YEREMIA 2:25 - Susula Malalaok Hehelu Palak Ma Hehelu Beuk

²⁵ Israel, o boso muu usi lamatua daebafak-kala, ma boso eki fo maloos, mahani te, neukose o eim-ma nakahina, ma o nggati anam-ma namatuu, nanahu maa ma'dak-ka. O mafa'da mae, ‘Ta, neukose au ta bisa fali fa, nana au sue lamatua daebafak-kala, ma au nau u tungas.’ ”

YEREMIA 2:25 ပူးပေါင်းရင်းမြစ်များ

2TAWARIKH 28:22

Nai maso'dak fo henuk no toto'a-tataak ndia dalek, Ahas boetai tao sala-singok neu Manetualain.

2TAWARIKH 28:23

Ana tao soe aoinan-na ma laun-na, nanahu ana fe tutunu-hohotuk neu hataholi Siria-la lamatua daebafan-nala, fo manatao kalan-nana. Ana dodoo nae, “Siria lamatua daebafan-nala tulu-fali mane-manek Siria-la so, da'di metema au fes tutunu-hohotuk soona, neukose ala tulu-fali-la au boe.”

YESAYA 2:6

Ou Manetualain, O la'oela O anam fo, Yakob tititi-nonosin-nala so! Nana nai mamanak lala'en-na, hataholi manai nusak ia, ala pake bale mata neme dulu, ma neme Filistin mai, ala na'da hataholi nusa dea-la ha'dan-na.

YESAYA 57:10

Hu kande, emi leleo-lala'o dae doom-ma, soaneu sanga lamatua daebafak-kala, de emi sota-mangu so, tehu emi ta mafa'da mae, ta hapu namahehenak so'on. Emi maedaenga, sila hapu fe emi manggate beuk, nalosa emi ta tapandoe fa.

YEREMIA 13:21

Fo neukose emi mafa'da beek-ka metema hataholi-hataholi fo emi taos sama leo emi tolanom-mala ala tao lakala emi, ma ala koa emi? Tao leo beo neukose emi mame'da he'dis sama leo inak-ka fo ana sanga bongi.

YEREMIA 13:22

Fafa'kama emi matane mae, tao le'e de basa sila-la ala tuni-ndeni emi ao paam-ma, ma tao le'e de emi bua-lo'am-ma nana siba'ek, ma emi nana saok nenik laka-nakasetik. Bubuluk leon-na te, basa sila-la da'di nanahu emi sala-singom-mala ba'u nanseli.

YEREMIA 14:10

La'eneu leoina ndia Manetualain nafa'da nae, “Au ta amahoko neu hataholi-hataholi sila-la fo ala hii ka'da lalai heni aoinan-nala leme au-a mai. Neukose au ta asanggango heni sila salan-nala fa, ma neukose Au huku-doki sila, nanahu sila sala-singon-nala.”

YEREMIA 18:12

Tehu neukose ala lataa lae, ‘Sosoak hata? Ami tunga ka'da ami hihi-nanaun mesam-ma! Neukose ami esa-esak tunga ka'da ami hihi-nanaun mangalaum-ma!’ ”

YEREMIA 2:31

Hai hataholi Israel-la lemin, mamanene Au hala-kokolang ia-la. Ade Au da'di hai moo solokaek ba'eneu emi, do sama leo dae fo makahatu kiu-kiuina so do beik? Tehu tao le'e de, emi mafa'da, mae emi nau maso'da no aoloak, ma ta nau fali seluk leo Au mai fa?

YEREMIA 22:20

Manetualain nafa'da nae, “Hai Yerusalem laun-nala lemin, meu leo Libanon ma Basan, fo kii namatani nai na. Nggiso-nggasi nai letelepak Moab, nana emi soloda'dun lala'en-na nanatao nakalak so.

YEREMIA 22:21

Au kokolak basa neu emi nai lelek emi so'da molen-na malole, tehu emi ta nau mamanene. Memak emi ha'da tataom neme makahulun eli mai losa besak ia leondiak; beita la'i esa fo emi tunga Au paletang-nga fa.

YEREMIA 3:13

Ka'da manaku leon, mae o masala, ma o ta tunga Au, fo o Manetualaim-ma, paletan-na fa Manaku leon, mae o fe o susue tou-ta'ek ma ina anafe'om-ma, neu leoina fe'ek-kala lamatua daebafan-nala, nai ai ina-la huun-na so, ma o ta tunga Au paletang-ngala fa Au, fo Manetualain nde manakokolak-ka.”

YEREMIA 44:17

Basa hata fo ami heluk-kala lala'en-na, neukose ami tao la'iesak-kasa boe. Neukose ami fe mahele tutunu-hohotuk neu Ina Manek nusa so'dak-ka, ma di'a angol oek da'di leo tunu-hotuk neun sama leo biasan-na nanataok neme ami bei ba'ikai manamatem-mala, neme manek-kala, neme ami mauli-malanga manapaletam-mala ma ami ia boe nai kota-kota Yehuda ma enok-enok manai Yerusalem-ma. Nai lelek ndia ami ta to'a-taa hata esa boen, te am manuu nana'a-nininu manadaik ma ami so'dam-ma natetu.

RATAPAN 1:2

Le'odae katemak esa dalen-na, ana kii no dale he'dik, luuoen-na titi nai nasebu'un-na. Ta hapu hataholi esa boen, neme basa tou-ta'e susuen-na nau kokoe-nanasik fan. Tia-lain-nala lalelesin de lasafali da'di musu nok.

RATAPAN 4:4

Ni'iana beuana-la ta nananasu'uk fa, nalosa mates no maa ma'dak-ka. Ni'iana-la loke la'a, tehu ta hapu hataholi fe fas.

YESKIAL 20:32

Emi hii da'di sama leo leoina fe'ek-kala, ma laun nusa fe'ek-kala, fo ala sene-do'ok neu ai batu. Tehu emi hihii-nanaum ndia, neukose manada'di tak.’ ”

HOSEA 2:3

Metema, ana da'di manasosoa-piaok nahele soona, neukose Au o'du heni bua-lo'an, fo nakahola-la sama leo nai faik fo bongin-nana. Neukose Au tao-an, da'di sama leo dae ma'dak ma dae tokotik, soona neukose maten no maa ma'dak-ka.

HOSEA 2:5

Emi inam, fo manasosoa-piaok ndia, ta name'da mamaek fa. Nafa'da nae, ‘Neukose, au u leo au tou susue-lalaing, fo manafe au nana'ak ma nininuk, tema wol ma tema a'ba lutu, mina setun ma angol-la.’

MALEAKHI 3:14

Emi mafa'da mae, ‘Sosoa-ndandaan ta la'iesak-kana, sene-do'ok neu Manetualain. Sosoak hata, ita takalala'ok ita bela-ba'un soaneu Manetualain Fo Manakoasa, do tatu'dun tae, ita tasasale dale, neu ita salan-nala so?

LUKAS 15:22

Tehu aman nalo malalau-maoono nala de nafa'das nae, ‘Lai-lai meu ho'i bua papake neulauk fo fen pake. Boema o'du ndeli neu lima ku'u na, ma fen pake sapatu neu ei na.

LUKAS 16:24

Boema hataholi kamasu'ik ndia nalo bou-bou nae, ‘Ama Abraham! Sue-lai au dei. Madenu Lasarus dope lima ku'u na leo oe dale neu, boema ana mai fo nakadoe au maa nga dei. Te au doidoso anseli nai ha'ipilak ia dalek!’

ROMA 8:24

Nana, hu ka nde namahehena ka de, ita hapu so'da ka. Tehu metema ita tita hata fo ita tamahenak ndia soona, namahehenak ta ndia so'on. Nana ita tita hata fo ita tamahena ka so, na ita bei tamahena seluk beek bai?

ULANGAN 28:48

Hu ndia de, emi muse da'di ata neu musu-musu fo, Manetualain nadenus ala mai fo, ala la'ban emi. Neukose, emi mamala'a-mamandoe, maama'da, ma makahola-la boema to'a-taa nai basa hata-hata lala'en-na dalek.

ULANGAN 32:16

Ala sene-do'ok neu sosono-tatangok, nalosa Manetualain nape'da dale nasak-kasa fa, Nasa-melun fo'a, nanahu tatao-nono'i mangalauk ndia.