YEREMIA 2:21 - Susula Malalaok Hehelu Palak Ma Hehelu Beuk

²¹ Au sele-tani o, sama leo ai angol fo Au helen neme bini-ngges malole-a mai. Tehu besak ia, o da'di masafali da'di na'u-aiana dila-nggauk fo sosoa-ndandaan ta.

YEREMIA 2:21 ပူးပေါင်းရင်းမြစ်များ

KEJADIAN 18:19

Au hele basa ndia so, fo ela ana paleta anan-nala, fo ala tunga Au, ma ala tao hata fo malole, ma tunga ndoos ma matetuk-ka. Metema ala tao tunga ndia soona, neukose Au tao atetu Au hehelu-balataang neu Abraham-ma.”

KEJADIAN 32:28

Hataholi ndia, nataa nae, “O na'dem-ma, ta na'de Yakob so'on. Nana o maho'uk basa moo Manetualain ma moo hataholi daebafak-ka, de o sengi so; hu ndia de, o na'de Israel.”

MAZMUR 44:2

Ou Manetualain, ami mamanene matam, tutuik fo ami bei-ba'i kaim-mala tuin la'eneu tatao-nono'i matuaina fo O taon nai tepo lelek makahulun-na so.

MAZMUR 80:8

Ou Manetualain, Fo Manakoasa, tao mabebeu ami; mete ami no dale malole fo ela ami maso'da.

MAZMUR 80:9

O anam-mala, sama leo ai angol fo, O laliheok-kana neme Masir mai. O usiheni leoina fe'ek-kala, boema O sele ai ndia neu sila nusan-na.

KELUARAN 15:17

Boema O hela-nole Israel leo mamanak fo O helen soaneu O mamana leleom-ma. Ala leo lahele leme O pupuku malalao-malalafum-ma nai Uma fo O nde mapadedeik-kana.

YESAYA 1:21

Kota fo makahulun-na ana lilineka, besak ia sama leo ina manasosoa-piaok-ka! Makahulun-na laun-nala ndoos ma matetuk, ma ta lasapepeko-lasandandali fa, tehu besak ia, kanisak-kala leo lai dalek.

YESAYA 27:2

Nai lelek ndia, neukose Manetualain nafa'da nae, “Makamee leon, la'eneu Au osi angol mana'ahiing-nga.

YESAYA 41:8

Tehu o, Israel, Au atang, fo Au ana heheleng-nga, o tititi-nonosik neme Au tia-laing Abraham mai.

YESAYA 5:4

Au muse tao seluk beek bai, tehu Au beita taon soaneu Au osi angol ndia fa. Tao le'e de, naboa boa makeis, te ta boa malole, sama leo Au amahenak-ka fa?

YESAYA 60:21

O laum-ma lala'en-na nde been-na, hataholi ndoos neukose lanuu nusak-ka, losa dodoon-na. Sila sama leo, ai ndana fe'ek-ka, nananakadiditak neu ai fe'ek, fo Au nde selen-nana, soaneu nafa'da Au matua-mademang.

YESAYA 61:3

soaneu fe hika-natadalek ma namahokok neu hataholi manadale he'dik, ma manasusak-ka; soaneu tao asafali sila dale he'din-na, da'di nakamee kokoa-kikiok. Neukose sila sama leo ai fo Manetualain sele matan. Neukose ala tao hata fo malole ma ndoos, nalosa Manetualain nananamatutua-namadedemak.

YEREMIA 11:16

Hapu hai Au foi sila na'de, ai setun manae'efek, fo tepa neni boan-na ma neulauk-neulauk mesan. Tehu besak ia, nenik halak nadodolo fo matuaina, de neukose Au hotu heni basa doon-nala, ma neukose Au heu la'di basa ndanan-nala.

YEREMIA 11:17

Au nde apadedeik Israel ma Yehuda, Au, Manetualain Fo Manakoasa. Tehu besak ia Au dudu'a basa soaneu Au eni fe susa-soe neu sila. Sila nde tao aon basa sila-la, nanahu la tao basa mangalauk so, fo nde ala fe tutunu-hohotuk neu Baal-la, de nalosa Au amanasa.”

YEREMIA 5:10

Neukose Au adenu musu-a neu, fo ana tao nalutu sila osi angol-la, tehu ana ta tao nakalulutuk-kana fa. Neukose, Au adenu musu ndia, fo ana ta'ti heni sila ai angol-la ndanan-nala, nana ndanak sila-la, Au nuung ta sila fa.

RATAPAN 4:1

Lilopilas mangadilak-ka kou henin so Manetualain Uman-na batun-nala tonggela nai enok lain.

YESKIAL 15:2

“Hai hataholi daebafak fo, manasapu-manalalok-konei, ade ai angol-la, lenan-na nde bee, de nalosa ain-na, lenaheni ai fe'ek manai nula dale-la? Ade, ai angol-la, malolen-na nde bee, de nalosa ain-na, lenaheni basa ai manai nula dale-la?

MATEOS 21:33

Boema Yesus nafa'das nae, “Mamanene seluk nakandandaak esa ia bai, dae lamatuak esa, ana sele osi angol esa. Ana pa'a feon, ma ana kali na bolok esa fo ala ka'bi ango la, oe na leo dalek neu, mate'e na, ana tao na lopo naneak esa. Basa ndia boema, ana fe osi angol ndia neu hataholi mana'a ngga'di nala seban, de ana la'o leo nusa fe'ek neu.

MARKUS 12:1

Basa boema, Yesus mulai kokolak no malanga ima mala, mese agama la, ma lasi-lasi Yahudi la ninik nakandandaak. Yesus nafa'das nae, “Hapu hataholi esa ana sele angol neu osi esa dalek, boema ana pa'a feon. Basa ndia boema, ana kali bolok fo ana tao mamana kaka'bi ango la neu ndia. Boema ana tao na uma lopo naneak esa. Basa ndia boema, ana fe osi angol ndia neu manaso'u belak de'ubee fo ala seban, boema ana la'o leo nusa fe'ek neu.

LUKAS 20:9

Yesus tui hataholi sila la nakandandaak manamai ka nde ia nae, “Hapu touk esa ana sele osi angol esa. Basa boema ana fe osi ndia neu manaso'u belak de'ubee fo ala seban, boema ana la'o leo nusa fe'ek neu fo ana leo nala doo ka nai naa.

YOHANIS 15:1

Yesus kokolak seluk nae, “Au nde ai huu angol matetu ka, boema Au Amang nde mana palusa osi a.

ULANGAN 32:32

Nana, sila tatao-nono'in mangalauk, sama leo Sodom ma Gomora, sama leo sila ai angol-la, boan-na makahe'duk ma malasok.

ULANGAN 4:37

Nanahu, Ana sue-lai emi bei-ba'i kaim-mala, de Ana hele basa emi, nenik koasa matuainan-na, ma noo emi kalua meme Masir mai so.

YOSUA 24:31

Lelek Yosua bei naso'da, hataholi Israel-la lakaluku-lakatele neu Manetualain. Ma lelek mate basan boeo, bei lakaluku-lakatele lahele neu Manetualain lelek nai sila dalek, bei hapu mauli-malangan fo lita matan basa hata lala'en fo Manetualain taon, soaneu hataholi Israel-la.