YEREMIA 20:6 - Susula Malalaok Hehelu Palak Ma Hehelu Beuk

⁶ Ma o, Pasyhur, mo basa o umam isim-mala boeo neukose nanaho'u nak fo nanafua nenik leo Babel neu. Nai na neukose mate o de latoi o; leondiak boe, basa nono anam-mala fo lamanene basa o manakoao ao-ndaeaon-na boe.’ ”

YEREMIA 20:6 ပူးပေါင်းရင်းမြစ်များ

YESAYA 9:15

Nusak ndia mauli-malangan-nala, ala tao latofa-latalak ma tao tasi'bu laun-na.

YEREMIA 14:13

Boema au afa'da ae, “Ou Manetualain Fo Madema ina, O bubuluk te nabi-nabi-la lafa'da basa neu laun-nala lae, neukose ta hapu natee-natatik do la'a-ndoes, nanahu O helu basa mae, nai nusak ia hapu ka'da mole-dame.”

YEREMIA 14:16

Hataholi-hataholi fo ala sipi basa sila neuk-kala boeo neukose nanataonisak nenik enok matak esa. Neukose sila popolan-nala nana tu'u-tapak leo Yerusalem enon-nala lain neu, nana hapu mana matoi fa. Sila lo sao anan-nala ua-nalen-nala leondiak. Neukose Au tao-a sila lame'da lita sila tatao-nono'i mangalaun-nala sasaina.”

YEREMIA 20:1

Imam Pasyhur fo Im anan nde been-na malanga manamanea Manetualain uman. Nai lelek ana namanene au po'a-benga basa dede'ak sila-la boema,

YEREMIA 20:4

Manetualain nafa'da aon nae, ‘Neukose Au akadada'dik o teror ba'eneu o ao inam mesak-kana, ma ba'eneu o nono anam-mala. Neukose o mita sila nanataoisak neme sila musun-nala mai. Basa hataholi Yehuda-la neukose Au po'ilotak-kasa nanakoasak neme manek Babel-la; nggelok neme sila mai-a nana fo nenik da'di leo nananakataak-ka nahelek leo Babel neu, ma elak-kala neukose nanataonisak.

YEREMIA 23:32

Au, Manetualain, neukose la'ban nabi sila-la fo nde landuku-lalosak sila me'i-afen-nala fo uk no masapepeko-masandandalik. Ala lakatutu'dak Au anang-ngala nenik masapepeko-masandandalik ma nenik sila bafa loun-nala. Au ta adenu nabi sila-la fa. Sila sosoa-ndandaan tak makandondook soaneu Au anang-ngala. Au, Manetualain, fo manakokolak-ka.”

YEREMIA 29:32

boema hu kande ana nadenu emi la'ban Au, de neukose Au hukun no ndia tititi-nonosin. Ta hapu hataholi esa neme sila tala'da, fo neukose elan nai emi tala'da, soaneu nita manada'dik-kala fo neukose Au tao-no'in neu basa Au anang-ngala. Au, Manetualain nde manakokolak-ka.”

YEREMIA 5:31

nabi-la, lasapepeko-lasandandali, imam-mala, lalalau-laoono tunga sila dale hihii mesan-na, ma emi, fo Au anang-ngala, hii dede'ak ndia. Tehu metema, fai mate'ek-ka ana losa soona, neukose emi tao hata?”

RATAPAN 2:14

Hata fo nabi-la landuku-lalosak-kana neu o, ka'da ke'di-ndiuk ma pepekok mesa-mesan. Beita la'iesa fo ala buka o sala-singom fa, nalosa hu kande ndia de, o ta tukatei-saledale fa. Nasafalin-na, ka'da ala tui-benga fe emi dede'a-kokola pepekok mamina-makeek.

YESKIAL 22:28

Basa nabin-nala, lafuni sala-singok sila-la, sila sama leo hataholi fo, ana lose ha'o neu papala nanadama manggenggeok-ka. Sila ninitan-nala, pepekok, leondiak boe, sila dede'a nananafa'da elan-nala. Ala manaku lae sila landuku-lalosak hala heheluk-ka nde been-na, sila sipon neme Manetualain Fo Mademaina mai, te se'kona, Au ta kokolak o sila la'iesa boen.

IMAMAT 26:17

Neukose, Au huku emi, nalosa emi musu-mala sengi emi, ma hataholi fo ta lahiik loo emi fa, ana koasa emi. Neukose, emi bii-mamata'u manseli, nalosa leomae hataholi ta usi emi fa te, emi malai.

MIKHA 2:11

Emi mahiik nabi fo ana nau nasapepeko-nasandandali ma tipu-dai, boema ana bubuluk hata fo neukose ana da'di nae, neukose emi manuu angol ma ala-lalu sasi kao-kao.”

ZAKHARIA 13:3

Ma metema, bei hapu hataholi fo nafa'da nae ndia naduku-nalosak hala heheluk soona, aman no inan nde lafa'dan lae, ndia muse nanahukunisak, nana hata fo ana kokolak-kana ndia nde bee-na, pepekok. Metema ana manaku nahele aoinan-na nabi boe, soona neukose aman no inan nde pau lisan-nana.

ULANGAN 28:25

Metema, emi ta tunga emi Manetualaim-ma fa soona, neukose Ana fe emi musum-mala, ala sengi emi. Neukose emi meu matee-matati no napalanik, tehu emi malai tu'u-fo'a. Basa leoina manai daebafak-ka, ala mete emi toto'a-sosotam soona, ala bii-lamata'u lanseli.