YEREMIA 2:17 - Susula Malalaok Hehelu Palak Ma Hehelu Beuk

¹⁷ O nde tataom basa manda'dik manala'e o aoinam-ma, nanahu nai lelek Au hela-nole o nai leleo-lala'ok-ka dalek, o masadea Au, fo Amam Manetualaim-ma.

YEREMIA 2:17 ပူးပေါင်းရင်းမြစ်များ

1 TAWARIKH 28:9

Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

2TAWARIKH 15:2

nalosa neu natongon-no Manek Asa, de nafa'da nae, “Hai, Manek Asa, ma basa Yehuda ma Benyamin laun-nala lemin! Mamanene! Te Manetualain deka no emi metema emi deka moon. Metema emi moke Manetualain natutu'dun-na soona, neukose Ana fen mai. Tehu metema emi ta taoafik neu fan soona, Ndia boeo neukose Ana ta taoafik neu emi boen.

AYUB 34:27

Nanahu, sila ta tao tunga hihii-nanaun fa ma ta taoafik neu basa paletan-na fa.

AYUB 4:8

Tunga au mata memeteng-nga, soona hataholi manafoi-fala tina mangalauk-ka, fo ana sele-nggali bini-ngges susa-soe-a, da'di leo bubu'u-palusa de'en-na, soona, neukose ana ketu-kolu susa-soe, ma toto'a-tataak-ka!

MAZMUR 107:7

Ana hela-noles, tunga eno mandoo-a, leo mamana leleok manai kota neu.

MAZMUR 136:16

Ana nauli-nalanga anan-nala, tunga moo solokaek-ka; susue-lalain manaketu-basa tak, losa dodoon-na.

MAZMUR 77:20

O la'ok tunga lii lain, O la'ok feo tasi maloaina, tehu O ei mamanam-ma, ta nananitak fa.

AMSAL 15:10

Hataholi manatao tatao-nono'i mangalauk-ka, neukose nanatao doidosok; ma hataholi fo ana ta nau ka'i fan-na, neukose maten.

YESAYA 1:4

Soe ba'eneu emi, leoina fo masala-masingok-kala, hataholi fo dale aafi tak-kala, ma manatao tatao-nono'i mangalauk-kala lemin! Emi kosik de emi tu'da, hu kande emi sala-singom-mala. Emi tipa heni Manetualain so, ma emi masadea Manetualain fo Malalao-malalafuk nanseli, fo emi muse sene-do'ok-ka.

YESAYA 59:13

Ami malelesi, ma lena-la'ban Manetualain, ma ta nau tunga, ami Manetualaim-ma fa. Ami tuni-ndeni basa hataholi fe'ek, ma la'ok sala so; ami dudu'a-aafim natofa-natalak, ma ami hala-kokolam, masapepeko-masandandalik.

YEREMIA 13:22

Fafa'kama emi matane mae, tao le'e de basa sila-la ala tuni-ndeni emi ao paam-ma, ma tao le'e de emi bua-lo'am-ma nana siba'ek, ma emi nana saok nenik laka-nakasetik. Bubuluk leon-na te, basa sila-la da'di nanahu emi sala-singom-mala ba'u nanseli.

YEREMIA 19:4

Au tao dede'ak ndia nana loina ia la'o ela Au so. Ala tao langgenggengo mamanak ia nenik ala fe tutunu-hohotuk lo lamatua daebafak fe'ek-kala ba'eneu sila, ba'eneu sila bei ba'i-kain-nala, ma ba'eneu manek-manek manai Yehuda. Sila boeo ala tao hataholi sala taak-kala daan-na nai mamanak ia boe.

YEREMIA 2:13

Au anang-ngala tao sala-singok matak dua: ala la'o ela Au, fo oemata maso'dak-ka, de ala kali aon sila lifun-na, fo nde lifu fo, sama leo ule ba'ek-ka, fo oe ta nate'e nai dalek fa.”

YEREMIA 2:19

O tatao-nono'i mangalau-ma, nde huku o aoinam-ma, O nanatao doidosok, nanahu o tipa Au, fo o Manetualaim-ma. Besak ia, mame'da mita makahe'duk-ka, ma he'din-na ba'un-na seli metema Au asadea o, ma Au ta fe ha'da-holomata neu o fa. Au, fo Manetualain nde manakokolak-ka; Au nde Manetualain, Fo Mademaina ma Manakoasa matuaina.”

YEREMIA 4:18

Yehuda, o nde tataom soe ndia la'e o-a. O so'dam-ma eno-dalan, ma o tatao-nono'im nde taon-na basa doidosok sila-la, ala papau o dalem-ma.

YEREMIA 44:3

Dede'ak ndia anan da'di nanahu laun-nala lasala-lasingo, de nalosa ala tao-la Au amanasa. Ala fe tutnu-hohotuk ma ala lakaluku-lakatele neu lamatua daebafak fo ala beita sene-do'ok lita fa, boema emi ma emi bei ba'i-kaim manamatem-mala.

YEREMIA 5:25

Tehu emi sala-singom sila-la, nde lapangge basa hata malole sila, nalosa emi ta hapu fan.

YESKIAL 39:24

Au taos nandaa no sila manggenggeon-na, ma tatao-nono'i mangalaun-nala, boema Au la'oelas.”

HOSEA 13:9

Hai leoina Israel-la lemin! Neukose Au tao akalulutuk emi, fo see kande tulu-fali emi-a?

MIKHA 1:5

Neukose basa sila-la ala da'di, nanahu hataholi Israel-la lasala-lasingo, ma ala la'ban Manetualain. See kande, tao-na Israel nasala-nasingo? Ade, ta hu Samaria kotainan-na fa do? See kande, tao-na Yehuda sene-do'ok neu songo-tangok? Ade, ta hu Yerusalem fa do?

BILANGAN 32:23

Tehu mafandendelek, te metema emi ta tao matetu, emi hehelu-balataam fa soona, emi masala-masingo neu Manetualain, de neukose emi nanahukuk, nanahu emi sala-singom ndia.

ULANGAN 32:10

Ana nitas laleu-lalaak nai mamanak nee-nee lino-linok nai moo solokaek-ka. Boema Ana nasulu-nahapas ma nakabobois ma naneas sama leo Ndia pusakan-na.

ULANGAN 32:19

Manetualain nita dede'ak ndia boema, namanasa, de Ana ta sipok anan-nala fa.