YEREMIA 22:18 - Susula Malalaok Hehelu Palak Ma Hehelu Beuk

¹⁸ Hu ndia de la'eneu Yoyakim fo manek Yehuda fo Yosia ana manen-na soona, Manetualain nafa'da nae, “Mamaten-na neukose nanakii-nanatani tak; neukose ta hapu manamafa'da fa nae, ‘Ado, au nonoong-nga, ado’ ta hapu fo manadale-he'dik, do nafa'da nae, ‘Kasian ama manek!’

YEREMIA 22:18 ပူးပေါင်းရင်းမြစ်များ

2 SEMUEL 1:26

Hai au tolanoong Yonatan, au daleng-nga, he'dis nanseli, nana o belim-ma, ba'un-na seli ba'eneu au. O susue-lalaim neu au-a, ba'u nanseli no dale katemak lena heni inak-ka susue-lalain.

1RAJA-RAJA 13:30

Nabi lasik ndia mesak-kanan-natoi-natono popolak ndia nai teidalen-nala late na, boema nabi lasik ndia no anan-nala kii-makaleleu mamates ndia. Lafa'da lae, “Kasian ba'eneu o, tolano ngo ne, kasian la'iesak-kana!”

2RAJA-RAJA 23:36

Yoyakim teun 25, nai lelek ana da'di manek Yehuda, de ana paleta nai Yerusalem, teuk 11 dalen-na. Inan na'de Zebuda, fo Pedaya neme kota Roma, anan-na.

2RAJA-RAJA 23:6

Ana kalua heni Lamatua Daebafa Inak Asyera, dodoki-dudulan neme Manetualain Uman dale mai, de nenis leo kota deak neu, fo leo Bafak Kidron-na neu. Ana hotu heni dodoki-dudulak sila-la, neme Bafak Kidron-na, boema ana pau ha'i kaan-na, de sopuanak, boema ana nggali afun-na leo laun-nala mamana loo-laten neu.

1 TAWARIKH 3:15

Yosia anatoun 4, fo nde: Yohanan, Yoyakim, Zedekia ma Yoahas.

2TAWARIKH 35:25

Nabi Yeremia taon-na nakamee kii-makaleleuk esa soaneu Manek Yosia. Losa besak ia, nakameek ndia nanapakek nai Israel fo basa manamakameek-kala, nau inak do touk boe, ala paken nai fai nasanene'dak soaneu Yosia fai mamaten-na. Ala sulak nakameek ndia leo susula nakamee kii makaleleuk-ka dalek neu.

2TAWARIKH 36:5

Yoyakim teun duahulu lima, nai lelek ana da'di manek Yehuda, de ana paleta nai Yerusalem teuk sanahulu esa dalen-na. Ana nasala-nasingo neu Manetualain.

YEREMIA 16:4

Neukose sila mates nana he'di-laus fo maneni mamates la'es ma neukose sila mates nai natee-natatik-ka dalek, do mates nanahu la'a-ndoes-sa. Neukose ta hapu hataholi esa boen kii namatanis do natotoi-natotonok fas. Neukose sila popolan-nala tongganggali samaleo pupuk-ka nai dae-a, ma manupui-la no bana makisu-makak-kala la'as.

YEREMIA 16:6

Hataholi kamasu'ik-ka ma hataholi nuu ta hata-taak mani nusak ia neukose mates te ta hapu manamatoi fa. Ta hapu hataholi esa boen neukose tao nahe'di aopan-na do nggeu heni langa doon-na da'di leo manafaluk soaneu sila fa.

YEREMIA 21:11

Manetualain nadenu au anduku-alosak hala heheluk ia neu manek Yehuda, fo Dauk tititi-nonosin uma isin-nala: “Mamanenehata fo au, Manetualain, afa'dak-ka. Tao matebebes-sa fo ela ndos ma matetuk-ka nananakalala'ok su'di faik. Po'i hataholi manake'di-ndiuk neme hataholi fo manake'di-ndiuk-ka koasan-na mai. Metema ta soona, neukose tatao-nono'ik mangalauk fo o tao-no'ik-ka ana taon-na au nasa-melung lua ponu-ponu saman-na leo ha'i-a fo ta hapu nakamate fan.”

YEREMIA 22:10

Hai hataholi Yehuda, boso dale-he'dis soaneu Manek Yosia mamaten-na. Te ka'da kii-mamatani neu Yoahas fo ana manen-na nana ala lon so de ana ta fali fa. Dae oen fo mamana fua funin neukose ana ta nita fa.

YEREMIA 22:12

Neukose ana mate nai mamana ookak-ka, ma neukose ta mete nita nusak ia fa so'on.”

YEREMIA 34:5

te ka'da o mate no ndo-le'dek. Ma sama leo laun-nala de'de boominik nai lelek latotoi-latotono o bei ba'i-kaim manamaten-nala fo ala paleta te o beita, leondiak boe neukose laun-nala tunu boominik soaneu o. Neukose ala kii-makaleleu ma lafa'da lae, ‘Ado! Ami manen ta so!’ Au, Manetualain, nde manakokolak-ka.”

YEREMIA 36:30

Ndia, de Au, Manetualain, afa'da neu o, hai manek Yoyakim, ae ta hapu hataholi esa boen neme o tititi-nonosim neukose ana paleta da'di manek neme Dauk tititi-nonosin mai. Neukose o popolam-ma nanapia henik lo deak neu, fo makato'bik-ka la'en nai lele'don-na ma dinis-sa la'en nai le'dodaen-na.