YEREMIA 2:26 - Susula Malalaok Hehelu Palak Ma Hehelu Beuk

²⁶ Manetualain nafa'da nae, “Sama leo nakodaa name'da mamaek, nai lelek ho'u-lan, leondiak boe, emi basa-basam-mala neukose mame'da mamaek, hai hataholi Israel-la, emi manem-mala, emi manaho'u paletam-mala, emi imam-mala ma emi nabim-mala lemin!

YEREMIA 2:26 ပူးပေါင်းရင်းမြစ်များ

EZRA 9:7

Neme ami bei-ba'i kaim-mala tepo-lelen, losa besak ia, ami fo O anam-mala, masala-masingo neu O. Hu ndia de, mane nusa fe'ek-kala sengi ami, moo basa ami manem-mala, boema basa ami imam mala. Ala taolisa ami, ma bonga ami umam-mala, ma foo loo ami da'di leo hataholi nanafook. Lakamumulu-lakamamaek langge'a ami, sama leo nai faik ia.

MAZMUR 97:7

Basa hataholi fo, manasene-do'ok neu sosongo-tatangok-ka, neukose nananakamumulu-nakamamaek, ma hataholi fo, dalen-na namatua neu bua-lo'as fo sosoa-ndandaan tak-kala; basa lamatua daebafak-kala, neukose ala sene-do'ok nai Manetualain matan.

YESAYA 1:29

Neukose ala hapu mamaek, nanahu ala sene-do'ok neu ai ina-la, ma ala fe hehelik lamatua daebafak-kala osi-lutu.

YESAYA 44:11

Tete'ek-ka, basa hataholi fo manasene-do'ok neu dodoki-dudulak-ka, ala hapu mamaek. Hataholi fo, manatao dodoki-dudulak ndia nde been-na, hataholi daebafak biasa. Madenus leona, fo ala tutulumatak sama-sama; tao leo bee-o, neukose ala bii, ma ala mae.

YESAYA 44:9

Hataholi manatao dodoki-dudula sosongo-tatangok ndia, sosoa-ndandaan ta, ma lamatua daebafak fo ala sene-do'ok sila-la, sosoa-ndandaan ta. Hataholi manasene-do'ok neu dodoki-dudulak sila-la, pokek ma ala ta bubuluk hata esa boen, hu ndia de, neukose ala hapu mamaek.

YEREMIA 2:36

No lai-laik nanseli, emi meu leo leoina fe'ek-kala lamatua daebafan-nala meu, fo moke tutulu-fafalik! Neukose tao leo bee-o, Masir taon-na emi dalem-ma ba'ihana, sama leo Asyur tao ba'ihana emi dalem-ma.

YEREMIA 22:22

Hu ndia de, basa mauli-malanga neukose mopos sama leo anin-na fun. Neukose emi soloda'dun-nala nana fua nenik sama leo nanahukuk, ma emi kotam-ma nananakadadaek ma nananakamumulu-nananakamamaek nanahu basa emi tatao-nono'i mangalaun-nala.

YEREMIA 32:32

nanahu tatao-nono'i mangalauk fo nanataok neme hataholi Yehuda-la ma Yerusalem-mala, sama-sama lo basa sila manen-nala, basa manaho'u paleta, basa imam-mala ma basa nabi-la.

YEREMIA 4:9

Manetualain nafa'da nae, “Nai faik ndia, manek-kala, ma manaho'u paleta-la, neukose mopo manggaten-nala; imam-mala dele, ma nabi-la, nggenge-la.”

YEREMIA 48:27

Ade ta makahulun-na hataholi Israel-la ta nanahika-humek neme Moab mai ma nananakamamaek nonokabai sila nanaho'u nak mata-matak lo nakoda-la fa do?

YESKIAL 16:54

No enok ndia, neukose o mae seluk o aoinam-ma, ma o matasi'da-matasaem-ma, neukose natu'du o tolanoom-mala nae, sila ua-nalen malole nanseli.

YESKIAL 22:26

Basa imam Israel-la, ala la'olena Au hoholo-lalaneng, ma ala tao langgenggeo bua-lo'as fo nanafe hehelik soaneu Au. Ala ta mete kofe'ek, hata beek-kande nanakena-ka'ik ma hata beek-kande ta nanakena-ka'ik fa. Boeo, ala ta lanoli laun-na, fo ala mete kofe'ek, beek kande balisi, ma beek kande manggenggeok, tunga agama nakaneneten-nala. Ala ta taoafik neu fai Sabat-ta fa. No enok ndia de, leoina Israel-la, nakamumulu-nakamamaek Au.

ZAKHARIA 5:4

Manetualain Fo Manakoasa, nafa'da nae, soo-supak ndia, neukose Ana fen sa'e-na basa nakodaa-la, ma hataholi manasoo-supa pepekok-kala uman-na. Soo-supak ndia, neukose la'e nakandoo uma sila-la, losa ala da'di ai-batu madodouk.”

ROMA 6:21

Nai lelek ndia, emi hapu nanalak hata neme basa tatao-nono'ik fo besak ia emi tao-no'in no bibii-mamaek ndia? Basa tatao-nono'ik sila la ninini na ka'da mamate sa!