YEREMIA 2:28 - Susula Malalaok Hehelu Palak Ma Hehelu Beuk

²⁸ Emi taom-ma, emi sosongo-tatangom-mala lai bee? Metema hapu toto'a-tataak soona, madenus fo ala soi-tefa-la emi, metema ala bisa soi-tefa! Hai Yehuda, o lamatua daebafam-mala de'u o kotam-mala!

YEREMIA 2:28 ပူးပေါင်းရင်းမြစ်များ

2RAJA-RAJA 3:13

Leu boema, Elisa nafa'da mane Israel-la nae, “Tao le'e de, emi moke au tulu-fali emi? Ka'da meu leo emi ina-aman, nabin-nala meu!” Boema, Yoram nataa nae, “Ta! Nana Manetualain nde manatutu'u enok, soaneu fe ami 3 neu mane Moab-pa.”

YESAYA 45:20

Manetualain nafa'da nae, “Makabubua, fo mai sama-sama, hai emi basa-basam fo, maladeak neme leoinak-kala tala'da mai! Hataholi fo, ala ho'i leni ai nanadoki-dulak-ka, fo ala la'ok benongo okofeo nggolok-ka, ma hataholi manahule-haladoi neu lamatua daebafak-kala, fo ta hapu soi-tefa-nala fas-sala, hataholi nggoak-kala.

YESAYA 46:2

Dodoki-dudulak sila-la, ta tulu-fali labe'i manandolok-kala fa, sila nanafoo nenik, da'di leo hataholi nanafook. Sila babasan-na nde ndia.

YESAYA 46:7

Dodoki-dudulak ndia, nanapakuk, ma nanape'dak nai mamanan-na, ana napadeik nai ndia, ma ta hapu laliheok-kana fa Metema, hataholi hule-haladoi neun soona, ana ta nataa fa, ma ana ta soi-tefa-nala fan, neme toto'a-tataan-na mai fa.

YESAYA 57:13

Metema emi nggasi soona, nemen-na fo, dodoki-dudulak sila-la soi-tefa-la emi! Neukose anin-na fuu namopos, ma mopok-kasa nenik ka'da ani hahaek esa mesan! Tehu, hataholi fo nasulu-nahapa neu Au-a, neukose nanuu nusak ndia, ma ana sene-do'ok neu Au, nai Au Umang.”

YEREMIA 1:16

Neukose Au huku Au anang-ngala, nanahu lasala-lasingo, ma lasadea Au. Ala fe basa tutunu-hohotuk neu lamatua daebafa fe'ek-kala, ma ala dokik dodoki-dudulak, fo ala sene-do'ok neun.

YEREMIA 11:12

Boema hataholi Yehuda-la ma Yerusalem laun-nala leu loke tutulu-fafalik neu lamatua daebafak fe'ek fo sila koa-kion no fe tutunu-hohotuk neu-a. Lamatua daebafak ndia neukose ta soi-tefa sila nai lelek susa-soe ndia mai-a fa.

YEREMIA 11:13

Hataholi Yehuda-la lamatua daebafan-nala ba'u nanseli, de'u sila kotan-nala boe. Yerusalem laun-ala lapadedeik mei tunu-hotuk de'u enok-enok manai Yerusalem kotan-nala, soaneu fe tutunu-hohotuk neu lamatua daebafak Baal-la.

YEREMIA 30:7

Faik fo matuaina nanseli ana losa so, faik fo ta hapu nakandandak na fan. Ba'eneu Au anang-ngala soona, faik fo dale manatesa-tama taak; tahu neukose Au soi po'i sila.”

YEREMIA 37:19

Ama Manek-ka nabin sila-la basa-basas laibee, fo lafa'da lae, neukose manek Babel-la ta sapun-na Ama Manek-ka ma nusak ia fa?

HOSEA 10:1

Israel sama leo ai angol fo boan-na inu-inu. Su'i-beten-nala boetai lamaba'uk-ka boema, ala boetai tao mei tunu-hotuk ba'uk-ka. So'dan-nala boetai da'di malole boema, ala boetai tao matalolole lutu batu sosongo-tatangok fo ala sene-do'ok-kala.

HABAKUK 2:18

O nanasoo-supak! O mafa'da ai bibiak esa mae, “Fo'a leona!” do o mafa'da batu matua esa mae, “Mapadeik leona!” Ade, dodoki-dudulak esa, bisa nafa'da o hata esa do? Bole da'di, dodoki-dudulak ndia nananakadidita lilopilas do lilofulak, tehu ani hahaen ta. Dodoki-dudulak sosongo-tatangok-ka sosoan-na beek? Ka'da hataholi daebafak-ka lima leen ndia. Fo o hapu neme dodoki-dudulak ndia mai, ka'da masapepeko-masandandalik-ka mesak-kana. Manatao sosongo-tatangok fo ta bisa kokolak fa ndia, namahehelen-na manada'di tak.

ULANGAN 32:37

Soona, Manetualain natane anan-nala nae, ‘Emi mamahena lamatua daebafak fe'ek fo, mabe'i-balakaik-kala, lai bee?’

HAKIM-HAKIM 10:14

Ka'da meu leo lamatua daebafak, fo emi helek ndia. Maloo bou neus! Nemen-na, fo sila nde da'di manatulu-manafali, nai lelek emi nai toto'a-tataak-ka dalek.”