YEREMIA 20:12 - Susula Malalaok Hehelu Palak Ma Hehelu Beuk

¹² Tehu, ou Manetualain Fo Manakoasa, O fola hataholi daebafak-ka no ndoos matetuk; O bubuluk sila dalen-na ma dudu'a-aafin-nala. Hu ndia de sa'di leo been-na au ita o balas musu fo tatao-nono'i mangalaun-na nana au fe basa au dede'ang-nga lo O neu so.

YEREMIA 20:12 ပူးပေါင်းရင်းမြစ်များ

MAZMUR 11:5

Manetualain fola hataholi ndoos-sa, ma hataholi mangalauk-ka Ana ta hii hataholi fo, ana nau ka'da laka-nakasetik-ka.

MAZMUR 139:23

Palisak matalolole au, ou Manetualain, ma mete besa-besa mo au daleng-nga, fola au, fo bubuluk au dudu'a-aafing.

MAZMUR 17:3

Meteme O fola au daleng-nga ma O mai palisak besa-besa mo au nai fai le'odaen-na soona, neukose O hapum-ma, au daleng-nga ndoos ma matetuk; au hala-kokolang sama leo au dudu'a-aafing.

MAZMUR 54:7

Neukose Ana huku au musung-nga nenik sila tatao-nono'i mangalau mesan-na, ma tao mamopo-mamates, nana Ana lilineka neu au.

MAZMUR 58:10

Beita lame'da fa te, mopo-mates so, sama leo makatemak fo bei momo'dok ma beita namatua fa, te anin-na fuu nenin nono'kabai bubu'u-palusa tuuk-ka.

MAZMUR 59:10

O nde au be'i-balakaing, de au amahena neu O, O da'di au mamana nalaing-nga ou Manetualain.

MAZMUR 62:8

Ndia nde Manetualain, fo manafe au so'da-molek, ma ha'da-holomata, Ndia nde au manamasulu-mahapang, ma au manamasala'eng fo matea-mahelek.

MAZMUR 7:9

O maketu-mala'di hataholi daebafak-ka; fe au ndoos ma matetuk, ou Manetualain, nana au salang ta.

MAZMUR 86:4

Manetualain, tao mamahoko O atam-ma dalen-na, nana au tao au daleng-nga neu O.

YESAYA 37:14

Hizkia sipo-na susulak ndia, neme hataholi nadedenuk-kala mai boema, ana lees-sana. Basa boema, neu leo Manetualain Uman neu, de nakapepela susulak ndia neu Manetualain matan-na,

YESAYA 38:14

Au halang-nga, boetai namaanak-ka, ma ta balakaik-ka fa, au hoo-nggu'u, sama leo manupui kalua. Au matang-nga namakai, nanahu au anganalo leo lalai u, Manetualain, soi-po'i au eme toto'a-tataak ia mai

YEREMIA 11:20

Boema au hule-haladoi ae, “Ou Manetualain Fo Manakoasa, O manamaketu-mala'dik fo matetuk; O nde so'ba-su'di dudu'a-aafik-ka ma hataholi-la dalen-na. Au dede'ang ia Au fen leo o-a neu. Ela leo been-na o nde ito mutang O bala hataholi-hataholi sila-la tatao-nono'in-nala.”

YEREMIA 12:8

Au anang-ngala la'ban Au; sama leo singa nai bafak dale, leondiak boe, sila langao lasale Au.

YEREMIA 17:10

Au Manetualain, manapalisak dalek, Au su'di-dou hataholi daebafak dale bobongo anan-na, Neukose Au balas hataholi-a esa-esak tunga ndia tatao-nono'in. boema Au tao tunga sila tatao-nono'in.”

YEREMIA 17:18

Sa'di bole manausi au-a, ma manatuni-ndeni au-a, O tao makamamaek-kana ma O tao mahenu dalen-na nenik bibi-namata'uk. Tehu boso tao leondiak ba'eneu au, O Manetualain. Muni fes mamate-mamopok neu sila losa sila lakalulutuk lanseli.

1 PETRUS 2:23

Lelek fo nanadodoki-aalik tehu Ana ta balas ninik dodoki-aalik fa. Lelek fo Ana doidoso, tehu Ana ta tao mangalauk neu hataholi mana tao mangalauk neu na fa. Ka'da Ana fe dede'a na neu Manetualain, fo mana maketu-mala'di tunga matetu na.

1 PETRUS 4:19

Hu ndia de, metema hapu hataholi ana doidoso nanahu Manetualain hihii-nanaun leondiak, soona ela leo bee na hataholi ndia naso'da tunga ndo na, ma ala fe basa so'da nala neu Mana Makadada'di kasa. Neukose Ana tao natetu hala hehelu na.

NINITAK 18:20

Hai nusa so'dak! Mamahoko-setelee neu kota ndia nakalulutu na! Hai Manetualain hataholi kamahehele nala, hataholi nadedenu kala, nabi-nabi la, mamahoko-setelee leona! Nana Manetualain hukun da'dileo babalak neu hata fo ana tao-no'in neu emi!

NINITAK 2:23

Neukose Au taoisa la'iesak hataholi manatunga nala boe, fo ela basa salani kala lame'da lae, Au nde Ndia fo manabubuluk hataholi daebafa ka dudu'a-aafin ma dale nala. Neukose Au balas emi tunga emi esa-esak tatao-nono'in.

NINITAK 6:10

Samanek sila la nggasi lapane'e lae, “Ou Lamatuak Fo Mana Koasa, O Malalaok ma Ndoos! Bei doobee seluk bai fo besa ka O maketu-mala'di laun manai daebafa ka fo hukus nanahu ala taolisa ami so?”

SEMUEL SUSULAK-KA ESAN-NA 1:15

Tehu Hana nataa nae, “Au ta mafuk fa Ama, tete'ek-ka, au ta inu angol fa! Ketu au namahehenang-nga, de au hule-haladoi fo au tui au doi-dosong lala'en-na neu Manetualain.