YEREMIA 19:2 - Susula Malalaok Hehelu Palak Ma Hehelu Beuk

² soaneu ala la'ok lakabubua lo sila lo Bafak Hinom, fo ala tunga Lelesu Ina Beling-nga. Nai naa au muse po'a-benga hata fo nanaheluk neu au.

YEREMIA 19:2 ပူးပေါင်းရင်းမြစ်များ

2RAJA-RAJA 23:10

Ana tao nanggenggeo Tofet, fo mamanak sene-do'ok neu lamatua daebafak, manai Bafak Hinom-ma. No enok ndia, ta hapu seluk hataholi, fo ana tunu-hotu anan-na, da'di leo tutunu-hohotu nanatunuk, soaneu Lamatua Daebafak Molokh-ka so'on.

2TAWARIKH 28:3

boema ana hotu boomenik nai Bafak Hinom-ma. Nakalenak ana tunu-hotu anamanen-na da'di leo tutunu-hohotuk neu sosongo-tatangok, tunga ha'da-tatao mangalauk neme hataholi-hataholi fo Manetualain usihenis leme nusa Kanaan-na nai lelek hataholi Israel-la masok leo nusak ndia dalek leu.

2TAWARIKH 33:6

Ana tunu-hotu anan-nala da'di leo tutunu-hohotu nanatunuk nai Bafak Hinom-ma. Boeo ana da'di hataholi malelak, manasiula-tongonok, manasuangi, ma noke natutu'duk neme dula dalek-kala mai. Ana nasala-nasingo nanseli neu Manetualain nalosa ana tao nafo'a Manetualain nasa-melun.

YEREMIA 1:7

Tehu Manetualain nataa nae, “Boso mafa'da mae, o bei muli-soluk manseli. Metema, Au adenu o muu leo su'di see muu soona, o muse muu, ma Au adenu o mafa'da basa hata lala'en-na, o muse manduku-malosak-kana neus.

YEREMIA 11:6

Boema Manetualain nafa'da neu au nae, “Muu leo kota-kota manai Yehuda, ma enok-enok manai Yerusalem-ma. Mafa'da Au hala-hehelung nde ia neu hataholi-hataholi manai naa-la. Madenus fo ala taoafik ma ala lamahele au hehelu-hoholong eno-dalan.

YEREMIA 18:2

“Muu leo manatao ulek-ka uman, te neukose Au afa'da Au hala-hehelung-nga neu o nai na.”

YEREMIA 26:2

Manetualain nafa'da neu au nae, “Mu mapadeik neu Au umang-nga so'dan-na, fo kokolak mo Yehuda laun fo manamai hule-haladoi manai ndia. Manduku-malosak neu sila basa hata fo Au paletak-ka neu o-a, soaneu mafa'dan neu sila. Boso mafa'da kulang esa boen.

YEREMIA 3:12

Manetualain nadenu au u, fo afa'da dede'ak ia neu Israel nae: “Hei Israel, fo ta mana lilinekak-konei, fali ma'im-ma, leo Au mai leona! Au daleng-nga henuk no susue-lalaik, de neukose Au ta amanasa o losa dodoon-na fa.

YEREMIA 32:35

Ala tao mei tunu-hotuk soaneu Baal-la nai Bafak Hinom, ma ala tunu-hotu anan-nala neu lamatua debafak Malokh. Te sekona Au beita adenus ala tao dede'ak ndia lai esa boen, nakalenak beita da'di nai Au dudu'ang dale lai esa boen nae, neukose ala tao tatao-nono'i mangalauk ndia, de tao-la hataholi Yehuda-la lasala-lasingo.”

YUNUS 3:2

Nae, “Muu leo Niniwe, fo kota matua ndia, fo manduku-malosak neu laun-nala, hala heheluk fo Au fen neu o.”

MATEOS 10:27

Hata fo Au afa'dan neu emi ia, bei nai makahatuk dale, tehu emi muse mafa'da selu kana no mangale'dok. Boema hata fo lamakukutu kana neu emi di'idoo ma, meu po'a-benga maloloan!

HATAHOLI 20:27

Beita la'iesa fo au alai la'oela au bela-ba'ung boen, soaneu au afa'da mangalele'do emi, Manetualain dale tutu'un lala'ena fa.

HATAHOLI 5:20

“Meu mapadeik meu Amak Manetualain Uman dale, fo tui-benga neu basa hataholi la la'eneu so'da beuk ia.”

YOSUA 15:8

basa boema, ana kae tunga Bafak Hinom-ma, de neu leo pupukuk-ka boboan kona, fo nai bee, Yerusalem fo hataholi Yebus-sala kotan-na, nai ndia. Too ndia, neme ndia mai, de nasale leo pupukuk ndia poin-na neu, fo nai Bafak Hinom-ma boboan muli, nai Bafak Refaim-ma pe'dan kii,