YEREMIA 2:10 - Susula Malalaok Hehelu Palak Ma Hehelu Beuk

¹⁰ La'ok ndolo-ndolo leo Siprus solokae su'un manai boboan muli, haitua hataholi leo dulu neu, fo leo nusa Kedar-ra neu, palisak matalolole nai naa, ade dede'ak matak esa, ana da'di hai nai naa so do beik?

YEREMIA 2:10 ပူးပေါင်းရင်းမြစ်များ

KEJADIAN 25:13

Ismael anan sanahulu dua, fo nanakokolak nai ia, tunga fai bobongin-nala, fo nde: Nebayot, Kedar, Adbeel, Mibsam, Misyma, Duma, Masa, Hadad, Tema, Yetur, Nafis ma Kedma. Anak sila-la da'di leoinak-ka sanahulu duak-kala ama kain-na, de loke sila desan-na, ma uma ofun-na tunga anak sila na'den-nala.

1RAJA-RAJA 9:9

Boema neukose hataholi nataa nae, ‘Nanahu ala la'oela Amak, fo sila Manetualain fo no sila bei-ba'i kai nala kalua leme Masir mai. Ala sene-do'ok neu lamatua daebafa fe'e kala. Hu ndia de, Manetualain fe soe ia tuni nalas.’ ”

1 TAWARIKH 1:7

Yawan tititi-nonosin nde: hataholi Elisa, Spanyol, Siprus ma Rodes.

1 TAWARIKH 23:1

Lelek fo Dauk namalasin-nanseli boema, ana so'u Salomo da'di manek Israel.

1 TAWARIKH 23:12

Kehat anatoun haa, fo nde: Amram, Yizhar, Hebron ma Uziel.

MAZMUR 120:5

Soe ba'eneu au, nanahu au muse aso'da sama-sama o, o; sama-na leo, au leo nai Mesekh, do nai hataholi Kedar-ra tala'da.

YESAYA 21:16

Boema Manetualain nafa'da au nae, “Nai teuk esa seluk soona, leo Kedar-rala ua-nale malolen-nala, neukose nate'e.

YESAYA 23:1

Hala heheluk la'eneu Tirus nde ia. Hai, Spanyol hataholi tasin-nala fo manai tasi maloaina lain-nala lemin, kii-makaleleu leona! Lelek emi fali meme Siprus mai-a, hataholi nafa'da emi nae kota Tirus-sa, nakalulutuk so. O ofa see-seem-ma, ma o umam-mala da'di ai-batu madodouk so.

YESAYA 23:12

Manetualain nafa'da nae, “Hai kota Sion-na nei, neukose o ta mamahoko-setelee so'on. O laum-mala, nanatuni-ndenik. Leomae lalai leo Siprus leu boe, ala ta hapu nee-nee mino-linok fa.” (

YEREMIA 49:28

Manetualain nafa'da nae leo ia neu laun Kedar ma Hazor dae koasan-na, fo nanaho'inak neme Nebukadnezar manek Babel, “Hei Nebukadnezar, la'ban laun Kedar ma tao momopo-mamate hataholi manai ndulu-la!

YESKIAL 16:16

O ho'i-ma, o bua papakem nggelok fo, o balias neu o mamana sosongo-tatangom-mala. O da'di ina manasosoa-piaok, ma o mase'o o aopaam-ma, neu touk lala'en-na.

YESKIAL 27:21

Hataholi Arab ma manakoasa dae Kedar-ra, ala asa o bua dangam-mala nenik bi'ilopo ana, bi'ilopo mane ma bi'ihiik.

YESKIAL 27:6

O sefem-mala nanataok neme, ai matuaina manai Basan-nala mai. O ofam-ma uma anan-na, nanataok neme ai kaiou mai, o da'di meme pulu Sipru-sa mai, o nanabalias nenik ngga'di dui kabelik.

YESKIAL 5:7

Manetualain Fo Mademaina, nafa'da nae, “Hai, Yerusalem, mamanene leona! Te o ta tunga Au paletang-ngala ma Au hoholo-lalaneng fa; o malenalanga-masabasoom-ma, lenaheni leoina manai o boboa-kaisum-ma, de o tunga leoina sila-la ha'dan-na.

DANIAL 11:18

Basa ndia boema, neukose neu sapu-na leoina manai tasi su'uk-kala, de ana sengi ba'uk-ka. Tehu mauli-malanga nusa fe'ek esa, neukose ana tao nakamate nakamumulu-nakamamaek fo ana taon ndia, nakalenak neukose ana balas-sana nenik nakamumulu-nakamamaek ndia seluk.

DANIAL 11:30

Nana neukose, hataholi Roma-la loo ofan-nala, ala mai leme Siprus mai, fo latee-lata'ti lon, nalosa ana bii nanseli. Boema neukose ana fali no nasak nanseli, de ana sanga enok fo tao nakalulutuk Manetualain anan-nala agaman-na. Neukose ana tunga hataholi manafali deak leme agama ndia mai, nanoli-nafa'dan.

BILANGAN 24:24

Tehu neukose ofak bubuak esa, ala mai leme Siprus mai, fo neukose ala lasengi Asyur ma Heber, basa soona, ofu bubuak ndia neukose mopo-mates boe.”

1 KORINTUS 5:1

Tunga ndo na, au sipo basa halak lae, nai emi dalek sosoa-piao ka su'diselin, de nalosa emi nggelok hohonge seluk inapala na. Hataholi fo ta nalelak Lamatua ka fa boeo, ana ta tao leondiak fa!

HAKIM-HAKIM 19:30

Basa hataholi mananita manada'dik ndia, lafa'da lae, “Manada'dik matak leo iak-ka, beita da'di nita fa, mulai neme hataholi Israel-la kalua leme Masir mai, losa besak ia. Ita ta bole denge-denge fa. Ita muse takokolaok, fo ho'i nakeketuk!”