YEREMIA 2:2 - Susula Malalaok Hehelu Palak Ma Hehelu Beuk

² po'a-benga halak ia neu basa hataholi manai Yerusalem-mala nae, “Hai Israel, Au afandele, o lilineka manseli, nai lelek o bei muli-solum-ma; o susue-lalaim ba'un-na seli nai lelek ita da'di manaka'bing beuk-ka. Au u leo moo solokaek-ka u, boeo o tunga o la'ok tunga dae fo, nanasele-nggali taak-ka.

YEREMIA 2:2 ပူးပေါင်းရင်းမြစ်များ

MAZMUR 129:1

Nakamee dodonge-dadamak. Israel, mafa'da leon, tao leo bee de, musu-a fepa-li'u o, neme lelek o muli-solum-ma mai.

KELUARAN 14:31

Lelek hataholi Israel-la lita tao leo beek, de Manetualain no koasa matuainan-na, Ana sengi hataholi Masir-ra boema, ala dodoo doak-kana nanseli, nalosa lamahele neun, ma lamahele neu Musa, fo Manetualain atan ndia.

KELUARAN 16:8

Neukose, Manetualain fe emi paa nai fai le'donoson-na, ma ko'kis nai fai fafain-na, fo emi mi'a losa emi makabete, nanahu Manetualain namanene basa emi makamuu-muun so. Te'e-te'e, metema emi mamanasa ami soona, emi mamanasa Manetualain.”

AMSAL 1:20

Mamanene leon-na, te manatee-tenok-ka naloo nai enok-kala lain, ma ana nggasi nai mook-kala!

KIDUNG AGUNG 3:11

Kalua leon, hai anafe'oana Sion-nala lemin, mete mitak Mane Salomo no bulamolik fo inan taon neu langan-na, nai faik ana ka'bing-nga, nai faik fo namahoko-setelee.

KIDUNG AGUNG 3:6

Ade ndia fo manamaik neme moo solokaek-ka mai, nalupa leo ha'i masu bubuak-ka do? Boomenin-na sama leo laluteik ma boomenik-ka, ma manadangan-nala badaa kaboomenin-nala.

YESAYA 58:1

Manetualain nafa'da nae, “Maloo mapane'e leona! Fo mafa'da sila sala-singon, neu Au anang-ngala.

YEREMIA 11:6

Boema Manetualain nafa'da neu au nae, “Muu leo kota-kota manai Yehuda, ma enok-enok manai Yerusalem-ma. Mafa'da Au hala-hehelung nde ia neu hataholi-hataholi manai naa-la. Madenus fo ala taoafik ma ala lamahele au hehelu-hoholong eno-dalan.

YEREMIA 19:2

soaneu ala la'ok lakabubua lo sila lo Bafak Hinom, fo ala tunga Lelesu Ina Beling-nga. Nai naa au muse po'a-benga hata fo nanaheluk neu au.

YEREMIA 2:1

Manetualain nadenu au

YEREMIA 2:6

Au ta afaduli fa; Au fo, manahela-noles nai enok so, ma Au os kalua leme Masir mai la'ola'di moo solokaek-ka, dae tokotiik fo dopelele'un makadotok, boema tuuk, bai te henuk no soe-a – mook fo, nanaleo taak ma ta la'ok tunga fan!

YEREMIA 3:4

Nai lelek o nai toto'a-tataak-ka dalek, o maloo au mae o amam nde Au, ma o mae Au sue-lai o, mulai neme o bei anam-ma mai.

YESKIAL 16:22

Nai o maso'dam da'di leo manasosoa-piaok, fo nanamaluak ndia dalek, o mafandele heni tepo-lelek o bei ana-ma, lelek o makahola-la, ma o mafoki meme o daam manalifum dale.”

YESKIAL 16:60

Tehu, neukose Au afandele hehelu-balataak fo, Au taon no o, nai lelek o bei muli-solum-ma, ma Au tao hehelu-balataak no o, fo paken losa dodoon-na.

YESKIAL 23:19

Ana boetai sosoa-piao, sama leo bei muli-solun-na, fo nai lelek ana sosoa-piao neme Masir-ra.

YESKIAL 23:3

Nai lelek bei muli-solun-nala, ala leo leme Masir. Mopo na'de anafe'oanan-nala neme Masir, de ala da'di ina manasosoa-piaok.

YESKIAL 23:8

Ana sosoa-piao nakandoo, sama leo makahulun-na, ana sosoa-piao neme Masir, nai lelek mopo na'de anafe'oanan-na. Nai lelek bei anan-na, hataholi sungu non so, de ala taon da'di leo ina manasosoa-piaok.

HOSEA 11:1

Manetualain nafa'da nae, “Au sue-lai Israel neme lelek bei anan-na mai, Au aloo Au anang sila-la, kalua leme Masir mai.

HOSEA 2:15

Neukose Au fe falik osi angon-nala, ma neukose Au tao Bafak Toto'a-tataak-ka da'di lelesu namahehenak. Nai naa, neukose ana sipok Au, sama leo nai lelek bei muli-solun-na, fo nai lelek besak-ka ana kalua neme Masir mai.

HOSEA 2:17

Neukose, Au ta fen loak seseik Baal-la na'den-na so'on, nalosa neukose hataholi-a nafandele heni na'dek ndia.

HOSEA 2:7

Neukose, ana usi tou susuen-nala, tehu ana ta dai fas. Neukose ana sangas, tehu ana ta hapu fas. Boema neukose nafa'da nae, ‘Neukose au fali u'ung-nga leo au saotou makasososang-nga u, nanahu au ha'da-tatao makahulung-nga, malole lena neme besak ia mai.’

HOSEA 8:1

Manetualain nafa'da nae, “puu pupuuk-ka, te soe-a mai! Musu sapun-na Au nusang-ngala, sama leo manupui balupua la'u manuana! Au anang-ngala, la'olena Au hehelu-balataang no sila, ma ala la'ban Au nanoling-ngala.

HOSEA 9:10

Manetualain nafa'da nae, “Lelek Au hapu Israel makasososan-na, Au amahoko sama leo hataholi-a hapu angol boak-ka nai moo solokaek-ka. Lelek Au ita emi bei-ba'i kaim makasososan-na, Au amahoko, sama leo hataholi-a nita kaa boa makasososak-ka. Tehu, lelek leu leo Letek Peor-ra leu, ala mulai sene-do'ok neu Baal-la, nalosa ala da'di langgenggeo, sama leo lamatua daebafak fo ala sue-lain ndia.

YUNUS 1:2

nae, “Muu leo Niniwe fo kota matua ndia muu, fo fen balataak, nanahu Au bubuluk basa laun-nala mangalauk lanseli.”

MATEOS 11:15

Makanaema see madi'i dok soona, mamanene leona!

LUKAS 12:13

Hataholi esa nai hataholi makadotok sila la tala'da, nafa'da Yesus nae, “Tunggulu, so'ba Ama madenu au tolanoo nga fo ana fe au, ami amam la'oela hata-heto la, baba'ek esa.”

ULANGAN 2:7

Mafandendelek, tao leo beek de, emi Manetualaim-ma, fe emi baba'e-papalak nai basa hata lala'en fo emi tao-no'in. Nakaboboi emi, nai lelek emi maleu-malaak nai moo solokaek maloaina ia. Nasulu-nahapa emi, nai teuk haahulu ia dalen-na, ma Ana fe emi, basa hata lala'en fo emi paluun.

ULANGAN 33:3

Tete'ek-ka, Manetualain sue-lai leoinan. Nasulu-nahapa basa Ndia hataholin-nala. Mai fo, ata sene-do'ok neu ein-na, matan-na, ma ata tunga paletan-nala.

ULANGAN 8:2

Mafandendelek leona! Te nai teuk haahulu dalen-na, emi Manetualaim-ma nauli-nalanga emi, nai emi leleo-lala'o dae doom-ma dalek, tunga moo solokaek-ka. Manetualain dudu'a basa leleo-lala'ok ndia, soaneu Ana so'ba emi, fo ela Ana nita beek nanape'dak nai emi dalem dale, ma ade neukose emi tunga paletan-nala do ta.

YAKOBIS 4:4

Emi nde bee na, hataholi ta mana lilinekak fa! Ade emi ta bubuluk fa te, metema emi tao tia-laik mo daebafak ia soona, emi da'di Manetualain musu noon fa do? Hu ndia de, metema see tao tia-laik noo daebafak ia soona, hataholi ndia tao ao ina na da'di, Manetualain musu noon.

NINITAK 2:4

Tehu hapu hata esa nai emi dalek fo Au akamu-akadaun: Emi ta sue-lai Au so'on sama leo makasososa na.