YEREMIA 2:13 - Susula Malalaok Hehelu Palak Ma Hehelu Beuk

¹³ Au anang-ngala tao sala-singok matak dua: ala la'o ela Au, fo oemata maso'dak-ka, de ala kali aon sila lifun-na, fo nde lifu fo, sama leo ule ba'ek-ka, fo oe ta nate'e nai dalek fa.”

YEREMIA 2:13 ပူးပေါင်းရင်းမြစ်များ

2RAJA-RAJA 22:17

Ala lasadea Au so, de ala tunu-hotu tutunu-hohotuk fe lamatua daebafak fe'ek-kala. Basa hata fo sila tao-no'ik-ka, ana tao nafo'a Au nasa-melung. Au amanasa Yerusalem, de Au nasa-melung ndia, ta bisa tenak fa.

MAZMUR 36:9

Ala la'a lakabete nana'ak fo, manasasi kao-kaok-ka, nai O Umam, O fes linu neme O leem fo, oen-na neni ao mapenak.

PENGKHOTBAH 1:14

Au ita basa hataholi manai daebafak ia lala'en-na, tatao-nono'in so. Mamahele leona, te basa sila-la manada'di taak, sama leo sanga enok fo usi anin-na.

PENGKHOTBAH 1:2

Manadudu'a-dodook-ka nafa'da nae, Basa-basan lala'en-na manada'di tak, ma sosoa-ndandaan ta. So'dak ndia palsuma, ma basa-basan sosoa-ndandaan ta.

PENGKHOTBAH 12:8

Au afa'da ae, memak basa sila-la manada'di tak, basa-basan palsuma, ma sosoa-ndandaan taa.

PENGKHOTBAH 2:11

Tehu basa boema, au palisak matalolole au ue-le'ding, ma au sosota-mamangung lala'en-na, fo au tao akababasak ue-le'dis sila-la boema, au ame'da itan, basa sila-la sosoa-ndandaan ta. Au sasanga enong ndia, manada'di taak sama leo ka'da usi anin mesak-kana.

PENGKHOTBAH 2:21

Nana hataholi daebafak-ka naue-nale'di losa pusen-na titi no ana pake basa manatee-tenon, malelan lala'en-na, fo ana hapu hata esa. Tehu neu mate'en-na te, neukose ana muse la'oela basa sosota-mamangaun buna-boan lala'en-na neu hataholi fo pusen-na ta titi makandondook soaneu ana hapu basa sila la. Da'di, ndia boeo manada'di taak, bai te tete'ek-ka ta ndoos ma matetuk fa!

PENGKHOTBAH 2:26

Manetualain fe manatee-tenok, malelak ma tetu-temak neu hataholi fo tao namahoko dalen-na. Tehu nadenu hataholi masala-masingok-ka naue-nale'di fo sanga nana'a-naninun ma ana pe'da buna-boan fo ana fen neu hataholi fo tao namahoko Manetualain dalen-na. Da'di, basa sila-la manada'di taak, sama leo sanga enok fo usi anin-na.

PENGKHOTBAH 4:4

Au boeo bubuluk ae hataholi daebafak-ka naue-nale'di no puse titik, ka'da hu kande nape'da dalek nai lelek nita uma titia-tatain ue-le'din buna-boan. Basa sila-la manada'di tak, sama leo sanga enok fo usi anin-na.

YESAYA 1:3

Sapi nalelak lamatuan-na, keledei nalelak mamana nana'an fo lamatuan-na sadiak-ka. Tehu Au anang Israel, ta; ta lalelak-kana fa.”

YESAYA 1:4

Soe ba'eneu emi, leoina fo masala-masingok-kala, hataholi fo dale aafi tak-kala, ma manatao tatao-nono'i mangalauk-kala lemin! Emi kosik de emi tu'da, hu kande emi sala-singom-mala. Emi tipa heni Manetualain so, ma emi masadea Manetualain fo Malalao-malalafuk nanseli, fo emi muse sene-do'ok-ka.

YESAYA 12:3

Sama leo oe makasufuk-ka, ana tao namahoko hataholi manamaa ma'dak-ka, neukose emi mamahoko-setelee leondiak, nanahu Manetualain soi-tefan.”

YESAYA 5:13

Hu ndia de, Au anang fo, ala ta bubuluk hata-hata fa, neukose ala foo lenis da'di leo hataholi nanafook. Basa mauli-malangan ma laun-na, neukose mates loo la'a-ndoes-sa, ma maa ma'dak-ka.

YESAYA 55:2

Sosoak hata, asa hata esa, fo ta tao namahoko emi dalem-ma, ma maue-male'di soaneu hata fo, ta nandaa emi dalem-ma fa? Tunga Au paletang-nga, soona neukose emi mi'a hata fo malole, ma mi'a nana'a mala'da.

YESAYA 63:8

Manetualain nafa'da nae, “Te'e-te'e, sila nde been-na, Au anang, anak fo, ala ta tao-la Au daleng-nga ba'ihana fa.” Boema, Ana da'di sila Manasoi-manatefan,

YEREMIA 1:16

Neukose Au huku Au anang-ngala, nanahu lasala-lasingo, ma lasadea Au. Ala fe basa tutunu-hohotuk neu lamatua daebafa fe'ek-kala, ma ala dokik dodoki-dudulak, fo ala sene-do'ok neun.

YEREMIA 14:3

Hataholi kamasu'ik-ka nadenu basa malalau-maoonon-nala sanga nai basa mamanak lala'en-na; de leu leo basa oedolu lala'en-na, tehu oen-nala basa so. Ketel-la louk fo lenik-kala ala leni falik-kana. Ala mae de ala potiketu mata-panan-nala nana dalen-nala ba'ihanak-ka ma ketu dudu'an-nala.

YEREMIA 15:6

Emi tipa dede'a ma la'o ela Au, hu ndia de Au so'uk Au limang-nga soanu tao akalulutuk emi, nanahu Au pela-malua akatatakak doak Au nasa-melung-nga.

YEREMIA 17:13

Manetualain, O nde been-na Israel namahehenan-na, fo O anam-mala; fo basa manala'o ela O, neukose ala da'di manamaek. Neukose sila mopok-kasa neme daebafak ia mai de leu leo hataholi manamatek-kala daebafan-na neu. Nana, O nde been-na oe mata maso'dak, fo sila la'o elak-ka, Ou Manetualain.

YEREMIA 18:14

Salju beita mopon la'iesa boen neme letek Libanon-na mai fa. Oe neuk fo manafaak maneme letek-kala mai-a beita ma'dan la'iesa boen.

YEREMIA 19:4

Au tao dede'ak ndia nana loina ia la'o ela Au so. Ala tao langgenggengo mamanak ia nenik ala fe tutunu-hohotuk lo lamatua daebafak fe'ek-kala ba'eneu sila, ba'eneu sila bei ba'i-kain-nala, ma ba'eneu manek-manek manai Yehuda. Sila boeo ala tao hataholi sala taak-kala daan-na nai mamanak ia boe.

YEREMIA 2:11

Beita hapu leoina esa, ana tuka heni lamatuan-na, leomae lamatuak ndia, Manetualain ta nde ndia fa. Tehu, Au anang-ngala tuka heni Au, fo sila mandela-masa'an-na, nenik hata esa fo, sosoa-ndandaan ta.

YEREMIA 2:17

O nde tataom basa manda'dik manala'e o aoinam-ma, nanahu nai lelek Au hela-nole o nai leleo-lala'ok-ka dalek, o masadea Au, fo Amam Manetualaim-ma.

YEREMIA 2:26

Manetualain nafa'da nae, “Sama leo nakodaa name'da mamaek, nai lelek ho'u-lan, leondiak boe, emi basa-basam-mala neukose mame'da mamaek, hai hataholi Israel-la, emi manem-mala, emi manaho'u paletam-mala, emi imam-mala ma emi nabim-mala lemin!

YEREMIA 4:22

Manetualain nafa'da nae, “Au anang sila-la, dudu'a-aafi taak-ka, ala ta lalelak Au fa. Sila sama leo ni'iana nggoa-panganaa mesan dudu'a-aafi manadain ta faaanak boen; malelainan-nai mangalauk-ka dalek, manada'di tak, nai tatao-nono'i malole dalek.”

YEREMIA 5:26

Hai Au anang-ngala lemin, hapu hataholi mangalauk, nai emi dalek. Sama leo hataholi-a nanea hihi'ik fo nanalonak, soaneu nala manupui, leondiak boe, sila lona hihi'ik, fo nala hataholi daebafak-ka.

YEREMIA 5:31

nabi-la, lasapepeko-lasandandali, imam-mala, lalalau-laoono tunga sila dale hihii mesan-na, ma emi, fo Au anang-ngala, hii dede'ak ndia. Tehu metema, fai mate'ek-ka ana losa soona, neukose emi tao hata?”

YESKIAL 14:5

Basa sosongo-tatangok sila-la, ala tao-la Au anang-ngala, dook-ka leme Au mai, tehu sa'di leo been-na, no Au natataang ndia de, Au anang-ngala fali ma'is leo Au mai.’

YESKIAL 47:1

Touk ndia, no falik au leo lelesu masok leo, Manetualain Uman neu. Au ita oe-a, ana faa neme lelesu ndia dae mai, de ana faa leo dulu neu, sama leo Manetualain Uman-na boeo, nasale leo dulu neu boe. Oe ndia, ana faa neme Manetualain Uman-na, lelesu doon manai boboan kona mai, de ana tunga mei tunu-hotuk-ka, su'udoon kona.

MIKHA 2:8

Manetualain nataa nae, “Emi sama leo musu-a, de emi nde sapu-ma, Au anang-ngala. Hataholi-a fali ma'in neme natee-natatik dale mai no namahehenak, neukose ana hapu nee-nee lino-linok nai uman, te se'kona nakalenak emi mahani memak nai naa, fo loso-ma uman-na.

MIKHA 6:3

Manetualain nafa'da nae, “Hai Au anang-ngala lemin, Au tao basa beek la'eneu emi so? Nai dede'a beek-ka dalek nde Au tao susa emi? Mataa Au leona!

ZAKHARIA 13:1

Manetualain Fo Manakoasa, nafa'da nae, “Nai faik ndia, neukose oemata esa ana faa, fo ana tao nalalao-nalalau Dauk tititi-nonosin ma laun Yerusalem-mala, leme sala-singok ma sosongo-tatangok fo ala taok-ka.

YOHANIS 4:10

Tehu Yesus naen nae, “Leo uni ka o bubuluk Manetualain baba'e-babatin, boema o bubuluk see nde mananoke o oe ia soona, tao leo bee o, o nde moke masafali hataholi ndia oe, soona neukose Ana fe o oe maso'da ka.”

YOHANIS 4:11

Boema inak ndia nae, “Tuan hai dodolun ta, nate ka oe dolu ia dema na seli, na Tuan hapu oe maso'dak ndia neme bee mai?

YOHANIS 4:14

tehu metema see ninu oe fo Au fe ka soona, neukose ana ta maa ma'da so'on, losa dodoo na. Nanahu Au fe oe ndia, neukose ana da'di oe mata nai aon dale, fo ana faa leo deak mai. Oe ndia nde nini so'da matetu ka, ma manaketu basa ta ka.”

YOHANIS 7:37

Losa feta ndia fai mate'e na fo faik ndia, fai masosoak, boema Yesus neu napadeik neu Manetualain Uman dale de nalo napane'e nae, “Hei hataholi mana maa ma'da kala lemin, ela leo bee na emi mai leo Au mai, fo minu leona.

ULANGAN 31:16

Manetualain nafa'da Musa nae, “O mamatem-ma deka so. Mate o soona, leoina Israel-la, ta lilineka neu Au so'on, ma lafandeleheni hehelu-balataak fo, Au taon no sila. Neukose, ala la'oela au, fo ala sene-do'ok neu lamatua daebafak manai nusak fo, ta dook-ka so'on te, emi masok mala dalek ndia.

2 PETRUS 2:17

Mese pepekok sila la, sama leo oe mata ma'da ka, ma sama leo kode ndenuk fo ani-sangu fuus ala. Manetualain sadia basa sila mamana na nai mamanak esa, makahatuk nanseli.

NINITAK 21:6

Boema Ana kokolak nae, “Basa so! Au nde Alfa ma Omega, fo makassososak ma mate'ek. Au nde Lamatuak neme Makasososak ma Makabuik. Basa hataholi mana maa ma'da kala, neukose Au fes linu hiik neme oe mata fo manafe maso'da ka.

NINITAK 22:1

Ata nusa so'dak ndia boeo natu'du au lee fo oe na ana fe maso'dak. Lee ndia mangadilak sama leo titino ka, ma ana faa neme Manetualain ma Bi'ilopo Ana ndia kandela mane na mai,

NINITAK 22:17

Manetualain Dula Dale na ma Penganten Ina ka lafa'da lae, “Mai leona!” Basa hataholi fo lamanene dede'ak ia boeo, muse lafa'da lae, “Mai leona!” See fo ana maa ma'da soona, ela leo bee na ana mai! Ma see fo nahii kana soona, ela leo bee na ana ho'i oe fo manafe maso'dak ndia no ta bae fa.

HAKIM-HAKIM 10:13

Leomae leondiak boe, lena-lenak emi boeo bei heok masadea Au, boema emi meu sene-do'ok lamatua daebafak-kala. Besak ia, Au ta nau soi-po'i emi so'on.

SEMUEL SUSULAK-KA ESAN-NA 12:10

Basa boema, ala hule-haladoi neu Manetualain ma ala manaku sila sala-singon-nala; lafa'da lae, ‘Ami masala-masingo basa so, nanahu ami lepos masadea O, ou Manetualain, ma ami sene-do'ok neu Lamatua daebafak Baal ma Asytoret, dodoki-dudulan-nala. Tehu besak ia, soi-tefa-mala ami neme ami musum-ma mai, soona neukose ami sene-do'ok neu O!’