natatik dale, leme la'a-ndoes-sa, ma leme he'di-laus-sa mai, fo ela nai leoina nusa dea sila-la tala'daheon, neukose ala bubuluk, lae sila tatao-nono'in ta kandaak makandondook fa. Soona neukose, ala manaku, lae Au nde Manetualain-na.”

YESKIAL 14:23

Boema, neukose emi boeo, bubuluk mae Au tatao-nono'ing sila-la, nanuu ne'ek. Au, Manetualain Fo Mademaina, nde manakokolak-ka.”

YESKIAL 39:23

Ma basa leoina-kala, neukose ala bubuluk, lae hataholi Israel-la, nanafook leo mamana tu'u-tapak neu, nanahu sila sala-singon neu Au-a. Au la'oelas so, ma Au po'ilotak musu-a sengis, de musu-a taonisas lai natee-natatik dale.

YESKIAL 5:15

Metema, Au amanasa o, ma Au huku o soona, basa leoina manai o boboa-kaisum-ma, lame'da bibii-namata'uk nanseli. Neukose, ala hakinonoli o, ma ala pela-malua mete o.

ULANGAN 29:24

Boema, neukose basa daebafak-ka lala'en-na, latane lae, ‘Tao le'e de, Manetualain tao hataholi sila nusan-na, leondiak? Hu beek de, ana namanasa ba'u-ba'u basa ndia?’