YEREMIA 22:19 - Susula Malalaok Hehelu Palak Ma Hehelu Beuk

¹⁹ Neukose Yoyakim nana lele'a-lolosok ma nana pia henik leo Yerusalem lelesu inan deak neu, sama na leo hataholi lele'a-lolosok keledei mates.”

YEREMIA 22:19 ပူးပေါင်းရင်းမြစ်များ

1RAJA-RAJA 14:10

Hu ndia de, neukose Au fe soe a tuni na o teidalem-mala. O tititi-nonosi tou mala lala'en-na, nangatutuu na leo beek boe, neukose nanataonisak. Neukose Au tao amopo o teidalem-mala sama leo hataholi a sasapu balisi kadafuk kala.

2RAJA-RAJA 23:36

Yoyakim teun 25, nai lelek ana da'di manek Yehuda, de ana paleta nai Yerusalem, teuk 11 dalen-na. Inan na'de Zebuda, fo Pedaya neme kota Roma, anan-na.

2RAJA-RAJA 9:35

Tehu, lelek hataholi-la leu ho'i popolan-na, fo leu latoin te, ala hapu ka'da langa so'en-na, ma lima duin-nala, boema ein-na.

2TAWARIKH 36:6

Lelek Nebukadnezar fo manek Babel-la loso-na Yehuda boema, ana ho'un-na Yoyakim, de noon no nanalangek leo Babel neu.

PENGKHOTBAH 6:3

Leomae hataholi esa anan natun esa, ma naso'da dook-ka, nalosa namalasi, tehu metema ta name'da nita tetu-temak, ma ta latoi-latonom no malolen-na fa, soona tunga au hahapung-nga, ni'iana beuana nanabongi mates-sa, ua-nalen malole lena neme hataholi ndia mai.

YEREMIA 15:3

Au, Manetualain, nde aketu ae, huhukuk kahaak-ka fo mangalaun-nansei ndia, neukose ana da'di neu sila: neukose mate-mopos nai natee-natatik-ka dalek, neukose busa-la lale'a-loloso sila popolan-na, manupui-la la'as, ma nanataom-ma basak neme bana makisu-makak-kala mai.

YEREMIA 36:30

Ndia, de Au, Manetualain, afa'da neu o, hai manek Yoyakim, ae ta hapu hataholi esa boen neme o tititi-nonosim neukose ana paleta da'di manek neme Dauk tititi-nonosin mai. Neukose o popolam-ma nanapia henik lo deak neu, fo makato'bik-ka la'en nai lele'don-na ma dinis-sa la'en nai le'dodaen-na.

YEREMIA 36:6

Hundia de hataholi-la fai oka aon-na losa soona, o muse mu lo naa mu fo lees-sana no hala matuaina basa hata fo au afa'dan neu o ndia, fo ela ala lamanene basa hata fo Manetualain nafa'dan neu au-a. Tao no'i ndia nai mamanak fo hapu nananamanenek neme basa hataholi fo manai Manetualain Uman dale-a, fo nde hataholi Yehuda fo manamaik neme sila kotan-nala mai.

YEREMIA 8:2

ta soaneu latoi-latono seluk-kasa fa, te nanapo'ilotak nai dae lain, fo da'di kadafuk. Hataholi sila-la duin-nala, besenggela-besenggali lai le'do bulak, ma bana-manu fo ala taos da'di lamatua daebafak, fo ala sue-lais, lalalau-laoonos, ala sene-do'ok neus ma loke natutu'duk-ka, matan-na.

YESKIAL 19:8

Tehu leoina-la, leme nusak manai titia-tatain-nala mai, de lakahapi-lan neme mamanak lala'en-na mai. Ala pilu dala neu, fo sue kande ala ho'u-lan, boema ana masok leo hataholi sila hihi'in dale neu.

YESKIAL 39:5

Neukose solda'du sila-la ala tu'da, fo mates lai tina-la dalek. Au, Manetualain Fo Mademaina, nde manakokolak-ka.