YEREMIA 20:2 - Susula Malalaok Hehelu Palak Ma Hehelu Beuk

² ana paleta fo ela au nanafepa-li'uk ma nana langek nai Lelesu Ina Benyamin, lelesu manatia-lain-na nai Manetualain Uman.

YEREMIA 20:2 ပူးပေါင်းရင်းမြစ်များ

1RAJA-RAJA 13:4

Nai lelek Yerobeam namanene hala-kokolak sila-la boema, natu'du leo nabi ndia neu boema ana eki ma nae, “Ho'u ma hataholi ndia!” Tehu Yerobeam liman-na mela tutik, nalosa ana ta hapu hela falik-kana fa.

1RAJA-RAJA 22:27

Madenus fo ala taon leo bui dale neu, ma fen na'a ma ninu ka'da faa anak mesan, losa au falima'i nga no so'da-molek.”

2TAWARIKH 16:10

Nabi Hanani hala-kokolan ndia, taon-na Asa namanasa nanseli nalosa ana tao nabi ndia leo bui dale neu. Nai lelek ndia boe, Asa tuni-ndeni laun de'ubee.

2TAWARIKH 18:23

Boema Nabi Zedekia tutulumatak fo neu deka no Mikha, boema ana fapan ma nafa'da nae, “Hapu nai bee Manetualain Dula dalen-na la'oela au fo ana kokolak no o?”

2TAWARIKH 24:21

Tehu laun-na tao nakabua makahatuk soaneu la'ban Zakharia, de Manek Yoas-sa tunga nai nakabubuak ndia dalek. Ana ta nafandele Yoyada fo Zakharia aman tatao-nono'i malolen-na ma lilinekan fa. No manek-ka paletan-na de Zakharia nanapiak nenik batu losa maten nai Manetualain Uman-na so'dan-na. Nai lelek Zakharia sanga ketu hahae-na, naloo bou-bou nae, “Sa'di leo bee na Manetualain nita emi tatao-nono'im ia fo Ana balas-sana!”

AYUB 13:27

Au eing-nga O pa'an nenik namosina besik; basa au heheo-hihilung O taoafik neu. Nalosa au ei dalen boeo, ta natapo'ik neme O mata memetem-ma.

AYUB 33:11

Ana pa'a namosina neu au eing-nga; ma Ana mete besa-besa no au heheo-hihilung.’

YEREMIA 26:10

Lelek malanga manapaleta Yehuda-la lamanene hata fo manada'dik ndia, boema sila kalua lai-lai neme uma manek-kamai, boema leu lo Manetualain Uman-na neu, de langatuk neu Lelesuina Beuk-ka.

YEREMIA 26:8

Au po'a-benga basa Manetualain hala haituan fo ana paletak ndia tutik-ka, ala ho'u-la au ma ala eeki lae, “O muse mate!

YEREMIA 29:26

“Manetualain ana so'u o da'di imam fo nggati Yoyada, de besak ia o nde manapaleta matuaina nai Manetualain Uman-na. O bela-ba'um nde paleta fo ela basa hataholi kamulus, fo ala manaku aon-nala nabi soona, nanalangek nenik namosina besik neu lesuha'in.

YEREMIA 36:26

Nakalenak seluk bai, manek-ka nadenu ana manen-na, fo nde Yerahmeel, no Asriel anan-na, ma Abdeel anan Selemya, fo ela ala ho'u-la au ma Barukh fo au manasula sulang-nga. Tehu Manetualain nafuni ami.

YEREMIA 37:13

Tehu nai lelek au losa Benyamin lelesu inan-na boema, malangan soloda'du fo manamanea manai ndia, ana ka'i-na auma nafa'da nae, “O sanga malai fo mu mok hataholi Babel-lala!” (Malanga soloda'du manamanea ndia na'de Yeria; ndia nde been-na Selemya anan fo Hananya upun.)

YEREMIA 37:21

Boema manek Zedekia paleta fo ela au nanahukuk nai uma manek-ka so'dan-na. Da'di au leo nai ndia, de su'di faik ala fe loti neme mamana tatao loti-a losa loti nanasadiak manai kota ndia basa la'isak-kasa.

ZAKHARIA 14:10

Basa nusak-ka lala'en-na, neme Geba nai kii, losa Rimon nai kona, neukose da'di dae ma'dak. Tehu neukose, Yerusalem boetai namadema fo dema lena dae manai boboa-kaisun-na; neukose, kota ndia namaloa neme Lelesuina Benyamin-na, losa Lelesuina Sudut, fo nde lelesuina Pertama mamanan-na, ma neme Uma Puni Madema Hananeel, losa manek-ka mamana kaka'bi angol-la.

MATEOS 21:35

Tehu hataholi mana'a ngga'di la ala ho'u la dae lamatuak ndia malalau-maoono nala, de ala tutu-fepa esa, ma ala tao lisa nggelok, boema ala tapa nggelok linik batu.

HATAHOLI 4:3

Boema ala ho'u la Lamatua ka hataholi nadedenu kaduan sila la de ala taos leo bui dale neu. Ma hu ka nde le'odae so de lahele Petrus no Yohanis leme ndia losa balahaa fafaik.

HATAHOLI 5:18

Boema ala ho'u la Lamatua ka hataholi nadedenuk sila la de ala taos leo bui manai kota dale a dalek leu.

HATAHOLI 5:40

Boema lalo hataholi nadedenuk sila la de ala filu kasa, basa boema ala kena-ka'is, fo boso boe lanoli la'eneu Yesus bai. Basa ndia boema, besa ka ala po'is.

HATAHOLI 7:52

Ade emi bei ba'ikai mala ta fepa-li'u nabi esa boen do? Ala taolisa Manetualain hataholi nadedenun fo makahulun eli ala tui-benga lae, Manetualain Atan fo ndoos ndia, neukose Ana mai. Ma besak ia emi ta mo kana fa, nakalenak bai emi taomisa Manetualain Atan ndia.

NINITAK 17:6

Boema au ita inak ndia mafuk hu ka nde Manetualain hataholi kamahehele nala daa na, hataholi fo nanataonisak nanahu ala lilineka neu Yesus. Lelek au ita inak ndia boema au bafang poo-poo.

NINITAK 2:10

Boso bii neu doidosok fo ta doo ka soo'on te emi muse la'ola'din. Mafandendelek, te neukose Nitu tao emi nggelok leo bui dale neu soaneu emi nanaso'ba-su'dik. Neukose emi doidoso faik sanahulu dale na. Ela leo bee na emi lilineka neu Au losa mate, soona neukose Au fe emi so'da matetu ka ma manaketu basa ta ka da'dileo bua palsen sesengik.