YEREMIA 2:15 - Susula Malalaok Hehelu Palak Ma Hehelu Beuk

¹⁵ Musu non-na, nangao soaneun sama leo singa, daen-na nanataok da'di dae tokotiik, ma louk, ha'i-a na'a heni kotan-nala, laun-na ta leon so'on.

YEREMIA 2:15 ပူးပေါင်းရင်းမြစ်များ

AYUB 4:10

Hataholi mangalauk-ka, nangao ma ana nggo, ala dola sama leo singa. Tehu Manetualain ko'oketu bafan-nala, ma Ana helu la'di nisin-nala.

MAZMUR 57:4

Nataa au neme nusa so'dak-ka mai, de Ana soi-tefa-na au; Ana sengi hataholi manatuni-ndeni au-a. Neukose Manetualain natu'du nae Ana lilineka neu au, ma Ana sue-lai au tataas esa.

YESAYA 1:7

Emi nusam-ma, nanatao namopo-namatek so; emi kotam-mala, nanahotu henik. Hataholi nusa dea-la, ho'i-la emi daem-ma, de ala tao lakalulutuk la'iesak-kasa nai emi matam.

YESAYA 24:1

Neukose Manetualain tao nakalulutuk daebafak-ka, nalosa ana da'di dae tuuk ma nee-nee lino-linok. Neukose nasafali poin-na, ma Ana tao tapasasala laun-na.

YESAYA 5:29

Basa solda'dun-nala langao sama leo singa fo besak-ka ana kaa nana'an-na fo nalai, de ta hapu hataholi bisa finga-na falik-kana fa.

YESAYA 5:9

Au amanene Manetualain Fo Manakoasa soo-supa nae, “Uma matuaina mana'ahiik ia-la, neukose basa-basas louk, nana hataholi ta leo nai dalek fa.

YESAYA 6:11

Boema au atane ae, “Manada'dik ia, ana da'di losa faihi'da Manetualain?” Boema nataa nae, “Losa kota-la da'di batu nananaunuk, fo ala da'di kota louk, hataholi ta leo uma-la so'on, ma dae-a da'di louk ma tokotik,

YEREMIA 10:22

Mamanene dei! Hapu tutuik lae leoina esa nai kii ana sanga tao nale'a-napilik. Neukose soloda'dun-nala tao-la Yehuda kotan-nala da'di nenee lino-linok ma ta hapu manaleo-mapalasa fa. Neukose busa fuik-kala lafuni lai na.”

YEREMIA 25:30

Basa hata fo Au afa'dan neu o-a, hai Yeremia, muse o manduku-malosak-kana. Mafa'da meus mae, ‘Manetualain halan-na nakapepela neme nusa so'dak-ka mai; ana nasanggunggulu la'ban Anan-nala neme mamana leleon fo malalau-malalafuk-ka. Basa laun manai daebafak-ka lamanene Ana naka'di-nakau sama leo manamaue-maosak fo manake'e anol nai mamanak kaka'bik-ka.

YEREMIA 25:9

‘Neukose Au alo basa leoina manai neme ki mai-a, ma Au atang Nebukadnezar fo manek Babel-la boe. Neukose Au fe sila soaneu latee-latati la'ban Yehuda no laun-nala, ma basa leoina manai boboa-kaisun-nala. Leiona Yehuda no leoina titia-tatain-nala neukose Au tao akatoto'a-akatatak-kasa ma Au po'ilotak-kasa lakalulutuk soaneu losa dodoon-na. Hataholi fo manamitas-sala neukose ala nggenge-la ma lame'da bibi-namata'uk. Au, Manetualain nde manakokolak-ka.

YEREMIA 26:9

O mapalani manseli mafa'da nenik Manetualain na'den-na mae, neukose umania da'di sama leo Silo, ma mafa'da mae neukose kota ia nanatao nakalulutuk, ma ana da'di mamanak fo ta leo-napalasan.” Tutika hataholi ba'u lakamomotu-la au.

YEREMIA 33:10

Manetualain nafa'da nae, “Hataholi-la lafa'da lae, mamanak ia sama lao mook-solokaek-ka, de ta hapu hataholi do bana-manu leo lai ndia fa. Sila hala-kokolan-nala memak tete'ek-ka, nana Yehuda kotan-nala ma eno-enok manai Yerusalem louk-kala beno'u so; ta hapu bana-manu do hataholi leo lai ndia fa.

YEREMIA 34:22

Neukose Au fes paleta fo ela ala fali ma'is lo kota ia mai, fo ala sapu-lan, ma latona-la, ma ala hotu heni Yehuda kotan-nala neukose Au ao an sama leo mook solokaek-ka fo ta hapu hataholi leo fan. Au, Manetualain, nde manakokolak-ka.”

YEREMIA 4:7

Sama leo singa, ana kalua neme mamana keke'ken-na mai, leondiak boe, leoina fo manatao nakalulutuk-ka, ana la'o so ana mai, fo ana sanga tao namopo-namate Yehuda. Kota-kota manai Yehuda-la, neukose ala lakalulutuk da'di batu madodouk mamanak fo, hataholi ta leo fan.

YEREMIA 44:22

Manetualainta nakatataak so'on Ana mete emi tunu-hotu tutunu-hohotukneu lamatua daebafak fe'ek-kala. Emi tatao-nono'im ndia mangalauk-ka ma sosoa-ndandaan ta. Emi masala-masingo basa neu Manetualain so, ma ta nau tunga neu paletan-nala fa. Hundia de besak ia emi nusa namom nakalulutuk so, de nalosa tapu leon fa, ma na'den-na nanapakek da'di leo soo-supak. Hataholi fo litan lame'da langgenggengo ao.”

YEREMIA 5:6

Hu ndia de, neukose singa neme nula dale mai, fo taonisas, ma busa fuik-ka neme moo solokaek-ka mai, fo sii-sii lulu'is. Neukose meoasu-la lapanggela, fo ala sanga nana'an-na, nai deka no sila kotan-nala, fo ba'eneu hataholi see, fo ana kalua soona, neukose ala kaa-nan. Basa sila-la ala da'di, nanahu ala tao sala-singok makadotok so, ma lasadea Manetualain la'inono'ik.

YEREMIA 50:17

Manetualain nafa'da nae, “Hataholi Israel-la sama leo bi'i lopo nanausik-kala ma nanabibinga-baba'ek neme meoasu-a mai. Makahulun-na manek Asyur de sapu-na sila, boema Nebukadnezar manek Babel-la napangge na sila duin-nala.

YEREMIA 51:38

Hataholi Babel-la langao sama leo meo asu-a.

YEREMIA 6:8

Hei laun Yerusalem-mala lemin, tunga ndoon-na, basa toto'a-tataak sila-la, ala da'di nasanene'dak esa neu o! Boso nalosak Au la'oela emi, ma Au tao asafali emi kotam-ma, da'di moo solokaek, fo hataholi ta leo fan.”

YEREMIA 9:10

Au, fo Yeremia afa'da ae, “Au sanga kii ma teisusa dale he'dik, nanahu moo mana'uk manai moo solokaek-ka, ma manai letek-kala, lamatuu-tongo so, de hataholi ta tunga ndia fa Ta tamanene bana-manu halan-nala so'on, manupui ma bana-manu fe'e-fe'ek-kala lalai, de mopok-kasa so.”

YEREMIA 9:11

Manetualain nafa'da nae, “Neukose Au tao Yerusalem da'di ai-batu madodouk, fo ana da'di, busa fuik-kala mamana keke'ken. Kota-kota Yehuda-la, neukose ala da'di nee-nee lino-linok, mamanak fo, hataholi ta leon so'on.”

YESKIAL 5:14

Neukose, o da'di ai-batu manatapasasalak, ma leoina manai o boboa-kaisum-mala, neukose ala hakinonoli o; neukose basa hataholi manala'ok tunga ndia, ladook aoinan-nala neme o mai.

HOSEA 11:10

Manetualain nafa'da nae, “Metema, Au angao sama leo singa soona, neukose Au anang-ngala tunga Au, fo Au tao-a musu noon-na, dele ngge'be-ngge'be. Neukose no lai-laik, Au anang-ngala mai leme muli mai, fo ala sene-do'ok neu Au.

HOSEA 5:14

Sama leo meoasu-a sapu-nalas, leondiak boe, neukose Au sapu-a hataholi Israel-la, ma hataholi Yehuda-la. Au nde, neukose sisii-lulu'is, boema Au la'oelas. Metema Au lele'a-lolosos la'o soona, ta hapu hataholi esa boen, bisa soi-po'i fas.

AMOS 3:12

Sama leo manafoo esa, ana hapu falik bi'ilopon fo singa kaa-nan ndia, ein 2 do di'idoon seli, leondiak boe laun Samaria-la, ela ka'da lumaanak mesan, fo besak ia langape'uk mala'da-mala'da nai pepe'u mangana'uk lain.”

AMOS 3:4

Metema singa beita hapu nana'an-na fa soona, nangao nai nula dale do ta? Metema singa ana beita ho'un-na hata esa boen soona, nangao nai bolon dale do ta?

AMOS 3:8

Metema singa nangao soona, see kande ta bii fa? Metema Manetualain Fo Mademaina, kokolak soona, see kande bisa denge-denge fo ta tui-benga hala hehelun-na fa?

NAHUM 2:11

Besak ia, kota ndia nai bee? Kota fo sama leo leak-ka, fo singa mamana leleon-na. Mamanak fo ala fe singa ana-la la'a, mamanak fo singa mane no singa ina lahiik-kana, mamana neulauk ba'eneu anan-nala?

ZEFANYA 1:18

Nai fai bibii-namata'u matuaina ndia, neukose Manetualain natu'du nasa-melun, soona ala ta hapu ho'i-la la'iesak lilopila-lilofulan-nala fa. Neukose Manetualain ha'i nasa-melun hotu naputu la'iesak daebafak-ka lala'en-na. No kaiboboianak, neukose Ana ho'i-na basa mahahaek manai daebafak ia lala'en-na.

ZEFANYA 2:5

Emi nanasoo-supak, hai hataholi Filistin fo leoina manaleo ndolo-ndolo tasi su'un-na. Manetualain naketu basa huhukuk ba'eneu emi so. Neukose Ana tao namopo-namate emi, fo ta hapu emi esa boen, naladeak fa.

ZEFANYA 3:6

Manetualain nafa'da nae, “Au tao amopo leoina makadotok so. Au tao akalulutuk kotan-nala, ma papala nanadaman-nala, boema Au tao akalulutuk uma puni mademan-nala, de besenggela-besenggali. Kotan-nala da'di kota nees, de hataholi ta leo nai ndia so'on, boema nee-nee lino-lino.

ZAKHARIA 11:3

Mamanene manakoasa-la kii-makaleleun leona, sila ua-nale malolen-nala mopok-kasa so! Mamanene singa-singa manai nula-la, langao; nana, nalutu sila mamana leleon fo ndolo-ndolo Lee Yarden-na su'un-na so.

HAKIM-HAKIM 14:5

Boema, Simson no ina-aman leu sama-sama leo Timna leu. Lelek ala la'ok la'di osi angol esa boema, Simson natongo no singa molisoluk esa. Singa ndia nangao,