YEREMIA 18:8 - Susula Malalaok Hehelu Palak Ma Hehelu Beuk

⁸ boema leoina ndia tuka tei-sale dale neme ndia sala-singon-nala mai soona neukose Au pe'da tataak Au dudu'ang ndia.

YEREMIA 18:8 ပူးပေါင်းရင်းမြစ်များ

2TAWARIKH 12:6

Manek-ka no basa mauli-malangan-nala manaku lae sila lasala-lasingo so. Lafa'da lae, “Hata fo Manetualain taon ndia, tunga eno ndo matetun-na.”

MAZMUR 106:45

Hu kande sila de, Manetualain nafandele-na hehelu-balataan, de Ana sue-lais, nanahu susue-lalai matuainan-na.

MAZMUR 135:14

nana, O fe ndoos ma matetuk-ka neu O anam-mala, ma O sue-lai O atam-mala.

MAZMUR 90:13

Ou Manetualain, O mamanasa losa faihi'da? Fali ma'im-ma leona, fo sue-lai O atam-mala.

KELUARAN 32:12

Metema O tao mamate-mamopos soona, neukose hataholi Masir-rala lafa'da lae O mauli-malanga leoina ndia kalua leme Masir mai, soaneu taomisas lai letelepak-kala ma tao mamate-mamopo makandondook-kasa. Boso tao leondiak, ou Manetualain, dodoo masafali o dalem-ma, fo boso tao soe leoina ndia.

KELUARAN 32:14

Boema Manetualain dodoo nasafali dalen-na, de Ana ta da'di huku leoina ndia nenik susa-soe fa.

YEREMIA 12:16

Metetma ala sipok Au anang-ngala so'da salanin-nala no dale katematu, ma ala nau soo-supa no lafa'da lae, ‘Manetualain fo so'dak-ka,’ – samaleo makahulun-na ala lanoli Au anang-ngala soo-supak neu Baal-la – soona neukose sila da'di Au anang ma so'dan-nala latetu.

YEREMIA 15:6

Emi tipa dede'a ma la'o ela Au, hu ndia de Au so'uk Au limang-nga soanu tao akalulutuk emi, nanahu Au pela-malua akatatakak doak Au nasa-melung-nga.

YEREMIA 26:13

Hu ndia de tao mahii emi so'dam-ma heheo-hihilu ma emi tatao-nono'im; nanda no tunga emi Amam Manetualaim-ma, fo ela Ana pe'da tatak dudu'an-na soaneu tao namopo-namate emi.

YEREMIA 26:19

Tehu manek Hizkia ma hataholi Yehuda-la ta tao lisa Mikha fa. Nakalenak seluk bai, Hizkia bi neu Manetualain ma noke Manetualain sue lain. Tutika Manetualain helafalik nasa melun fo manatao namate-namopos-sala. Ma besak ia isabaina ita ia teni susa soe matuaina neu ita aoinan.”

YEREMIA 26:3

Fafa'kama leoina ndia nau namanene boema ala hahae tao mangalauk soona, Au pe'da tatak Au dudu'ang-nga soaneu akatoto'a-akatatak sila nanda no sila tatao-nono'in fo mangalauk-ka.”

YEREMIA 36:3

Fafa'kama hataholi Yehuda-la neukose ala tao hahae mangalauk, metema ala lamanene la'eneu basa susa-soe fo neukose Au tuni-ndeni neu sila. Soona neukose Au fe do'o do ampong neu sila salan-nala, ma mangalaun-nala.”

YEREMIA 42:10

‘Metema emi nau leo mahele nai nusak ia soona, neukose Au so'uk emi, te Au ta tao atu'da emifa; neukose Au tao akatetetuk emi, te Au ta tao atu'u emi fa. Au daleng-nga he'dis-sa nanahu, Au tao basa susa-soe neu emi so.

YESKIAL 18:21

Metema, hataholi mangalauk esa, ana ta tao sala-singok so'on, fo ana mulai tunga Au hoholo-lalaneng, boema ana tao tatao-nono'i malole ma tatao-nono'i ndoos soona, neukose ta mate fan.

YESKIAL 33:11

Mafa'das mae no Au, Manetualain fo maso'dak-ka na'den-na, Au ta amahoko fa, metema mate hataholi masala-masingok esa; nasafalin-na, Au hii ana tukatei-saledale neme sala-singon-nala mai, fo ela naso'da nahele. Hai leoina Israel-la lemin, hahae tao tatao-nono'i mangalauk-ka leona! Tao le'e de, emi nau mate?

YESKIAL 33:12

Nah, hai hataholi daebafak fo, manasapu-manalalok-konei, mafa'da hataholi Israel-la, mae metema hataholi malole-a, ana tao sala-singok, soona makahulun-na, ana tao tatao-nono'i malole-la, ta bisa tulu-fali fan. Metema hataholi masala-masingok esa, ana hahae tao sala-singok soona, neukose ana ta hapu huhukuk fa, ma metema hataholi malole-a, ana tao sala-singok soona, neukose ana ta hapu so'dak fa.

YESKIAL 33:13

Bole da'di, Au aheluk basa, Au sanga fe hataholi malole-a naso'da, tehu metema ana mulai tao sala-singok, nana namahena neukose ana hapu so'dak, nanahu makahulun-na, ana tao tatao-nono'i malole soona, ana dudu'a sala ndia. Au ta afandele ndia tatao-nono'i malole makahulun sila-la fa, de neukose maten, nanahu sala-singon-nala

YESKIAL 33:14

Bole da'di, Au fe basa hataholi masala-masingok-ka nasanene'dak, ae neukose maten. Tehu metema, ana hahae tao sala-singok, fo ana mulai tao tatao-nono'i malole ma ndoos sama leo, ana fe falik hataholi bua nggangga'den-na, do namanako-na bua-lo'as-sala, boema ana tunga hoholo-lalanek fo maneni maso'dak-ka, soona neukose ta mate fan.

HOSEA 11:8

Manetualain nafa'da nae, “Hai Israel, hapu nai bee, Au po'ilotak do Au la'oela o. Hapu nai bee, Au tao akalulutuk o, sama leo Adma do? Do Au tao o, sama leo Zeboim do? Au daleng-nga ta losa soaneu tao dede'ak ndia fa, nanahu Au susue-lalaing ba'un-na seli ba'eneu o!

AMOS 5:15

Makamuu-makadau mangalauk-ka, ma sue-lai malole-a, ma tao matetu eno ndos ma matetuk-ka. Fafa'ka ma Manetualain neukose Ana sue-lai bei ela leoina Israel-la hataholin-nala.

YUNUS 4:2

Boema, ana hule-haladoi nae, “Ou Manetualain, ade makahulun-na au beita la'o eme au umang mai fa, au afa'da basa ae, tao leo bee o, neukose O tao leoiak hetu? Hu ndia de, au alai tutik leo Spanyol u! Au bubuluk basa, O Manetualain fo manasue ma manalai, ta haelai mamanasa, dale mangana'uk, ma O maheheleaom tataas esa, fo O dodoo masafali O dale tutu'um la'eneu huhukuk-ka.

ULANGAN 32:36

Neukose Manetualain, soi-tefa-na anan-nala, ma Ana sue-lai atan-nala, metema nitas, ala male-tale ma be'i-balakain ta so.

HAKIM-HAKIM 2:18

Metema Manetualain fe leoina Israel-la mauli-malangan esa soona, Manetualain tulu-fali mauli-malangan ndia do'e-do'e. Ma nai lelek mauli-malangan ndia bei naso'da, Manetualain soi-po'is do'e-do'e leme musun-nala mai. Metema namanenes ala hoonggu'u, nanahu ala fepa-li'us, ma ala tuni-ndenis soona, dalen-na ta tu'da kasian neu fas.