YEREMIA 19:4 - Susula Malalaok Hehelu Palak Ma Hehelu Beuk

⁴ Au tao dede'ak ndia nana loina ia la'o ela Au so. Ala tao langgenggengo mamanak ia nenik ala fe tutunu-hohotuk lo lamatua daebafak fe'ek-kala ba'eneu sila, ba'eneu sila bei ba'i-kain-nala, ma ba'eneu manek-manek manai Yehuda. Sila boeo ala tao hataholi sala taak-kala daan-na nai mamanak ia boe.

YEREMIA 19:4 ပူးပေါင်းရင်းမြစ်များ

2RAJA-RAJA 21:16

Fe'ek neme ana taon-na, hataholi Yehuda-la lasala-lasingo neu Manetualain, nenik ala sene-do'ok neu sosongo-tatangok-ka, Manasye boeo, ana taonisa hataholi sala tak makadotok nanseli, nalosa nai Yerusalem, daak-ka faa su'di leo bee neu.

2RAJA-RAJA 23:10

Ana tao nanggenggeo Tofet, fo mamanak sene-do'ok neu lamatua daebafak, manai Bafak Hinom-ma. No enok ndia, ta hapu seluk hataholi, fo ana tunu-hotu anan-na, da'di leo tutunu-hohotu nanatunuk, soaneu Lamatua Daebafak Molokh-ka so'on.

2RAJA-RAJA 24:4

nakalenak, hu kande basa kanisak fo, ana taon soaneu hataholi sala taak-kala. Manetualain ta nau fe do'o do ampon neu Manasye fa, hu kande tatao-nono'in sila-la.

MAZMUR 106:38

Ala do'do heni, hataholi sala tak-ka daan-na, fo sila anan-nala daan-na, soaneu ala tunu-hotu fen neu sosongo-tatangok-kala; nalosa ala tao langgenggeo nusak ndia.

YESAYA 59:7

Emi tutu'u tatao-nono'i mangalauk nakandondoo henin, de emi mahiik taon no lai-laik. Emi ta bii-mamata'u, soaneu taomisa hataholi sala tak-ka. Emi meu su'di leo bee meu soona, emi la'oela nakalulutuk-ka, ma mamate-momopok-ka nai ndia.

YESAYA 65:11

Tehu hataholi fo, manala'oela Au-a, ma ta manataoafik neu Sion, fo Au pupuku malalao-malalafung-nga, fo manatunu-hotu nana'ak fe Gad ma Meni, fo lamatua daebafak maneni nanalak ma ua-nalek-ka, hataholi sila-la, ua-nalen ta leondiak fa.

YEREMIA 1:16

Neukose Au huku Au anang-ngala, nanahu lasala-lasingo, ma lasadea Au. Ala fe basa tutunu-hohotuk neu lamatua daebafa fe'ek-kala, ma ala dokik dodoki-dudulak, fo ala sene-do'ok neun.

YEREMIA 11:13

Hataholi Yehuda-la lamatua daebafan-nala ba'u nanseli, de'u sila kotan-nala boe. Yerusalem laun-ala lapadedeik mei tunu-hotuk de'u enok-enok manai Yerusalem kotan-nala, soaneu fe tutunu-hohotuk neu lamatua daebafak Baal-la.

YEREMIA 15:6

Emi tipa dede'a ma la'o ela Au, hu ndia de Au so'uk Au limang-nga soanu tao akalulutuk emi, nanahu Au pela-malua akatatakak doak Au nasa-melung-nga.

YEREMIA 16:11

Mafa'da meu sila mae Au afa'da leo ia, em bei ba'i mamaten-nala la'o ela Au, ‘De ala sene-do'ok ma lamahele neu lamatua daebafak fe'ek. Sila lasanggango heni Au, de ala ta nau tunga Au paletang-nga fa.

YEREMIA 17:13

Manetualain, O nde been-na Israel namahehenan-na, fo O anam-mala; fo basa manala'o ela O, neukose ala da'di manamaek. Neukose sila mopok-kasa neme daebafak ia mai de leu leo hataholi manamatek-kala daebafan-na neu. Nana, O nde been-na oe mata maso'dak, fo sila la'o elak-ka, Ou Manetualain.

YEREMIA 17:20

Manduku-malosak Au hala-hehelung-nga neu manek-kala ma basa hataholi Yehuda-la boema basa Yerusalem laun-nala lala'en-na fo manala'ok tunga lelesu sila-la.

YEREMIA 18:15

Tehu Au anang-ngala lasanggango heni Au so, de ala hotu boomenik soaneu sosongok-tatangok-ka. Ala lakatunu lai enok makahulun eli, fo sila muse tungak-ka, boema ala singo leo enok fo nanatao natetu bei taak-ka.

YEREMIA 2:13

Au anang-ngala tao sala-singok matak dua: ala la'o ela Au, fo oemata maso'dak-ka, de ala kali aon sila lifun-na, fo nde lifu fo, sama leo ule ba'ek-ka, fo oe ta nate'e nai dalek fa.”

YEREMIA 2:17

O nde tataom basa manda'dik manala'e o aoinam-ma, nanahu nai lelek Au hela-nole o nai leleo-lala'ok-ka dalek, o masadea Au, fo Amam Manetualaim-ma.

YEREMIA 2:19

O tatao-nono'i mangalau-ma, nde huku o aoinam-ma, O nanatao doidosok, nanahu o tipa Au, fo o Manetualaim-ma. Besak ia, mame'da mita makahe'duk-ka, ma he'din-na ba'un-na seli metema Au asadea o, ma Au ta fe ha'da-holomata neu o fa. Au, fo Manetualain nde manakokolak-ka; Au nde Manetualain, Fo Mademaina ma Manakoasa matuaina.”

YEREMIA 2:30

Palsuma la'iesak-kana, Au huku emi, nana emi ta nau sipo nanoli-nafa'dak fa. Emi sama leo singa kamulus-sa, de emi taomisa basa emi nabim-mala.

YEREMIA 2:34

Ami papake-ngganggaom nanggenggeo, hu kande hataholi nuu taa-hata taak-ka, ma hataholi sala taak-ka, daan-na, ta hu kande nakodaa nanaho'un-nak-ka daan-na fa. Leomae leondiak boe,

YEREMIA 22:17

Tehu o, Yoyakim, fe'ek. K'da o sanga nanalak neu o aopam-ma. O tao misa hataholi fo ta nasala-nasingo fa, ma o tuni-ndeni laun-na nenik nasa meluk.

YEREMIA 22:3

“Tao ndos ma matetuk. Po'i hataholi manake'di-ndiuk neme hataholi manake'di-ndiuk koasan-na. Boso tuni-ndeni do tao mangalauk neu hataholi manamai, do falu ina ana maak. Boso tao misa hataholi f salan ta nai mamanak ia.

YEREMIA 26:15

Tehu mafandendelek te, metema emi tao misa au soona,, emi ma kota ia laun-nala neukose lu'a-lepa sala singok neme hataholi sala taak ndia nakanisan-na mai. Nana, Manetualain nde nadenu au soaneu fe nasanene'dak ndia neu emi.”

YEREMIA 26:23

Boema ala lo falik-kana leo Mane Yoyakim-ma neu. Basa boema manek nadenus fo ala tao lisan, de popolan-na ala tapa henin nai mamana loo-latek-ka.

YEREMIA 44:3

Dede'ak ndia anan da'di nanahu laun-nala lasala-lasingo, de nalosa ala tao-la Au amanasa. Ala fe tutnu-hohotuk ma ala lakaluku-lakatele neu lamatua daebafak fo ala beita sene-do'ok lita fa, boema emi ma emi bei ba'i-kaim manamatem-mala.

YEREMIA 5:6

Hu ndia de, neukose singa neme nula dale mai, fo taonisas, ma busa fuik-ka neme moo solokaek-ka mai, fo sii-sii lulu'is. Neukose meoasu-la lapanggela, fo ala sanga nana'an-na, nai deka no sila kotan-nala, fo ba'eneu hataholi see, fo ana kalua soona, neukose ala kaa-nan. Basa sila-la ala da'di, nanahu ala tao sala-singok makadotok so, ma lasadea Manetualain la'inono'ik.

YEREMIA 7:6

Boso boe tuni-ndeni hataholi nusa dea, ni'iana kisa-anamaak ma faluina-la. Boso taomisa hataholi sala taak-ka, nai nusak ia. Boso sene-do'ok neu lamatua daebafak fe'ek-kala, nana dede'ak ndia, neukose tao namopo-namate emi.

YEREMIA 7:9

Emi mamanako, manisa, hohonge, fe sakasii pepekok, fe tutunu-hohotuk neu Baal, ma sene-do'ok neu lamatua daebafak fo, emi ta malelak-kana fa.

RATAPAN 4:13

Tehu dede'ak ndia da'di so nanahu imam-imam ma nabi-la sala-singon. Ala taolisa hataholi sala tak-ka so.

YESKIAL 20:26

Au po'ilotak-kasa, fo ala tao langgenggeo aoinan-nala nenik, sila tutunu-hohotu mesan-nala, nakalenak bai, ala tao anatou ulun-nala, da'di tutunu-hohotuk. No enok ndia de Au hukus, fo ela ala bubuluk lae Au nde, Manetualain-na.

YESKIAL 7:22

Neukose, Au mete leo fe'ek neu, metema nakodaa sila-la, ala tao lalutu Au Umang-nga, ma ala tao langgenggeon.

YESKIAL 8:11

Leoina Israel-la, mauli-malangan ka hituhulun-nala lai ndia, ma Yaazanya, fo Safan anan-na, nai dalek boe. Sila esan-na, ana ho'u mamana tutunu boomenik esa, de boomenik-ka masu-masu.

DANIAL 11:31

Boema ana haitua solda'du-la leu tao langgenggeo Manetualain Uman-na. Neukose ala lose heni tutunu-hohotu fai-faik-ka de napadedeik-na hata esa nakatata'u nanseli, fo loken lae Mangalauk fo manatao nakalulutuk.

LUKAS 11:50

Manetualain tao ndia, fo ela hataholi lelek besak ia la nanahukuk, nanahu kanisak fo nanataok neu basa nabi la, neme daebafa ka nananakadada'di kana mai,

ULANGAN 13:13

nae emi leoinam-mala, hataholi mangalaun de'ubee, ala tao-la laun manai kota, latofa-latalak nenik ala sene-do'ok neu lamatua daebafak fo emi beita malelak-kana fa

ULANGAN 13:6

Metema, emi tolanom, do emi anatoum do anainam, do emi saoina susue-lalaim-ma, do emi tia-laim-mala, no denge-dengek, ala fufu'di-oodok emi, fo sene-do'ok neu lamatua daebafak fe'ek-kala, fo emi beita malalelak-kasa, ma emi bei-ba'i kaim-mala boeo beita lalelak-kasa fa, leoina fo manaleo deka do manaleo lai dook-ka, lamatua daebafak-nala,

ULANGAN 28:20

Metema, emi tao tatao-nono'i mangalauk, ma emi ta sipok Manetualain fa soona, neukose Ana fe soe, napokak, ma toto'a-tataak-ka, nai basa hata lala'en fo, emi tao-no'ik-ka dalek, nalosa ka'da nai fai nggenggeloanak esa mesak-kana, Ana tao namate-namopo la'iesak emi.

ULANGAN 28:36

Neukose, Manetualain no emi manem-ma, leo nusa dea fo, emi ta malelak-kana fa, ma emi bei-ba'i kaim-mala boeo, ta lalelak-kana boen. Nai ndia, neukose emi da'di ata neu lamatua daebafak fo, nanataok neme ai-batu mai.

ULANGAN 28:64

Neukose, Manetualain tao tapasasala emi, leo basa leoina manai daebafak-ka lala'en-na neu. Nai naa, neukose emi sene-do'ok neu lamatua daebafak fo nanataok neme ai-batu mai, lamatua daebafak fo, emi ta malelak-kana, ma emi bei-ba'i kaim-mala boeo, ta lalelak-kana fa.

NINITAK 16:6

Hataholi daebafak mangalau kala taolisa Manetualain hataholi kamahehele nala ma nabi nala so. Besak ia O fes linu daak. Memak ndia nandaa soaneus!”

HAKIM-HAKIM 5:8

Lelek Israel mulai sene-do'ok neu lamatua daebafak-ka, natee-natatik-ka, da'di nai sila nusan-na; palani ta'ti batu lifun haahulu nai leoina dalek, ta hapu hataholi esa boen, ana so'uk tafa-sisilo fa.