YEREMIA 2:23 - Susula Malalaok Hehelu Palak Ma Hehelu Beuk

²³ O mapalani manseli, mafa'da mae o malole, ma o mae o beita tunga hai Baal fa! Mete su'dik o tatao-nono'im neme bafak-ka, mafandele o tatao-nono'i mangalaum-ma, fo manakun leona! O sama leo ontaina mala'bik fo, nalai neu-mai, de ta hapu napanggee-na fan,

YEREMIA 2:23 ပူးပေါင်းရင်းမြစ်များ

ESTER 8:16

Hataholi Yahudi-la, dalen-nala loa-loak mesan, ma lamahoko, laua-lanale ma lamahoko.

MAZMUR 36:2

Sala-singok-ka, ana kokolak nai hataholi mangauk-ka dalen dale nae, ana tabii-amata'u neu Manetualain makandondook fa.

MAZMUR 50:21

Ndia nde o taon, tehu Au ka'da denge-denge, da'di tunga o dale dodoom-ma, Au sama leo o. Tehu besak ia, Au akamuu-akadau o, ma basa sila-la, Au taos da'di mangale'dok ba'eneu o.

AMSAL 28:13

See nafuni sala-singon soona, neukose ana ta hapu nanalak fa. See manaku, ma ana tu'u-tapa heni sala-singon soona, neukose Manetualain sue-lain.

AMSAL 30:12

Hapu hataholi nggelok, lafa'da lae sila malalao-malalafuk, te se'kona, manggenggeon-na seli.

AMSAL 30:20

Inak fo, ana ta lilineka neu saotoun-na, eno tipu-dain nde ia: Ana sosoa-piao basa soona, na'a-ninu, fo lose bafan-na, fo basa soona nafa'da nae, “Au ta tao hata esa boen!”

YEREMIA 14:10

La'eneu leoina ndia Manetualain nafa'da nae, “Au ta amahoko neu hataholi-hataholi sila-la fo ala hii ka'da lalai heni aoinan-nala leme au-a mai. Neukose au ta asanggango heni sila salan-nala fa, ma neukose Au huku-doki sila, nanahu sila sala-singon-nala.”

YEREMIA 16:10

Metema o manduku-malosak basa iala neu sila so'on, fafa'kama neukose ala latane lae, tao le'e de au huku-doki sila ba'u-ba'u basa ndia. Neukose sila latane lae salan-na beek ma sila sala-singon-na beek neu au Amak fo sila Manetualain-na.

YEREMIA 2:36

No lai-laik nanseli, emi meu leo leoina fe'ek-kala lamatua daebafan-nala meu, fo moke tutulu-fafalik! Neukose tao leo bee-o, Masir taon-na emi dalem-ma ba'ihana, sama leo Asyur tao ba'ihana emi dalem-ma.

YEREMIA 3:2

So'ba mete leo lain fo leo pupuk-kala lain muu! Mamanak beek-kande, o beita muu sosoa-piao meme ndia fa? Sama leo hataholi Arab-pala lai moo solokaek-ka, leondiak boe, o mangatuuk nai enok-ka su'un-na fo o mahani hataholi fo, ana hii nakaminak susue tou-ta'ek ma ina-anafe'ok. O tao manggenggeo nusak ia, nenik o sosoa-piaom, ma o tatao-nono'i mangalaum-ma

YEREMIA 31:22

O dodoo-doak-kana losa fai hi'da, fo leoina fo ta ili-nekak neu Au-a fa? Au akadada'dik hata fo beuk nai daebafak ia, hata fo fe'ek – fe'en-na sama leo inak-ka nafuni touk.”

YEREMIA 7:31

Ala lapadedeik mei tunu-hotuk esa, nai Bafak Hinom-ma, soaneu ala tunu-hotu anan-nala, da'di leo tutunu-hohotu nanatunuk. Te se'kona, Au beita adenus tao dede'ak ndia fa, nakalenak, au beita dudu'a-dodoo la'e dede'a matak leondiak-ka fa.

YEREMIA 9:14

Lalanga batu, ma ala sene-do'ok neu sosongo-tatango Baal-la, sama leo hata fo, sila bei-ba'i kain-nala nanolis-sala.

HOSEA 1:2

Lelek Manetualain, Ana kokolak makasososan-na no leoina Israel-la tunga au, Manetualain nafa'da nae, “Hosea, sao-ma ina manasosoa-piaok esa, fo neukose o anam-mala, ala da'di sama leo ndia boe. Au anang-ngala sama leo o saoinam ndia, nanahu ala ta lilineka neu Au fa, ma ala la'oela Au so.”

LUKAS 10:29

Tehu mese agama ndia nau tao namandoo aoina na, hu ndia de natane nae, “See ka nde au nonoo hataholing ndia?”

ROMA 3:19

Besak ia ita bubuluk basa, hoholo-lalanek fo nanasula basak nai agama Yahudi a hoholo-lalanen dale ndia, soaneu hataholi fo laso'da lai hoholo-lalanek ndia paleta na dae. No enok ndia, ta hapu hataholi esa boen, hapu fe ne'ek hata-hata so'on, ma Manetualain kalaak basa daebafa ka lala'ena.