YEREMIA 2:19 - Susula Malalaok Hehelu Palak Ma Hehelu Beuk

¹⁹ O tatao-nono'i mangalau-ma, nde huku o aoinam-ma, O nanatao doidosok, nanahu o tipa Au, fo o Manetualaim-ma. Besak ia, mame'da mita makahe'duk-ka, ma he'din-na ba'un-na seli metema Au asadea o, ma Au ta fe ha'da-holomata neu o fa. Au, fo Manetualain nde manakokolak-ka; Au nde Manetualain, Fo Mademaina ma Manakoasa matuaina.”

YEREMIA 2:19 ပူးပေါင်းရင်းမြစ်များ

1RAJA-RAJA 18:18

Boema Elia nataa nae, “Au ta nde maneni susa soe ndia fa, te Ama Manek dei. Ama Manek ma Ama Manek teidalen-nala nde maneni susa soe ndia dei. No sene-do'ok neu Baal-la sosongo-tatangon-nala, Ama Manek la'olena Manetualain paletan-nala.

2TAWARIKH 12:5

Nai lelek ndia Manek Rehabeam-ma, ma basa mauli-malanga Yehuda-la lakabubua lai Yerusalem so, nanahu lalai leme Sisak mai. Nabi Semaya mai de nafa'das nae, “Manetualain nae leo ia, ‘Emi la'oela Au, da'di besak ia Au boeo la'oela emi, nalosa Sisak koasa emi.’ ”

2TAWARIKH 21:10

Mulai neme lelek ndia mai, Edom ta nakatele neu Yehuda so'on. Nai tepo-lelek ndia boe, kota Libna boeo lena-la'ban. Basa sila-la ala da'di nanahu Yehoram la'oela Manetualain fo bei-ba'i kain sene-do'ok-ka.

2TAWARIKH 25:16

Amazia nae, “Denge-denge! Metema ta soona, ami taomisa o! Beita la'iesa fo ami so'u o da'di manek-ka manamanoli-mafa'dan fa!” Boema nabi ndia denge-denge, tehu ana bei hapu loak faa anak kokolak nae, “Besak ia au bubuluk ae Manetualain naketu basa soaneu tao namate-namopo Ama Manek, nanahu Ama Manek tatao-nono'in ndia, ma hu kande Ama Manek ta taoafik neu au nanoli-nafa'dang fa.”

MAZMUR 36:1

Soaneu mauli-malanga nakameek-ka. Neme Dauk, fo Manetualain atan-na.

AMSAL 1:31

Hu ndia de, neukose emi mame'da mita, emi tatao-nono'im ma emi dale tutu'u mangalaum-mala buna-boan.

AMSAL 1:32

Hataholi fo malelan-na ta dai fa, neukose maten, ma hataholi dudu'a-aafi taak-ka, neukose nakalulutuk, nanahu ana ta taoafik neu fa.

AMSAL 5:22

Hataholi mangalauk-ka sala-singon, sama leo hihi'ik-ka, fo nala seluk hataholi ndia.

YESAYA 3:9

Sila heo-hilun fo manakoao-ndaeaon-na, natu'du sila tatao-nono'i mangalaun-na. Sila tao sala-singok no le'do-le'dok, sama leo makahulun-na hataholi Sodom-mala. Soe ba'eneu sila! Sila leni soe fe sila aoinan-nala.

YESAYA 5:5

Neukose Au tao au osi angol ndia leo iak: Neukose Au ofe heni pa'a fo manaokofeonalan-na, neukose Au tao tu'u papala nanadamak fo, manamasulu-mahapan-nana, Boema, Au po'ilotak bana fuik-kala tao lalutun fo ala heheta-aa'in.

YESAYA 50:1

Manetualain nafa'da Israel nae, “Hai Au anang-ngo nei, o maedaenga, Au usiheni o sama leo saotouk esa, usiheni saoinan-na do? Metema leondiak soona, susulan-naelak-ka, nai bee? O maedaenga, Au ase'oheni o, sama leo amak esa, nase'o anan-na, leo manala'ok hutak-ka neu do? Ta! O nanafook, ma nanatu'u-tapak, hu kande o sala-singom, ma o tatao-nono'i mangalaum-ma!

YEREMIA 1:16

Neukose Au huku Au anang-ngala, nanahu lasala-lasingo, ma lasadea Au. Ala fe basa tutunu-hohotuk neu lamatua daebafa fe'ek-kala, ma ala dokik dodoki-dudulak, fo ala sene-do'ok neun.

YEREMIA 13:22

Fafa'kama emi matane mae, tao le'e de basa sila-la ala tuni-ndeni emi ao paam-ma, ma tao le'e de emi bua-lo'am-ma nana siba'ek, ma emi nana saok nenik laka-nakasetik. Bubuluk leon-na te, basa sila-la da'di nanahu emi sala-singom-mala ba'u nanseli.

YEREMIA 2:17

O nde tataom basa manda'dik manala'e o aoinam-ma, nanahu nai lelek Au hela-nole o nai leleo-lala'ok-ka dalek, o masadea Au, fo Amam Manetualaim-ma.

YEREMIA 3:22

Hei basa emi fo, manala'oela Manetualain so, fali ma'im-ma leona! Neukose, Ana tao nalea-nahai emi, ma Ana taon-na emi da'di manalilinekak. Emi mafa'da mae, “Ya, besak ia ami mai leo Manetualain, nanahu ami Manetualain ndia.

YEREMIA 4:18

Yehuda, o nde tataom soe ndia la'e o-a. O so'dam-ma eno-dalan, ma o tatao-nono'im nde taon-na basa doidosok sila-la, ala papau o dalem-ma.

YEREMIA 5:22

Au nde Manetualain-na; te tao le'e de, emi ta bii-mamata'u neu Au fa? Tunga ndoon-na, emi muse dele ngge'be-ngge'be neu Au! Au nde tao tasi su'un-na, da'di tasi too-lanen, fo ta hapu la'o lena fan, losa dodoon-na. Tasi fo'a, fo lii-la napoponu, tehu ana ta hapu lena dae too ndia fa.

YEREMIA 5:24

Emi ta mafandele mita, fo fe ha'da-holomata neu Au boen, te se'kona Au nde fe u'dan-na, nau nai makasososan-na, do nai mate'en-na boe. Au boeo nde fe emi, fai keketu-kokoluk, tunga teun.

YEREMIA 5:6

Hu ndia de, neukose singa neme nula dale mai, fo taonisas, ma busa fuik-ka neme moo solokaek-ka mai, fo sii-sii lulu'is. Neukose meoasu-la lapanggela, fo ala sanga nana'an-na, nai deka no sila kotan-nala, fo ba'eneu hataholi see, fo ana kalua soona, neukose ala kaa-nan. Basa sila-la ala da'di, nanahu ala tao sala-singok makadotok so, ma lasadea Manetualain la'inono'ik.

YEREMIA 7:19

Tehu te'e-te'e, sila lakahehe'dik-ka, ta nde Au fa, tehu sila dei, nalosa ala mae.

YEREMIA 8:5

Tehu tao le'e de emi, fo Au anang-ngala, la'ok sala makandondoo henin, ma la'oela Au? Emi ho'u mahehele neu emi sosongo-tatangom, de emi ta nau fali ma'im-ma leo Au mai fa!

YESKIAL 23:30

neni fe o ua-nale mangalauk ia. O da'di ina manasosoa-piaok ba'eneu leoina-kala, ma o tao manggenggeo o aoinam-ma nenik leoina sila-la sosongo-tatangon-nala.

YESKIAL 39:24

Au taos nandaa no sila manggenggeon-na, ma tatao-nono'i mangalaun-nala, boema Au la'oelas.”

HOSEA 11:7

ma latea-lahele soaneu la'oela Au. Hu ndia de, neukose nanatuni-ndenik-kala, fo leomae ala nggasi loke tutulu-fafalik boeo, ta hapu hataholi tulu-fali fas.”

HOSEA 13:9

Hai leoina Israel-la lemin! Neukose Au tao akalulutuk emi, fo see kande tulu-fali emi-a?

HOSEA 14:1

Muse huku Samaria, nanahu ana lena-la'ban Au. Neukose mate laun-nala nai natee-natatik dale, ma neukose lona lisa ana beuanan-nala, ma ina kailun-nala, nanasai teik.”

HOSEA 4:16

Hai hataholi Israel-la lemin, emi langa batu manseli! Tao leo bee fo Au bisa foo emi, sama leo bi'ilopo-a nai moo mana'uk-ka?”

HOSEA 5:5

Israel koao-ndaeaon, nananitak no mangale'dok, de ana da'di buti neu sila salan-na. Sila sala-singon tao nalas lakatunu, de ala tu'u leu, boema leoina Yehuda, ana tu'u sama-sama nos.

HOSEA 7:2

Ala ta hapu dudu'a-lan nai dudu'a-aafin-nala dalek, lae neukose Au afandele-a basa sila tatao-nono'i mangalaun sila-la fa. Tehu sala-singon-nala lakahapi-lalas, nalosa Au itas no mangale'dok.”

HOSEA 9:1

Hai leoina Israel-la lemin, boso boe tao seluk emi fai malolem-mala, sama leo leoina fe'ek-kala bai. Emi la'oela emi Manetualaim-ma so, ma emi ta lilineka neu fan. Nai popo'de gandum-mala esa-esak, emi mase'o emi aoinam-ma da'di leo manasosoa-piaok, ba'eneu lamatua daebafak Baal-la, ma emi mamahoko sipo gandum fo emi mafa'da mae, lamatua daebafak ndia, ana fe emi ngga'dim-ma nde ndia!

AMOS 8:10

Neukose Au tao asafali emi fai malolem-mala da'di fai manafaluk, ma emi nakameem-mala, da'di kikii-makaleleuk. Neukose Au tao-a emi nggeu heni emi langadoom-ma ma pake si'di kalong, fo da'di neu ta'du-tana dale he'dik. Neukose emi da'di sama leo ina-amak fo ala kii makaleleu ana kisan-na, mamaten-na. Neukose faik ndia nate'e no dale he'dik nanseli.

MIKHA 1:5

Neukose basa sila-la ala da'di, nanahu hataholi Israel-la lasala-lasingo, ma ala la'ban Manetualain. See kande, tao-na Israel nasala-nasingo? Ade, ta hu Samaria kotainan-na fa do? See kande, tao-na Yehuda sene-do'ok neu songo-tangok? Ade, ta hu Yerusalem fa do?

ZAKHARIA 7:11

Tehu, Au anang-ngala langa batu, de ta nau lamanene makandondook fa, ma ala suleketu di'idoon-nala, fo ela boso lamanene.

ROMA 3:18

ma ala ta fe ha'da-holomata neu Manetualain fa.”

HAKIM-HAKIM 10:13

Leomae leondiak boe, lena-lenak emi boeo bei heok masadea Au, boema emi meu sene-do'ok lamatua daebafak-kala. Besak ia, Au ta nau soi-po'i emi so'on.