YEREMIA 18:23 - Susula Malalaok Hehelu Palak Ma Hehelu Beuk

²³ Tehu O. Manetualain, O bubuluk la'i esak sila dudu'a-dodok fo soaneu labasa au samaneng-nga. Hu ndia de boso fe do'o-do ampon neu sila. Boso lose heni sila salan-nala. Fepa-li'us losa ala tu'u. Laka-makaseti neu sila nai O nasa-melum-ma dalek”.

YEREMIA 18:23 ပူးပေါင်းရင်းမြစ်များ

MAZMUR 119:126

Manetualain, fain-na losa, soaneu O tao hata esa, nana hataholi-la la'olena, O hoholo-lalanem.

MAZMUR 35:4

Nemen-na fo, hataholi fo ana nau taonisa au-a, ana kala ma nananakamamaek. Nemen-na fo manalalahalak la'ban au-a, lakadedeak no lapangamak.

MAZMUR 56:8

Ade, hapu so'da-molek ba'eneu sila tatao-nono'i mangalaun-na do ta? Tao mamopo-mamates, lai O nasa-melum dalek, ou Manetualain.

MAZMUR 59:5

Boeo, ta hu kande au salang-nga fa, lasi'a fo laheheleaon.

YESAYA 10:3

Neukose emi tao beek nai faik fo, Manetualain huku emi? Ade emi sanga enok tao leo beek, nai lelek fo Ana fe soe-a mai neme nusa dook mai? Neukose emi moke tutulu-fafalik neu see? Neukose emi mafuni emi su'i-betem sila-la nai bee?

YESAYA 2:9

Neukose basa hataholi-la nananakamumulu-nakamamaek ma nananakadadaek. Boso fes do'o do ampon, ou Manetualain!

YEREMIA 11:23

Au aketu basa fain-na soaneu emi mamate-mamopok ba'eneu hataholi-hataholi Anatot-tala, ma metema sila huhukun-nala losa soona, neukose hataholi esa ta naladeak fa boen.”

YEREMIA 15:15

Boema au afa'da ae, “Manetualain, O bubuluk. Mafandele ma tulu-fali au dei. Balas sila fo manausi-a ma manantuni-ndeni au-a. Boso kala loak soaneu sila, te boso nalosak ala tao lisa au. Mafandendelek te nanahu O au nananakadadaek.

YEREMIA 17:18

Sa'di bole manausi au-a, ma manatuni-ndeni au-a, O tao makamamaek-kana ma O tao mahenu dalen-na nenik bibi-namata'uk. Tehu boso tao leondiak ba'eneu au, O Manetualain. Muni fes mamate-mamopok neu sila losa sila lakalulutuk lanseli.

YEREMIA 17:4

Neukose emi fe heni ae fo Au fen neu emi ndia no laka-nakasetik, ma neukose Au tao-a emi makaluku-makatele neu emi musum-ma nai nusak fo te'e-te'e da'di nusa dea ba'eneu emi. Au tao basa sila-la lala'en-na, nanahu Au nasa-melung lua ponu-ponu sama leo ha'i fo nanapilak-ka fo ta hapu nakamate fa.”

YEREMIA 18:18

Hataholi-la lafa'da lae, “Mai fo ata tao naabua makahatuk soaneu la'ban Yeremia. Ta ka'da ndia mesak-kana kokolak no Manetualain fa. Te neukose hapu imam fo manamanoli-manamafa'da, hapu hataholi manatee-tenok fo ana hapu fe nanoli-nafa'da; ma hapu nabi fo ana bisa nanduku-nalosak hehelu-hoholok neme Manetualain neu ita. Mai fo ita kalak-kana lo manamaketu-mala'di-la neu, fo ela ita ta tamanene dede'a-kokolan seluk fa.”

YEREMIA 26:11

Basa imam-mala, ma nabi-la lafa'da neu malangan sila-la, ma neu laun-nala nae, “Hataholi ia nad nanahuku nisak nanahu ana kalua hala-kokolak fo la'ban ita kotan ia. Emi mamanene matam so.”

YEREMIA 26:8

Au po'a-benga basa Manetualain hala haituan fo ana paletak ndia tutik-ka, ala ho'u-la au ma ala eeki lae, “O muse mate!

YEREMIA 37:15

Lamanasa lanseli neu au, de ala paleta fo ela au nanafepa-li'uk ma nanakenak nai Yonatan Uman, fo manasula-sulan-na. Uman ndia ala taon da'di kaman-na bai.

YEREMIA 38:4

Boema asa mauli-malangan sila-la leu lo manek-ka de lafa'da lae, “Hataholi ia muse nanahuku nisak. Nana no hala-kokolan leondiak-ka de, ana taon-na basa soloda'duk-kala ma hataholi fe'ek fo ala bei leo nai kota ia aon-nala ma'a. Ana ta tulu-fa laun-nala fa te, ka'da ana tao nakatoto'a-nakatatak-kasa.”

YEREMIA 6:15

Tunga ndoon-na, ala mae, nanahu ala tao basa, dede'a nananakamumulu-nakamamaek ndia so. Tehu lakapapalu lou, ma bibii-mamae tak-kala. Hu ndia de, neukose ala tu'da, sama leo hataholi fe'ek-kala boe; metema Au hukus soona, mopo dipon-nala. Au, fo Manetualain nde manakokolak-ka.”

YEREMIA 6:21

Neukose, Au tao-a hataholi ia-la lakatunu, fo ala tu'u leu. Neukose amak-ka, ma anak-ka, tia-laik ma uma titia-tataik-kala, basa-basas mopo-mate.”

YEREMIA 7:20

Au, Manetualain Fo Mademaina, neukose Au po'a Au nasa-melu matuainang-nga neu uma makaluku-makatele ia, neu hataholi daebafak-ka ma bana-manu, boeo neu ai-la, ma daebafak-ka buna-boan. Neukose Au nasa-melung, ana pila lo'a-lo'a, sama leo ha'i fo, ta hapu taonisa fan.”

YEREMIA 8:12

Hai Au anang-ngala lemin, tunga ndoon-na, emi muse mae, nanahu emi tao basa hata fo, nananakamumulu-nakamamaek ndia so! Tehu emi makapapalulou, ma bibii-mamae tak-kala. Hu ndia de, neukose emi tu'u meu, sama leo hataholi fe'ek fo, manatu'u basak-kala so; metema Au huku emi soona, mopo emi dipom-ma.

RATAPAN 3:61

O, Manetualain, mamanene au nananakadadaek; O bubuluk la'iesak sila dale tutu'un-na.

LUKAS 21:22

Nana fai-faik sila la nde bee na ‘Faik Huhuku ka Nananaketu-Nala'dik,’ fo ela no enok ndia, hata fo nanasulak nai Susula Malalaok dale ana da'di.

ROMA 2:5

Tehu emi langa batu ma emi ta nau oebeu dale mala fa. Hu ndia de, emi nde tao mambela seluk emi huhuku ma nai Fai Mate'e ka, metema Manetualain natu'du nasa-melun fo naketu-nala'di tunga matetu na.