YEREMIA 22:23 - Susula Malalaok Hehelu Palak Ma Hehelu Beuk

²³ Emi leo-mapalasa no nene-lino-linok ma nana okofefeok nenik dii kaiyou Libanon, tehu metema nai lelek hedi-laus la'e emi soona, neukose emi doi-doso sama leo inak fo ana sanga bongi.”

YEREMIA 22:23 ပူးပေါင်းရင်းမြစ်များ

YEREMIA 21:13

Makabuin-na boema Manetualain nafa'da neu Yerusalem nae, “Hai Yerusalem! O mamamana madema lena heni bafa-bafak do manai o boboan kaisum-ma. O sama leo pupukuk batu fo namadema nai mok maselok-ka, tehu neukose au la'ben o. O mafa'da mae hapu hataholi esa boen hapusapun-na o, do ana titipa-sosoli o kota musum fa,

YEREMIA 22:6

Ba'eneu Au soona, manek Yehuda mamana manen-na mana'ahiik nan seli, mana'an-na leo dae Gilead-ta ma letek-letek Libanon; tehu mamanak ndia Au taon sama leo mok solokaek fo ta hapu hataholi esa boen leon fa.

YEREMIA 3:21

Hala makalupuk-ka, nana namanenek nai letek-kala poin-na; Halak ndia, neme hataholi Israel fo manakii, ma manadokodoe, nanahu lasala-lasingo basa so, ma manalafandele heni sila Aman Manetualain-na.

YEREMIA 48:28

Emi fo Moab laun-nala lemin, la'oela emi kotam-mala fo leo nai kakalak dalek sama leo manupui kalua ana tao ndunu-na nai felak madema su'un-na.

YEREMIA 49:16

O koam-ma tao-na namanggoa. Ta hapu esa boen fo ana bii o sama leo o dudu'a-aafim-ma. O leo nai batu maka'bik fo dook-ka nai lete poik. Tehu mae o tao uma nai mamana madema nanseli; deman-na sama leo manupui kaka-ka ndunun-na, Manetualain nakona o neme ndia. Manetualain fo nde nafa'da basa sila-la.”

YEREMIA 6:24

Laun Yerusalem-mala lamanenehalak ndia boema, bendole-bendaku. Bibii-namata'uk-ka sa'e-nalas, de ala doi-doso, sama leo inak-ka ana sanga bongi.

YESKIAL 17:3

Mafa'das mae, Manetualain Fo Mademaina, nafa'da emi nae leo ia: Manupui kaka'ka matuaina esa, bulun-na mana'ahiik, ma li'dan-na maloaina, ma balakain-na seli. Ana laa leo Letek Libanon-na poin-na neu, de ana helu la'di kaiou pe'duk, ndanak esa,

HOSEA 5:15

Neukose, Au la'oela Au anang-ngala, losa doi-doson-nala dai, nanahu sala-singon-nala, boema ala mai sanga Au. Fafa'kama, nai doi-doson-nala dalek, neukose ala sanga enok, fo latongo loo Au.”

HOSEA 7:14

Ala ta hule-haladoi te'e-te'e neu Au fa. Metema ala hulu-haladoi soona, ala bala aoinan-nala leu pepe'uk lain, fo ala makaleleu sama leo hataholi fo ta lamahele neu Au-a, tatao-nono'in. Metema ala hule-haladoi, fo loke gandum ma angol soona, ala tao lahina aoinan-nala, sama leo hataholi manasene-do'ok neu lamatua daebafak-ka, tatao-nono'in. Te'e-te'e, ala lena-la'ban Au!

AMOS 9:2

Leomae ala tola leo hataholi manamatek-kala daebafan dale leu boeo, neukose Au hapus. Leomae ala kae leo lalai leu boeo, neukose Au akona henis leme naa mai.

OBAJA 1:4

Leomae o taom-ma o umam-ma dema manupui kaka'ka ndunun-na, ma dema nduuk manai lalai-la boeo, tao leo bee-o, neukose Au tao atu'da henin.

HABAKUK 2:9

O nanasoo-supak! No o tataom ndia de, o teidalem-mala lamasu'i nenik nanalak fo hapun tunga tatao-nono'i susue-lalai taak-ka, fo ela o umam-ma nee-nee lino-lino, ma o mala susa-soe deak.

BILANGAN 24:21

Nai ninitak ndia dalek, Bileam nita Keni tititi-nonosin, boema ana kokolak hala nafa'da elak ia nae, “Memak, o mamana leleom-ma matea-mahelek, sama leo manupui ndunuk-ka nai piak lain.