YEREMIA 2:20 - Susula Malalaok Hehelu Palak Ma Hehelu Beuk

²⁰ Manetualain nafa'da nae, “Dook-ka so, o ta nau da'di ata neu Au fa; o ta nau tunga, do sene-do'ok neu au fa. Nai pupuku mademaina-la esa-esak lain, ma nai aihuuina-la esa-esak huun-na, o sene-do'ok neu lamatua daebafak, fo manafe dae-a nalole.

YEREMIA 2:20 ပူးပေါင်းရင်းမြစ်များ

1RAJA-RAJA 12:32

Basa boema Yerobeam fe imam sila-la bela-ba'uk nai Betel. Ma ndia fe tutunu-hohotuk neu ana taon-na sapi lilopilas sila-la. Boema ana tao nakeketuk nae, hataholi Yahudi-la bulak-ka falun-na fain sanahulu lima da'dileo fai malole soaneu Israel, sama leo fai malole manai Yehuda. Nai faik ndia, Yerobeam neu leo Betel neu fo ana fe tutunu-hohotuk soaneu tao fai malole fo nananaketu basak ndia so.

1RAJA-RAJA 14:23

Nai pupuku kala lain ma nai ai matuaina la huun-na, ala lafofo'a mamana sosongo-tatangok-kala, ma lapadedeik lutu batu la boema ala tao Asyera fo lamatua daebafak inak ka doki-dulan, soaneu ala sene-do'ok.

MAZMUR 107:14

Ana noos kalua leme makahatuk dale mai, ma Ana tao nala'di sila langen-nala.

MAZMUR 2:3

Manakoasa sila-la lafa'da lae, “Mai fo ata helu la'di sila koasan-na, fo ata loso-ta falik ita ao loan-na!”

MAZMUR 78:58

Ala tao lakahehe'dik Manetualain dalen-na, nenik mamana sosongo-tatangok, ma ala tao-la dalen-na susa nenik sila dodoki-dudulan.

KELUARAN 19:8

Basa-basas lataa landaa lae, “Ami nau tao basa hata lala'en fo Manetualain nafa'dan,” de Musa nanduku-nalosak hala natataak ndia neu Manetualain. Boema Manetualain nafa'da Musa nae, “Neukose Au mai leo o mai, nai ko'as makate dale; neukose hataholi-la lamanene Au kokolak o o, de mulai hatematak ndia, neukose lamahele o tataas esa.

KELUARAN 24:3

Boema Musa neu de ana po'a-benga basa Manetualain paletan ma nakaneneten-nala neu leoina ndia. Sila basa-basas lataa landaa lae, “Ami nau tao basa hata fo Manetualain nafa'dan.”

KELUARAN 3:8

Hu ndia de, Au kona u, fo soi-po'is leme hataholi Masir-ra liman mai, fo Au os kalua leme nusak ndia mai, leo nusa maloaina esa neu. Daen-na kamasu'ik ma nalole, de besak ia, leoina Kanaan, leoina Het, Amori, Feris, Hewi ma Yebus ala leo lai nusak ndia.

YESAYA 1:21

Kota fo makahulun-na ana lilineka, besak ia sama leo ina manasosoa-piaok-ka! Makahulun-na laun-nala ndoos ma matetuk, ma ta lasapepeko-lasandandali fa, tehu besak ia, kanisak-kala leo lai dalek.

YESAYA 10:27

Nai lelek ndia, neukose Au soi-po'i emi neme Asyur tuni-ndenin mai, fo ala ta koasa emi so'on.”

YESAYA 14:25

Neukose Au tao amopo-amate hataholi Asyur manai Au nusang Israel-la, ma neukose Au heheta-aa'i manai letek-kala. Neukose Au soi-po'i Au leoinang, neme tuni-ndenik-ka mai, ma neme lelepak fo hataholi Asyur-ra lakasetis ala lu'a-lepan.

YESAYA 9:4

Solda'du-la ta'buein-nala ndu'u-ndu'u ma badun fo ladiu daak-ka, neukose ha'i na'a henis.

YEREMIA 13:27

Au ita basa emi tao-no'i dede'ak-dede'ak fo Au ta hii fan. Au ita basa emi tunga lamaua daebafak fe'ek-kala nai pupukuk-kala ma nai tina-osi-la, sama leo hataholi touk-kala lamula hataholi saoinan, do sama leo ndala mane-a asa sasaon-naneu ndala ina. Yerusalem Laun-nala lemin, soe ba'eneu emi! Neukose faihi'da de fo emi matapo'i neme basa mangalauk-kala mai?”

YEREMIA 17:2

Emi hataholim-mala hule-haladoi neu mei tunu-hotuk sosongo-tatangok-kala ma di sosongok-tatangok-kala nananapadedeik soaneu ina manek nituk Asyeranai basa ai huk-ka fo ndana manaeefek-kala, fo nai pupukuk-kala poin,

YEREMIA 2:31

Hai hataholi Israel-la lemin, mamanene Au hala-kokolang ia-la. Ade Au da'di hai moo solokaek ba'eneu emi, do sama leo dae fo makahatu kiu-kiuina so do beik? Tehu tao le'e de, emi mafa'da, mae emi nau maso'da no aoloak, ma ta nau fali seluk leo Au mai fa?

YEREMIA 3:13

Ka'da manaku leon, mae o masala, ma o ta tunga Au, fo o Manetualaim-ma, paletan-na fa Manaku leon, mae o fe o susue tou-ta'ek ma ina anafe'om-ma, neu leoina fe'ek-kala lamatua daebafan-nala, nai ai ina-la huun-na so, ma o ta tunga Au paletang-ngala fa Au, fo Manetualain nde manakokolak-ka.”

YEREMIA 30:8

Manetualain Fo Manakoasa nafa'da seluk neu Anan-nala nae, “Metema faik ndia losa soona, lange fo nanataok nu emi lasuhaim-ma neukose Au tao ala'din, ma emi hehenge-papa'am-mala neukose Au se'i-po'in. Neukose emi ta da'di ata neu hataholi manamai-a so'on.

YEREMIA 5:5

Malole lenak au u leo hataholi matua-madema-ma u, fo au kokolak os. Tao leo bee-o, ala bubuluk hata fo, Amak Manetualain nahiik-kana, ma noken neme sila mai.” Tehu sila basa-basas boeo, ta nau Manetualain paleta sila fa; ala ta nau tunga fan.

YESKIAL 16:28

Tehu o tatao-nono'im sila-la, beita dai fa; o usi mahele hataholi Asyur-ra. Fo o sosoa-piao moos, tehu ala beita tao lamahoko o dalem-ma boen.

YESKIAL 16:31

O tao mamana sosongo-tatangok, ma mamana sosoa-piaok nai masadokek manai kota dale, ma nai enok-kala su'un-na. Tehu, o ta sama leo manasosoa-piao biasa fa, fo ana paluu doik.

YESKIAL 16:41

Neukose, ala hotuheni o umam-mala, ma ladenu basa inak-kala, mete o huhukum-ma. Neukose, Au tao ate'e o sosoa-piaom, nenik enok ndia. Neukose, o ta baba'e fe o tou susue-lalaim-mala, bua palsen so'on.

YESKIAL 20:28

Au os leo nusak fo, Au helu basa, Au fen leo sila neu so. Lelek fo, ala lita pupuku mademaina-ma, ma ai matuaina-la, doon-nala leloaka, boema leu tunu-hotu tutunu-hohotu nai mamanak sila-la. Ala tao-la Au amanasa, nanahu sila tutunu-hohotu nanatunun-nala, ma tutunu-hohotu angon-nala.

YESKIAL 23:5

Leomae Ohola ana da'di Au saoinang so, tehu ana bei sosoa-piao nahele, de ana manggate nanseli, nalalau-naoono tou susue-lalain-nala leme Asyur mai.

HOSEA 1:2

Lelek Manetualain, Ana kokolak makasososan-na no leoina Israel-la tunga au, Manetualain nafa'da nae, “Hosea, sao-ma ina manasosoa-piaok esa, fo neukose o anam-mala, ala da'di sama leo ndia boe. Au anang-ngala sama leo o saoinam ndia, nanahu ala ta lilineka neu Au fa, ma ala la'oela Au so.”

HOSEA 2:5

Emi inam, fo manasosoa-piaok ndia, ta name'da mamaek fa. Nafa'da nae, ‘Neukose, au u leo au tou susue-lalaing, fo manafe au nana'ak ma nininuk, tema wol ma tema a'ba lutu, mina setun ma angol-la.’

HOSEA 3:3

Au afa'dan ae, muse nahani au nala dook-ka. Nai fai dook ndia dalen-na, ana ta bole sosoa-piao do hohonge fa, ma neukose, au ta deka o fan boe.

HOSEA 4:13

Emi tunu-hotu tutunu-hohotuk nai mamana sosongo-tatangok manai pupukuk-kala, ma letek-kala poin-na, ma emi tunu boomenik nai ai matuaina manaleloakak manai naa-la huun-na, nanahu mamanak ndia sa'on-na malole. Tehu, mate'en-na beek da'di? Emi anafe'oanam-mala, ala da'di manasosoa-piaok, ma emi manafeu inam-mala hohonge!

HOSEA 9:1

Hai leoina Israel-la lemin, boso boe tao seluk emi fai malolem-mala, sama leo leoina fe'ek-kala bai. Emi la'oela emi Manetualaim-ma so, ma emi ta lilineka neu fan. Nai popo'de gandum-mala esa-esak, emi mase'o emi aoinam-ma da'di leo manasosoa-piaok, ba'eneu lamatua daebafak Baal-la, ma emi mamahoko sipo gandum fo emi mafa'da mae, lamatua daebafak ndia, ana fe emi ngga'dim-ma nde ndia!

IMAMAT 26:13

Au, emi Manetualain, fo no emi kalua meme Masir mai, fo ela emi boso boe da'di ata bai. Au tao akalulutuk koasa manatuni-ndeni emi-a so, de Au tao emi da'di hataholi ao loak.”

NAHUM 1:13

Besak ia, neukose Au tao ete'e Asyur koasan neu emi, ma Au tao aketu namosina manahenge emi-a.”

ULANGAN 12:2

Emi masok mala nusak ndia dalek soona, emi muse tao makalulutuk, leoina manaleo manai sila-la, mamana sene-do'ok neu sila lamatua daebafak nala. Mamana sosongo-tatangon manai letek mademaina-la poin-na, manai pupukuk-kala poin-na, ma manai ai matuaina-la huun-na.

ULANGAN 15:15

Mafandendelek te, makahulun-na emi da'di ata neme Masir boe, boema emi Manetualaim-ma, Ana soi-po'i emi; hu ndia de, au fe emi paleta ndia.

ULANGAN 26:17

Faik ia, emi sipok Manetualain da'di leo emi Manetualaim-ma. Emi maheluk mae, emu tunga neun, ma emi tao tunga basa hoholo-lalanen ma paletan lala'en-na.

ULANGAN 4:20

Tehu emi nde been-na, leoina fo nanasoi-tefak neme Masir mai, mamanak fo emi doi-doso manseli. Noo emi kalua meme nusak ndia mai, fo ela emi da'di Ndia leoinan, sama leo besak ia.

ULANGAN 4:34

Hapu hai lamatua daebafak, napalani ho'in-na leoina esa neme leoina-la tala'da mai, boema ana taos da'di ndia ana hehelin, sama leo emi Manetualaim-ma, Ana taon soaneu emi neme Masir so do beik? Emi mita matam, tao leo beek de, Manetualain no be'i-balakai matuainan-na, Ana fe soe-a, ma natee-natatik-ka mai, Ana tao manada'di beuk-kala, ma Ana tao dede'a matuaina-la.

ULANGAN 5:27

Hu ndia de, muu leon Musa, fo namanene basa hata lala'en fo, itaManetualain nafa'dan, boema manduku-malosak-kana neu ami, hata fo Manetualain nafa'dan neu o. Neukose ami mamanenen, fo ami tao tungan.’

YOSUA 1:16

Boema leo Ruben, Gad ma leo Manasye seli sila-la lataa lae, “Leomae o paleta ami tao beek ndia boeo, neukose ami taon, ma o madenu ami meu leo su'di bee meu boeo, neukose ami meu.

YOSUA 24:24

Boema, hataholi sila-lafa'da Yosua lae, “Neukose ami makaluku-makatele ka'da neu Manetualain, fo ita Manetualain-na. Neukose, ami tunga paletan-nala.”

YOSUA 24:26

Ana sulak basa hoholo-lalanek ma nakanenetek sila-la nai Manetualain Susula Hoholo-lalanen dale. Basa boema, ana ho'i-na, batu matua esa, de napadedeik-kana neu ai manituk huun-na, fo nai mamana hehelik soaneu Manetualain.

NINITAK 17:1

Basa ndia boema, hataholi esa neme ata nusa so'da kahituk mana ho'u nggalaa susa-soe kahituk sila la, ana mai de nafa'da au nae, “Mai, fo au atu'du o, tao leo beek fo manasosoa piao matuaina ndia nanahukuk. Kota ndia nde kota matuaina fo manadekak no lee la ndia.

HAKIM-HAKIM 10:6

Hataholi Israel-la, lasala-lasingo seluk neu Manetualain. Ala ta taoafik neu Manetualain fa, ma ala ta sene-do'ok-kana so'on. Ala sene-do'ok neu lamatua daebafak Baal ma Asytoret, boema leoina Siria, Sidon, Moab, Amon ma Filistin lamatua daebafan-nala.

HAKIM-HAKIM 2:11

Basa boema, hataholi Israel-la, lasala-lasingo neu Manetualain. Ala ta sene-do'ok seluk neu Manetualain, fo sila bei-ba'i kain-nala Manetualain-na, fo nde Manetualain, fo nos kalua leme Masir mai-a. Ala mulai sene-do'ok neu Baal-la, ma Asytoret boema lamatua daebafak fe'ek fo leoina manai sila titia-tatain-nala, sene-do'ok-ka. Boema, Manetualain namanasas, de Ana po'ilotak hataholi mangalauk-kala sapu-lalas, de lamanako leni hata-heton-nala. Ta lapalani lasasalematak loo musu-musu manai titia-tatain-nala fa.

SEMUEL SUSULAK-KA ESAN-NA 12:10

Basa boema, ala hule-haladoi neu Manetualain ma ala manaku sila sala-singon-nala; lafa'da lae, ‘Ami masala-masingo basa so, nanahu ami lepos masadea O, ou Manetualain, ma ami sene-do'ok neu Lamatua daebafak Baal ma Asytoret, dodoki-dudulan-nala. Tehu besak ia, soi-tefa-mala ami neme ami musum-ma mai, soona neukose ami sene-do'ok neu O!’