YEREMIA 2:8 - Susula Malalaok Hehelu Palak Ma Hehelu Beuk

⁸ Ta hapu imam esa boen, fo natane nae, Au, fo ndia Manetualain-na nai bee fa. Basa manaketu-mala'dik-kala boeo, ta bubuluk see Au fa basa manakoasa-la, lena-la'ban Au paletang-nga. Basa nabi-la, kokolak pake Baal na'den-na, ma ala sene-do'ok neu sosongo-tatangok fo, sosoa-ndandaa taak-ka.”

YEREMIA 2:8 ပူးပေါင်းရင်းမြစ်များ

1RAJA-RAJA 18:22

Basa boema Elia nae, “Nai Manetualain nabin-nala dalek, ela ka'da au mesang-nga, te se'kona nai ia hapu nabi Baal-la natun haa limahulu.

1RAJA-RAJA 18:29

Ala tao leondiak nakandondoo henin losa le'donoso, sama leo hataholi nitu sa'e ka. Tehu ta hapu manamataak, ma ta hapu manataoafik fa.

1RAJA-RAJA 18:40

Boema Elia nafa'da nae, “Ho'u ma nabi Baal-la sila-la. Boso po'ilotak esa boen nala deak!” Boema hataholi-la ho'u la nabi Baal-la sila-la, de basa boema Elia nos leo Lee Kison-na, de ala losa naa boema, ana taonisa la'iesa kasa.

AYUB 35:10

Tehu ta loke neu Manetualain, fo mana makadada'dik sila fa, fo manafe namahehenak neu sila, nai lelek sila susa,

YESAYA 28:7

Boeo nabi-nabi ma imam-imam fo ala mafuk, nanahu linu ala-lalu ba'uk-ka naseli. Ala la'ok laleu-lilok, ma lakatunu bee poko nanahu dudu'a-aafin-nala sese'do-babalik so. Nabi-la, ta lalelak ninitak fo, Manetualain fen neu sila, sosoa-ndandaan so'on. Imam-mala ta hapu laketu-lala'di dede'a-dede'ak fo, nanakalaak neu sila so'on.

YESAYA 29:10

Manetualain taon-na emi matam-ma nduak, fo sungu mamanee. Ana poti ketu basa nabi-la matan-nala, ma Ana babaa ketu basa mananitak-kala mata-panan.

YESAYA 30:5

neukose basa hataholi-lala'en-na, ala mae, nanahu lamatutua dalen-nala neu leoina fo, sosoa-ndandaan ta, ba'eneu sila. Fo ala hapuk-ka, ta nde nanalak do tutulu-fafalik fa, tehu ka'da nakamumulu-nakamamaek-ka.”

YEREMIA 10:21

Boema au ata ae, “Ita mauli-malangan sila-la nggoak-kala. Ala ta loke natutu'duk neme Manetualain mai fa, hu ndia de ala ta hapu hata esa boen, ma ita tapasasala su'di leo bee neu.

YEREMIA 12:10

Manakoasa nusa dea ba'uk-ka tao lalutu la'iesak Au osi angol-la, ma ala heheta-aa'i lakalulutuk basa Au tina-osing lala'en-na. Au nusang fo malole-mana'a, ala tao lasafalin da'di moo-solokaek fo mamana nes.

YEREMIA 16:19

Manetualain, O nde masulu-mahapa au-a, ma fe be'i-balakaik neu au; O tulu-fali au, nai lelek au nai dudu'a-aafi makale'ok-ka dalek. Leoina-leoina fo maneme pe'dak leo pe'dak neu-a neukose ala mai leo O-a fo lafa'da lae, “Emi bei ba'i-kain-nala lanuu lamatuak daebafak masapepekok fo sosoa-ndandaan tak makandondook nanseli.

YEREMIA 18:18

Hataholi-la lafa'da lae, “Mai fo ata tao naabua makahatuk soaneu la'ban Yeremia. Ta ka'da ndia mesak-kana kokolak no Manetualain fa. Te neukose hapu imam fo manamanoli-manamafa'da, hapu hataholi manatee-tenok fo ana hapu fe nanoli-nafa'da; ma hapu nabi fo ana bisa nanduku-nalosak hehelu-hoholok neme Manetualain neu ita. Mai fo ita kalak-kana lo manamaketu-mala'di-la neu, fo ela ita ta tamanene dede'a-kokolan seluk fa.”

YEREMIA 2:11

Beita hapu leoina esa, ana tuka heni lamatuan-na, leomae lamatuak ndia, Manetualain ta nde ndia fa. Tehu, Au anang-ngala tuka heni Au, fo sila mandela-masa'an-na, nenik hata esa fo, sosoa-ndandaan ta.

YEREMIA 2:6

Au ta afaduli fa; Au fo, manahela-noles nai enok so, ma Au os kalua leme Masir mai la'ola'di moo solokaek-ka, dae tokotiik fo dopelele'un makadotok, boema tuuk, bai te henuk no soe-a – mook fo, nanaleo taak ma ta la'ok tunga fan!

YEREMIA 4:22

Manetualain nafa'da nae, “Au anang sila-la, dudu'a-aafi taak-ka, ala ta lalelak Au fa. Sila sama leo ni'iana nggoa-panganaa mesan dudu'a-aafi manadain ta faaanak boen; malelainan-nai mangalauk-ka dalek, manada'di tak, nai tatao-nono'i malole dalek.”

YEREMIA 5:31

nabi-la, lasapepeko-lasandandali, imam-mala, lalalau-laoono tunga sila dale hihii mesan-na, ma emi, fo Au anang-ngala, hii dede'ak ndia. Tehu metema, fai mate'ek-ka ana losa soona, neukose emi tao hata?”

YEREMIA 7:8

Tehu, te'e-te'e palsuma la'iesak-kana, emi mamahele dede'a masapepeko-masandandalik.

YEREMIA 9:14

Lalanga batu, ma ala sene-do'ok neu sosongo-tatango Baal-la, sama leo hata fo, sila bei-ba'i kain-nala nanolis-sala.

YESKIAL 22:26

Basa imam Israel-la, ala la'olena Au hoholo-lalaneng, ma ala tao langgenggeo bua-lo'as fo nanafe hehelik soaneu Au. Ala ta mete kofe'ek, hata beek-kande nanakena-ka'ik ma hata beek-kande ta nanakena-ka'ik fa. Boeo, ala ta lanoli laun-na, fo ala mete kofe'ek, beek kande balisi, ma beek kande manggenggeok, tunga agama nakaneneten-nala. Ala ta taoafik neu fai Sabat-ta fa. No enok ndia de, leoina Israel-la, nakamumulu-nakamamaek Au.

YESKIAL 34:2

“Hai hataholi daebafak fo, manasapu-manalalok-konei, fe mane-manek Israel-la, nasanene'da mahelek, ma manduku-malosak hata fo Au, Manetualain Fo Mademaina, nafa'das nae, ‘Soe ba'eneu emi, hai manafoo Israel-la lemin. Emi dudu'a-dodoo ka'da emi aoinam-ma mesak-kana, te emi ta dudu'a-dodoo, emi b'ilopom-mala fa.

HOSEA 4:6

Emi, fo basa imam mala, ta taoafik neu Au fa, boema Au anang-ngala boeo, ala ta tatao-afik neu Au fa, nalosa ala hapu soe. Emi ta nau sipok Au nanoling-nga fa. Da'di, tao leo bee o, neukose Au boeo, ta sipok emi boen, ma Au ta manaku emi anam-mala, da'di leo Au imam-mala fa.

HABAKUK 2:18

O nanasoo-supak! O mafa'da ai bibiak esa mae, “Fo'a leona!” do o mafa'da batu matua esa mae, “Mapadeik leona!” Ade, dodoki-dudulak esa, bisa nafa'da o hata esa do? Bole da'di, dodoki-dudulak ndia nananakadidita lilopilas do lilofulak, tehu ani hahaen ta. Dodoki-dudulak sosongo-tatangok-ka sosoan-na beek? Ka'da hataholi daebafak-ka lima leen ndia. Fo o hapu neme dodoki-dudulak ndia mai, ka'da masapepeko-masandandalik-ka mesak-kana. Manatao sosongo-tatangok fo ta bisa kokolak fa ndia, namahehelen-na manada'di tak.

MATEOS 16:26

Ade hataholi esa hapu nanalak hata, metema ana hapu daebafa ka lala'ena, tehu namopo so'da samane na? Ade so'dak ndia hapu tukan ninik hata esa do?

LUKAS 11:52

Soe ba'eneu emi, fo mese agama la lemin! Nggoek soaneu soi lelesu malela ka emi nde ho'u nana, tehu emi ta nde nau masok leo dalek meu soaneu sanga malelak ndia fa. Nasafali na, emi mapanggengge hataholi mana sanga enok masok leo dalek neu a!”

YOHANIS 16:3

Ala tao emi leondiak nanahu beita lalelak Ama ka ma Au boe,

YOHANIS 8:55

te see ko na emi ta malela kana fa. Tehu Au alela kana. Leo uni ka Au afa'da ae, Au ta alela kana fa soona, Au hataholi masapepekok, sama na leo emi boe. Tehu Au alela kana, boema Au tunga dede'a-kokolan.

2 KORINTUS 4:2

Ami ta pake eno-dala makahatuk fo nini bibii-mamaek fa. Ami ta nau maue-male'di no tipu-daik do puputa-papaik Manetualain dede'a-kokolan fa. Ami malalau-maoono Manetualain no dale neuisik tunga hihii-nanaun. Hu ndia de, ami mamahena basa hataholi la tai-dodoo ami no malole, nandaa no dale bobongoana nala.

ULANGAN 33:10

Ala lanoli O anam-mala, fo ala tunga basa O paletam-mala, ma ala tunu-hotu tutunu-hohotuk nai O mei tunu-hotum lain.

SEMUEL SUSULAK-KA ESAN-NA 12:21

Boso tunga lamatua daebafak-kala, fo ala ta hapu tulu-fali emi ma soi-tefa emi fa, nanahu tunga ndoon-na, lamatua daebafak ta.

SEMUEL SUSULAK-KA ESAN-NA 2:12

Eli anan-nala tatao-nono'in mangalaun nanseli. Ala ta lamanene Manetualain fa,