YEREMIA 2:36 - Susula Malalaok Hehelu Palak Ma Hehelu Beuk

³⁶ No lai-laik nanseli, emi meu leo leoina fe'ek-kala lamatua daebafan-nala meu, fo moke tutulu-fafalik! Neukose tao leo bee-o, Masir taon-na emi dalem-ma ba'ihana, sama leo Asyur tao ba'ihana emi dalem-ma.

YEREMIA 2:36 ပူးပေါင်းရင်းမြစ်များ

2TAWARIKH 28:16

Hataholi Edom-mala mulai sapu-la seluk Yehuda, de ala ho'u-la hataholi makadotok. Hu ndia de Manek Ahas-sa noke Tiglat-Pileser fo manek Asyur-ra, fo ela ana haitua tutulu-fafalik.

YESAYA 20:5

Hataholi fo lasalai dean-nala neu Sudan, ma lamatutua-lamadedema Masir-ra, neukose dalen-nala ba'ihana, ma namahehenan-nala, lakalulutuk.

YEREMIA 2:18

Nanalak hata, o muu leo Masir muu? Fo sanga minu Lee Nil-la oen-na? Nanalak hata, o muu leo Asyur muu? Fo sanga minu Lee Efrat-ta oen-na?

YEREMIA 2:23

O mapalani manseli, mafa'da mae o malole, ma o mae o beita tunga hai Baal fa! Mete su'dik o tatao-nono'im neme bafak-ka, mafandele o tatao-nono'i mangalaum-ma, fo manakun leona! O sama leo ontaina mala'bik fo, nalai neu-mai, de ta hapu napanggee-na fan,

YEREMIA 2:33

Emi te'e-te'e sanga malelak eno keke'dik soaneu sanga susue tou-ta'ek, ma ina anafe'ok-ka! Ina manasosoa-piaok fo mate basa mamaen-na boeo, ana bei hapu nanoli neme emi mai!

YEREMIA 22:20

Manetualain nafa'da nae, “Hai Yerusalem laun-nala lemin, meu leo Libanon ma Basan, fo kii namatani nai na. Nggiso-nggasi nai letelepak Moab, nana emi soloda'dun lala'en-na nanatao nakalak so.

YEREMIA 22:22

Hu ndia de, basa mauli-malanga neukose mopos sama leo anin-na fun. Neukose emi soloda'dun-nala nana fua nenik sama leo nanahukuk, ma emi kotam-ma nananakadadaek ma nananakamumulu-nananakamamaek nanahu basa emi tatao-nono'i mangalaun-nala.

YEREMIA 31:22

O dodoo-doak-kana losa fai hi'da, fo leoina fo ta ili-nekak neu Au-a fa? Au akadada'dik hata fo beuk nai daebafak ia, hata fo fe'ek – fe'en-na sama leo inak-ka nafuni touk.”

YEREMIA 37:7

afa'da ae leo ia neu manek Zedekia hataholin nadedenun-na: “Mafa'da neu Zedekia, mae, ‘Soloda'du Masir-rala fo ala bei bela'o mai lo ia mai fo soaneu tulu-fali o, te neukose ala fali fo le'us.

YEREMIA 46:12

Emi heheo-hihilum fo maneni mamaek-ka nanabubuluk basak neme leoina-la mai. Emi hala nalom-ma nananamanenek nai basa daebafak lala'en-na. Soloda'du-la esa sa'en-na esa; de basa-basas tu'u latatama ao leo dae lain.

RATAPAN 4:17

Ami matam-ma so'ta no memetek-ka mahani tutulu-fafalik fo ana ta losa fa. Ami mamahena leoina esa tutulu-fafalin, fo tunga ndoon-na ana ta hapu fe hata esa boen.

RATAPAN 5:6

Ami da'di hataholi mananokek nai Masir, ami moke nana'ak nai Asyur.

YESKIAL 16:28

Tehu o tatao-nono'im sila-la, beita dai fa; o usi mahele hataholi Asyur-ra. Fo o sosoa-piao moos, tehu ala beita tao lamahoko o dalem-ma boen.

YESKIAL 29:7

Nai lelek fo, ala lasala'da o, boema la'di o, de o pau la'e sila lilibolon-nala, nalosa sila mulih'ain-nala kosik.

HOSEA 10:6

Neukose, ala ko'o leni sosongo-tatangok ndia leo Asyur neu, fo ala fe hiik-kana neu mane matua. Israel tunga dale tutu'uk, fo manatao-nalas hapu mamaek ma nakamumulu-nakamamaek ndia.

HOSEA 12:1

Manetualain nafa'da nae, “Leoina Israel-la, okofeo-la Au nenik masapepeko-masandandalik ma tipu-daik. Leoina Yehuda lena la'ban lahele Au, Manetualain fo Malalao-malalafuk, ma manalilinekak.

HOSEA 14:3

Fali me'um-ma leo Manetualain meu leona, fo manduku-malosak hule-haladoik ia, da'di leo emi tutunu-hohotum neu Manetualain nae, “Manetualain, fe do'o do ampon neu ami sala singom lala'en-na, ma sipo-ma ami hule-haladoim ia, soona neukose ami koa-kio O, sama leo ami hala hehelum-ma.

HOSEA 5:13

Leoina Israel-la, ma hataholi Yehuda-la, lame'da lita sila ha'da-tataon mangalaun-na, boema Israel neu leo Asyur neu, fo noke tutulu-fafalik neme manek matua mai. Tehu manek ndia, ta hapu tulu-fali, do tao matalolole sila ha'da-tataon fa.

HOSEA 7:11

Israel neu-mai, sama leo manupui kalua nggoak-ka. Makasososan-na, hataholi Israel-la loke tutulu-fafalik neme Masir mai, basa boema, lalai leu loke tutulu-fafalik neme Asyur mai!