YEREMIA 19:7 - Susula Malalaok Hehelu Palak Ma Hehelu Beuk

⁷ Neukose Au tao-a hataholi Yehuda-la ma Yerusalem laun-nala buna-boa taak-kala nai mamanak ia. Neukose Au po'ilotak sila nana tao nakalak neme sila musum-mala mai, ma nana tao nisak nai natee-natatik-ka dalek. Neukose Au po'ilotak manupui-la ma bana makaa-makisu-la la'a sila popolan.

YEREMIA 19:7 ပူးပေါင်းရင်းမြစ်များ

2RAJA-RAJA 21:14

Neukose, Au po'ilotak laun fo bei ela kala, da'di musun-nala nana'an-na, fo neukose, musu-a namanako ma kalo nusan-na.

AMSAL 21:30

Ta hapu malelak, dodole maneu ma manatee-tenok fo, bisa nakatatakak nai Manetualain matan fa.

YESAYA 29:14

Hu ndia de, neukose Au tao anggengek-kasa, nenik fefepak fo hahaek ta. Hataholi fo manatee-tenok-ka, neukose ana da'di nggoak, ma basa sila malelan-nala, neukose sosoa-ndandaan ta.”

YESAYA 8:10

Tutu'u enok leona, tehu basa-basan neukose manada'di tak. Ho'i nakeketuk leona, tehu sosoa-ndandaan ta, nana Manetualain no ami.

YEREMIA 15:2

Metema ala latane neu o lae, sila muse leu leo bee leu, soona matas mae leoia, ‘Manetualain nafa'da nae, fo nananaketu basak soaneu maten nanahunamahe'di soona nemena fo maten nanahu he'di-laus. Fo nananaketu basak soaneu mate nai netee-natatik-ka dalek soona, nemena fo maten nai natee-natatik dalek. Fo nananaketu basak soaneu maten nanahu la'a-ndoes-sa soona, nemena fo maten nai la'a-ndoes-sa dalek! Fo nananaketu basak soaneu nanafook, nemena fo nanafua nenik da'di leo nanafook-ka!’

YEREMIA 15:9

Ina bongik fo mopo ana kahitun-nala ana sapala'o nanahu haha'ena nakase'e. Nai fai maso'dan-na dalek ana da'di nanamama'uk, ma ana name'da nananakadadaek ma nananakamumulu-nakamamaek. Au adenu emi musum-mala tao lisa bei mamamaso'dak fo nai emi tala'da. Au, Manetualain, nde manakokolak.”

YEREMIA 16:4

Neukose sila mates nana he'di-laus fo maneni mamates la'es ma neukose sila mates nai natee-natatik-ka dalek, do mates nanahu la'a-ndoes-sa. Neukose ta hapu hataholi esa boen kii namatanis do natotoi-natotonok fas. Neukose sila popolan-nala tongganggali samaleo pupuk-ka nai dae-a, ma manupui-la no bana makisu-makak-kala la'as.

YEREMIA 18:21

Tehu besak ia, Manetualain, nemen-na fo sila anan-nala mates no la'as-sa, do mates nai natee-natatik-ka dalek. Nemen-na fo sila inan-nala mopo saotoun-nala ma anan-nala; nemen-na fo to-mane-la mates nanahu he'di-laus neninin-na ma hataholi muli soluk-kala mates nai natee-natatik-ka dalek.

YEREMIA 21:7

O mo basa o mana'anggadi-la ma basa hataholi-hataholi fo lala deak neme natee-natatik-ka, la'a-ndoes-sa, ma he'di-laus matuaina, basa basas neukose au po'ilotak-kasa nanaho'u-nak neme manek Nebukadnezar-ra ma neme musu mok fo ala nau tao lisa emi-a. Neukose Nebukadnezar tao nisa emi basa no ta pake do'o do ampong fa, ma ta pake susue-lalaik fa. Au, Manetualain, nde manakokolak.”

YEREMIA 22:19

Neukose Yoyakim nana lele'a-lolosok ma nana pia henik leo Yerusalem lelesu inan deak neu, sama na leo hataholi lele'a-lolosok keledei mates.”

YEREMIA 22:25

fo Au fen neu hataholi-hataholi fo o bii-mamata'uk-ka, ma fo manahii tao nisa o-a. Neukose Au fe o leu Nebukadnezar fo manek Babel-la no ana boan-nala.

YEREMIA 32:28

Kota ia neukose Au po'ilotak-kana nanakoasak neme Nebukadnezar fo manek Babel-la no basa soloda'dun-nala lala'en-na. Neukose ala latona-na kota ia,

YEREMIA 34:20

Neukose Au fe emi lo musu-a fo lahik tao lisa emi-a. Neukose manupui-la ma bana makisu-makak-kala la'a emi popolam-mala.

YEREMIA 46:26

neukose Au fen neu Nebukadnezar fo manek Babel-la no basa soloda'dun-nala fo mana nau tao nisas-sala. Tehu neu makabuin-na te, neukose Masir nanaleo nasafalik sama leo makahulun-na. Au Manetualain nde manakokolak-ka.”

YEREMIA 7:33

Sila popolan-nala, neukose ala da'di manupui-la, ma bana makaak-kala nana'an, fo ta hapu hataholi usi heni fas.

YEREMIA 8:2

ta soaneu latoi-latono seluk-kasa fa, te nanapo'ilotak nai dae lain, fo da'di kadafuk. Hataholi sila-la duin-nala, besenggela-besenggali lai le'do bulak, ma bana-manu fo ala taos da'di lamatua daebafak, fo ala sue-lais, lalalau-laoonos, ala sene-do'ok neus ma loke natutu'duk-ka, matan-na.

YEREMIA 8:8

Emi mapalani la'iesak-kana mafa'da mae emi manatee-tenok, ma bubuluk Au hoholo-lalaneng! So'ba mete su'dik, tao leo beek, fo emi hataholi malelainam-mala nai agama dalek, tehu manatao peko-pakik-kala, ala nggati heni Au hoholo-lalaneng sila-la!

YEREMIA 8:9

Basa hataholi manatee-tenok, fo manai emi tala'da heom-mala, neukose nananakamamaek. Neukose mopo manatee-tenon-nala, fo lala hihi'ik dale. Ala ta nau sipo Au nanoli-nafa'dang fa; besak ia, sila bei lanuu manatee-tenok beek-ka bai?

RATAPAN 3:37

Metema Manetualain nape'da dale nasak hata esa fa soona, tao leo bee-o, hataholi daebafak-ka ta hapu tao hata-hata soaneu dede'ak ndia fa.

IMAMAT 26:17

Neukose, Au huku emi, nalosa emi musu-mala sengi emi, ma hataholi fo ta lahiik loo emi fa, ana koasa emi. Neukose, emi bii-mamata'u manseli, nalosa leomae hataholi ta usi emi fa te, emi malai.

IMAMAT 26:25

Neukose, Au akadada'dik natee-natatik-ka nai emi tala'da heom, fo soaneu huku emi, nanahu, emi la'olena Au hehelu-balataang no emi-a so. Ma metema, emi makabubua nai emi kotam dale, fo sanga nasulu-nahapak soona, neukose Au fe he'di-laus manalea-hai taak-ka mai, nalosa no nakasetik, emi makatele neu emi musum-ma.

ROMA 3:31

Ade dede'ak ia, ta nanuu sosoa-ndandaak nae, hu ka nde ita tamahele Kristus, boema ita tu'u-tapaheni agama Yahudi a hoholo-lalanen do? Ta leondiak fa! Nana hu no ita namahehelen ndia de, ita so'ulaik hoholo-lalanek ndia.

ROMA 4:14

Nana metema ka'da hataholi manatunga agama Yahudi hoholo-lalanen sila mesa kana neukose ana sipo hata fo Manetualain helu ka soona, namahehelek neu Manetualai na sosoa-ndandaan ta makandondook, ma Manetualain hala hehelu na boeo pepekok ndia.

SEMUEL SUSULAK-KA ESAN-NA 17:46

Faik ia boe, neukose Manetualain fe o leo au mai; neukose au sengi o, fo au te'te heni o langam-ma. Neukose au fe o aopaam-ma, ma solda'du Filistin-nala aopaan-nala, neu manupui-la ma bana-la fo la'an. Soona basa daebafak-ka lala'en-na, neukose bubuluk, lae ami leoinam Israel, manuu Manetualain, de ami sene-do'ok-kana,