YEREMIA 20:5 - Susula Malalaok Hehelu Palak Ma Hehelu Beuk

⁵ Sila musun-nala boeo neukose Au po'ilotak-kasa ala kalo ma ala ho'i leni kota ia su'i-beten-nala, boema sila hata-heton-nala, nakalenak Yehuda manen-nala hata pusakan-nala leo Babel neu.

YEREMIA 20:5 ပူးပေါင်းရင်းမြစ်များ

2TAWARIKH 36:10

Neu teu manamaik-ka boema, Manek Nebukadnezar-ra foo neni Yoyakhin leo Babel neu da'di leo hataholi nanafook, ma ana ho'i neni bua-lo'a kabelik-kala leme Manetualain Uman-na mai boe. Basa boema Nebukadnezar so'u Zedekia, fo Yoyakhin to'o-na da'di manek neu Yehuda ma Yerusalem.

YESAYA 39:6

‘Neukose fain-na losa, basa su'i-betes fo manai o uma manem-ma dalek, ma o bei-ba'i kaim-mala ue elak-kala, losa faik ia, nanakalo nenik leo Babel neu. Neukose ta ele hata esa boen.

YEREMIA 12:12

Hataholimai lamanako nai moo-solokaek selik fo nai letelepak-ka. Au fe natee-natatik-ka neu, soaneu tao nalutu basa nusak-ka, de nalosa ta hapu hataholi naso'da nai mole-dame-a dalek fa.

YEREMIA 15:13

Manetualain nafa'da neu au nae, “Neukose au haitu musu-a soaneu ho'i neni basa au anang-ngala su'i-beten-nala ma hata-heton-nala da'di lo huhukuk neu sala-singok fo sila tao basak nai nusak dale.

YEREMIA 17:3

ma nai letek-kala fo nai kota deak. Nanahu basa mamana nakaluku-nakatele sosongok-tatangok fo emi mapadedeik basan nai basa nusa lala'en-na, nanahu basa sala-singok fo emi tao-no'ik-kala, hu ndia de neukose Au tao emi musum-mala kalo leni basa emi hata-hetom-mala ma emi su'i-betem-mala.

YEREMIA 3:24

Sene-do'ok neu Baal, fo sosongo-tatangok maneni bibii-mamaek ndia, taon-na ami mamopo ami anam-mala, boema ami sapim-mala ma ami bi'ilopom-mala, fo nde basa hata lala'en fo, ami bai-ba'i kaim-mala ue elas, neme makahulun eli mai so.

YEREMIA 32:24

Hataholi Babel-la ala tao papala nanadamak musu feo kota soaneu latona-la, de besak ia latee-latati so. Natee-natatik-ka, la'a-ndoes-sa, ma he'di laus matuaina, neukose taon-na kota ia tu'da lo sila neu. O mita matan boe, basa hata fo O mafa'dak-kala ala da'di mata nitak.

YEREMIA 39:2

Manek Zedekia paleta neu bula kahaa fain sio teuk kasanahulu esa, boema musu-a tao nakalulutuk kota papala nanadaman-na,

YEREMIA 39:8

Ndi te hataholi Babel-lala hotuheni manek-ka uma manen, ma laun-nala uman, ma ala tao latu'u Yerusalem papala nanadaman-nala.

YEREMIA 4:20

Soe-a, ana mai la'inono'ik de ana tao nakalulutuk nusak-ka lala'en-na. No kaiboik, au lalaa temang-nga nanatao nalutuk, teman-nala nanasisii nakalulutuk.

RATAPAN 1:10

Musun-nala loso leni la'iesak hata-heton-nala so. Nakalenak bai, ana muse mete ala masok Manetualain Uman-na, tatao-nono'ik esa, Manetualain kena-ka'in ba'eneu hataholi fo ta Ndia anan fa.

RATAPAN 1:7

Yerusalem tu'da ma doi-doso basa boema, nafandele neu tepo-lelek maneu ka, fo nai lelek hata-heton bei makadotok; tao leo beek de laun-na tu'da leo musu liman dale neu, de ta hapu hataholi esa boen, mai tulu-fali fan. Musu noon-nala ka'da hika mete tutu'dan-na.

RATAPAN 4:12

Nai mane-manek-kala ma laun daebafak-ka dalek, esa boeo ta namahele nae musu nook-ka bisa masok tunga kota Yerusalem-ma lelesuinan-nala.

YESKIAL 22:25

Basa mauli-malangan-nala, sama leo singa kaa-na nana'an-na soona, nangao. Ala taolisa laun-na, ala loso-la hata-heton ma su'i-beten-nala, ma hu kande sila tatao-nono'in de, inak makadotok ala da'di inafalu.

DANIAL 1:2

Manetualain fen sengi Mane Yoyakim-ma, de ala loso leni bua-lo'a kabelik-kala seli leme Manetualain Uman dale mai. Ana foo neni hataholi-la, nos leo ndia lamatua daebafan manai Babel-la uma sosongon dale leu, ma ana pe'da ana loso neni bua-lo'a kabelik-kala lai gudang-gudang manai uma sosongok ndia dalek.

HOSEA 13:15

Leomae Israel tetu-temak sama leo na'u manaeloakak-ka, tehu neukose Au haitua ani timu mato'bik-ka mai neme moo solokaek-ka mai. Neukose anin ndia, ana tao nama'da basa oemata lala'en-na, ma oedolu-la, nalosa basa hata kabelik lala'en-na mopok-kasa.