YEREMIA 22:20 - Susula Malalaok Hehelu Palak Ma Hehelu Beuk

²⁰ Manetualain nafa'da nae, “Hai Yerusalem laun-nala lemin, meu leo Libanon ma Basan, fo kii namatani nai na. Nggiso-nggasi nai letelepak Moab, nana emi soloda'dun lala'en-na nanatao nakalak so.

YEREMIA 22:20 ပူးပေါင်းရင်းမြစ်များ

YESAYA 57:13

Metema emi nggasi soona, nemen-na fo, dodoki-dudulak sila-la soi-tefa-la emi! Neukose anin-na fuu namopos, ma mopok-kasa nenik ka'da ani hahaek esa mesan! Tehu, hataholi fo nasulu-nahapa neu Au-a, neukose nanuu nusak ndia, ma ana sene-do'ok neu Au, nai Au Umang.”

YEREMIA 2:25

Israel, o boso muu usi lamatua daebafak-kala, ma boso eki fo maloos, mahani te, neukose o eim-ma nakahina, ma o nggati anam-ma namatuu, nanahu maa ma'dak-ka. O mafa'da mae, ‘Ta, neukose au ta bisa fali fa, nana au sue lamatua daebafak-kala, ma au nau u tungas.’ ”

YEREMIA 2:36

No lai-laik nanseli, emi meu leo leoina fe'ek-kala lamatua daebafan-nala meu, fo moke tutulu-fafalik! Neukose tao leo bee-o, Masir taon-na emi dalem-ma ba'ihana, sama leo Asyur tao ba'ihana emi dalem-ma.

YEREMIA 2:37

Neukose no dale manaba'ihanak ma mamaek, emi la'oela Masir. Au fo Manetualain ta sipok sila, fo emi masalai emi deam-ma neus fa; neukose emi ta hapu nanalak hata-hata esa boen, neme sila mai.”

YEREMIA 22:22

Hu ndia de, basa mauli-malanga neukose mopos sama leo anin-na fun. Neukose emi soloda'dun-nala nana fua nenik sama leo nanahukuk, ma emi kotam-ma nananakadadaek ma nananakamumulu-nananakamamaek nanahu basa emi tatao-nono'i mangalaun-nala.

YEREMIA 25:9

‘Neukose Au alo basa leoina manai neme ki mai-a, ma Au atang Nebukadnezar fo manek Babel-la boe. Neukose Au fe sila soaneu latee-latati la'ban Yehuda no laun-nala, ma basa leoina manai boboa-kaisun-nala. Leiona Yehuda no leoina titia-tatain-nala neukose Au tao akatoto'a-akatatak-kasa ma Au po'ilotak-kasa lakalulutuk soaneu losa dodoon-na. Hataholi fo manamitas-sala neukose ala nggenge-la ma lame'da bibi-namata'uk. Au, Manetualain nde manakokolak-ka.

YEREMIA 3:1

Manetualain nafa'da nae, “Metema touk esa elaheni saoinan-na, boema tou fe'ek saon-na inak ndia, soona touk fo inak ndia sao elan-na, ta bole ho'i falik-kana, da'di leo saoinan fa, nana dede'ak ndia, neukose tao nalutu nusak ia. O fo Israel, o manuu susue tou-ta'ek ma ina anafe'ok makadotok nanseli so, hapu nai bee, besak ia, o nau fali ma'im-ma leo Au mai!

YEREMIA 4:30

Hai Yerusalem, o nanalaoelak so, de o ta hapu tao hata-hata esa so boen! Sosoak hata, pake ba'du pilas ma balias aoinam-ma nenik lilopilas, lilofulak, boema lose badaak neu o mata lou laim-ma? Palsuma la'iesak-kana, o balias o aoinam-ma, nana basa o susue tou-ta'em ina-anafe'om-mala ta litu o so'on, nakalenak, ala nau taolisa o

RATAPAN 1:19

Au aloo au tia-laing-ngala tehu lalelesi au. Mate basa imam-mala ma mauli-malangan leoina-la nai kota enon-nala lain. Nai lelek ala sanga nana'a-neninuk fo laso'da lahele.

RATAPAN 1:2

Le'odae katemak esa dalen-na, ana kii no dale he'dik, luuoen-na titi nai nasebu'un-na. Ta hapu hataholi esa boen, neme basa tou-ta'e susuen-na nau kokoe-nanasik fan. Tia-lain-nala lalelesin de lasafali da'di musu nok.

YESKIAL 23:22

Manetualain Fo Mademaina, nafa'da nae, “Hai hataholi daebafak fo, manasapu-manalalok-konei, o pela-malua o tou susue-lalaim-mala so, tehu neukose Au dudungu-papaus, fo ela lamanasa o fo lakahapi-la o.

YESKIAL 23:9

Hu ndia de, Au fen leo tou susue-lalain-nala neu, fo nde hataholi Asyur fo, nahiik-kasa nanseli ndia.

YESKIAL 27:6

O sefem-mala nanataok neme, ai matuaina manai Basan-nala mai. O ofam-ma uma anan-na, nanataok neme ai kaiou mai, o da'di meme pulu Sipru-sa mai, o nanabalias nenik ngga'di dui kabelik.

BILANGAN 27:12

Manetualain nafa'da Musa nae, “Kae leo letek Abarim lain muu, fo lalana nusak fo, neukose Au fen neu hataholi Israel-la.

ULANGAN 32:49

“Muu leo Letelepak Abarim-ma, nai nusa Moab-pa, fo nai kota Yerikho-a, selik. Soona kae leo Letek Nebo-a lain muu, fo makanae leo dae Kanaan fo, ta dook-ka so'on te, Au fen leo leoina Israel-la neu.