YEREMIA 22:10 - Susula Malalaok Hehelu Palak Ma Hehelu Beuk

¹⁰ Hai hataholi Yehuda, boso dale-he'dis soaneu Manek Yosia mamaten-na. Te ka'da kii-mamatani neu Yoahas fo ana manen-na nana ala lon so de ana ta fali fa. Dae oen fo mamana fua funin neukose ana ta nita fa.

YEREMIA 22:10 ပူးပေါင်းရင်းမြစ်များ

2RAJA-RAJA 22:20

hu ndia de, Au ta aketu huhukuk soaneu Yerusalem, nai lelek o bei maso'da. Neukose, o mate no mole-dame.’ ” Boema, hataholi nadedenuk sila-la, ala fali le'us leo manek-ka leu, de landuku-lalosak hala heheluk ndia.

PENGKHOTBAH 4:2

Au ape'da dalek, lelek afandele hataholi manamate dook-kala so, nanahu sila laua-lanale lena neme hataholi bei maso'dak-kala mai.

YESAYA 57:1

Hataholi malole ma manatao tatao-nono'i malaole-a maten soona, ta hapu manabubuluk, do manataoafik neu fan. Mate basa soona, sila lala soe-a deak, ma sila hahaeaon no mole-dame.

YEREMIA 16:7

Ta hapu hataholi neukose tete'i loti ba'e fe hataholi manafaluk-kala. Nakalenak neukose ta hapu hataholi fo ana fen ninu neme nggala namahokok-ka nanahu inan do aman mamaten-na fa.

YEREMIA 22:11

Manetualain nafa'da nae, “La'eneu Yoahas fo Yosia ana manen-na fo ana dadi manek nai Yehuda nggati aman, nde bee soona, ana la'o neme ia mai, de ana ta fali fa.

YEREMIA 22:18

Hu ndia de la'eneu Yoyakim fo manek Yehuda fo Yosia ana manen-na soona, Manetualain nafa'da nae, “Mamaten-na neukose nanakii-nanatani tak; neukose ta hapu manamafa'da fa nae, ‘Ado, au nonoong-nga, ado’ ta hapu fo manadale-he'dik, do nafa'da nae, ‘Kasian ama manek!’

YEREMIA 22:27

Emi neukose mahiik man seli neu nusak ia, tehu neukose emi ta fali fa.”

YEREMIA 25:27

Boema Manetualain nafa'da neu au nae, “Mafa'da meu hataholi sila-la mae Au, Manetualain Fo Manakoasa, fo Israel Manetualain-na nadenus ala ninu losa ala mafuk ma ala muta-muta mesan. Au taoas latu'u lai fo'ak de ala ta hapu fo'a fa, nanahu natee-natatik-ka fo au uni fen neu sila.

YEREMIA 28:4

Au boeo o falik Yoyakhin ana manen Yoyakim fo manek Yehuda, no basa Yehuda laun-nala fo nanafoo nenik lo Babel neu-a. Te'e-te'e neukose Au tao alu'u Babel be'i-balakain. Au, Manetualain, nde manakokolak-ka.”

YEREMIA 42:18

Sama leo Au, fo Israel Aman Manetualain-na po'a Au nasa-melung-nga neu Yerusalem laun-nala, leondiak boe, neukose Au po'a Au nasa-melung-nga neu emi fo mana neu lo Masir. Neukose hataholi-la lita emi soona, langgenggengo ao; neukose emi nananakamumulu-nakamamaek, ma neukose emi na'dem-ma nanapakek da'di leo soo-supak. Neukose ei ta mita emi dae oem ia so'on.”

YEREMIA 44:14

Neme hataholi Yehuda fo bei elak-kala, fo manaleu lo Masir leu-a soaneu ala leo lai naa, neukose hataholi esa boen ta nala deak do naso'da fa. Leomae hataholi sila-la lahik lanseli ala fali lo Yehuda neu, tehu dede'ak ndia ta da'di fa. Te'e-te'e neukose ta hapu ala fali fa, ta'da fe'ek ka'da hataholi manamai de'ubee.”

RATAPAN 4:9

Ala doi-doso de ala mate faa-faa, hu kande ta lanuu nana'ak faa anak boen; fo manamatek manai natee-natatik-ka dalek bei naua-nanale lena neme manamatek hu kande la'a-ndoes-sa.

YESKIAL 24:16

“Hai hataholi daebafak fo, manasapu-manalalok-konei, neukose no kaiboianak, Au ho'i-a hataholi fo, o sue-lai man, ba'un-na seli. Tehu, o ta bole makaleleu do kii fa, do o luu oem-ma, ana ti'ti boe.

LUKAS 23:28

Tehu Yesus lipa leo dea neu de nafa'das nae, “Ina Yerusalem-mala lemin! Boso kii makaleleu Au. Kii-makaleleu emi aoina mala mesa kana ma emi ana mala.