YEREMIA 22:13 - Susula Malalaok Hehelu Palak Ma Hehelu Beuk

¹³ Soe ba'eneu hataholi fo nafofo'a uman-na no make'di-mandiuk, ma ana tao namaloan no ta tao tunga ndoon-na fa. Soe ba'eneu ndia fo nadenu hataholi-la laue-laos-sa te nggadi tak.

YEREMIA 22:13 ပူးပေါင်းရင်းမြစ်များ

2TAWARIKH 36:5

Yoyakim teun duahulu lima, nai lelek ana da'di manek Yehuda, de ana paleta nai Yerusalem teuk sanahulu esa dalen-na. Ana nasala-nasingo neu Manetualain.

AYUB 31:39

leouni'ka au u'a heni buna-boan, ma au po'ilotak hataholi manasele-nggalin-nana, namala'a-namandoe,

YESAYA 5:8

Soe ba'eneu emi fo manaasa uma-la, ma malaka-ma tina-la, soaneu popo-tama seluk neu emi hata-hetom-mala! Ta dook-ka so'on te, ta hapu mamanak soaneu hataholi fe'ek-kala so'on fo ka'da emi nde leo nai nusak ndia.

YEREMIA 17:11

Nonokabai manupui lu'u tolok fo ndia nuun ta ndia fa, hataholi fo ta manatao ndos-sa fa hapu hata-heton soona, tatao-nono'in leondiak. Ka'da nai fai keke'uanak mesak-kana neukose namopo basa hata-heton-nala. Nai so'dak fai makabuin-na te butin-na nae ndia hataholi fo nggoak nanseli.

YEREMIA 22:18

Hu ndia de la'eneu Yoyakim fo manek Yehuda fo Yosia ana manen-na soona, Manetualain nafa'da nae, “Mamaten-na neukose nanakii-nanatani tak; neukose ta hapu manamafa'da fa nae, ‘Ado, au nonoong-nga, ado’ ta hapu fo manadale-he'dik, do nafa'da nae, ‘Kasian ama manek!’

IMAMAT 19:13

Boso lumu-ese emi nonoo hataholim-ma do malaka-ma bua-lo'an. Boso ho'u mahele hataholi fo naue-nale'di fe emi-a, ngga'din-na, leomae ka'da le'odaek esa boe.

MIKHA 3:10

Emi mafofo'a Yerusalem, fo Manetualain kotan-na, nenik kanisak ma ta tunga ndoos ma matetuk-ka fa.

HABAKUK 2:12

O nanasoo-supak! O mapadedeik kota neu tatao-nono'i mangalauk lain, ma o mafofo'an nenik kanisak.

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”

ULANGAN 15:13

Ta bole fe ata nanapo'ik ndia, ana fali ne'un no lima louk fa.

YAKOBIS 5:4

Emi ta bae hataholi mana so'ubelak manai emi tina-osi mala, ngga'di nala fa. Besak ia, mamanene hataholi sila dale haladoi na! Basa hataholi mana ketu-kolu emi tina-osim buna boa na, Manetualain fo Mana Koasa, namanene dale haladoi nala so.