YEREMIA 18:20 - Susula Malalaok Hehelu Palak Ma Hehelu Beuk

²⁰ Natetu-nanda malole-a nanabalak nenik mangalauk-ka? Tehu sila kali bolok, fo ela au tu'da leo dalek neu. Mafandele dei, te au asala'e sila nai O matam, fo ela O boso mamanasa neu sila.

YEREMIA 18:20 ပူးပေါင်းရင်းမြစ်များ

AYUB 6:27

Nakalenak, emi tu'u batu, soaneu ni'iana kisa-anamaak-ka, ua-nalen, emi ke'di-ndiu, emi tia-lai malolem-ma, fo emi mamasu'i.

MAZMUR 106:23

Boema, Manetualain tutu'u, sanga tao namopo-namate anan-nala, tehu Musa fo, hataholi hehelen-na, ana ka'in. Musa da'di hataholi tala'dak soaneu sila, de nalosa Manetualain nasan-na tenak.

MAZMUR 119:95

Hataholi managaluk-ka nahani, fo ana sanga taonisa au, tehu au nau taoafik neu Ohoholo-lalanem.

MAZMUR 35:12

Au maloleng-nga, ala balas-sana nenik mangalauk; au bolo nai, ketu namahehenak-ka dalek.

MAZMUR 35:7

Palsuma la'iesak-kana, ala lona hihi'ik ba'eneu au, do ala kali bolok fo, ala ho'u-la au.

MAZMUR 38:20

Hataholi manamusu loo au-a, makadotok ma balakaik mesa-mesan, ala ta lahiik au so'dang-nga, eno-dalan fa.

MAZMUR 57:6

Ou Manetualain, matu'du O matua-mademam nai lalai, ma O mandela-masa'am nai daebafak-ka lala'ena.

MAZMUR 7:15

Mitak hataholi mangalauk-ka ana tutu'u tatao-nono'i mangalauk; ana tutu'u tatao-nono'i mangauk-ka, ma ana tao tatao-nono'i tipu-daik.

AMSAL 17:13

See balas malole-a nenik mangalauk soona, mangalauk-ka boeo, ta hapu nanakaluak neme uman dale mai fa.

AMSAL 26:27

See kali bolok soaneu hataholi fe'ek soona, neukose ana kosik leo dalek neu. See loli batu, fo ela tuni la'e hataholi fe'ek soona, neukose batu ndia, tuni la'e seluk-kana.

PENGKHOTBAH 10:8

See kali bolok soona, neukose ana tu'da seluk leo dalek neu; see hona nakalulutuk papala nanadamak-ka soona, neukose menge malasok-ka kan.

YEREMIA 11:14

Hu ndia de, Yeremia, boso hule-haladoi soaneu sila, ade moke tutulu-fafalik neme Au-a soaneu sila. Metema sila mai dudu'a-aafi makale'ok-ka dalek fo loke tutulu fafalik neme Au-a mai soona neukose Auta nau amanene fas.”

YEREMIA 14:20

Manetualain, ka'da ami masala-masingo basa neu O. Ami manaku aom ami sala-singom-mala ma ami bei-ba'ikaim-mala sala-singon-nala.

YEREMIA 15:1

Manetualain nafa'da au nae, “Neukose Au ta sue-lai leoina ia-la so'on, leomae Musa ma Semuel lapadeik nai ia, fo loke susue-lalaik neu sila. Madenu laoina ia-la la'o, te Au ta nau mete-lakanae fas!

YEREMIA 17:18

Sa'di bole manausi au-a, ma manatuni-ndeni au-a, O tao makamamaek-kana ma O tao mahenu dalen-na nenik bibi-namata'uk. Tehu boso tao leondiak ba'eneu au, O Manetualain. Muni fes mamate-mamopok neu sila losa sila lakalulutuk lanseli.

YEREMIA 18:19

Boema au hule-haladoi ae, “Manetualain, mamanene au hule-haladoing-nga; tao afik neu hata fo au musung-nga nafa'dak-ka neu au!

YEREMIA 18:22

Madenu manabonga uma-la mai no kaiboik lo sila uman-na, de nalosa ala laka'di-lakau no bibik-ka. Ala kali bolok fo ela au tu'da leo dalek neu, ma ala lona hihi'ik soaneu ho'u-la au.

YEREMIA 27:18

Metema memak tete'ek-ka sila nabi, de ala sipo hala-haituak neme Au mai soona, tao leo beo be ia ala loke neu Au, Manetualain Fo Manakoasa, fo ela hata-heto bei manai Au Uma manek-ka manai Yerusalem ta nanaso'u nenik lo Babel-la neu fa.

YEREMIA 5:26

Hai Au anang-ngala lemin, hapu hataholi mangalauk, nai emi dalek. Sama leo hataholi-a nanea hihi'ik fo nanalonak, soaneu nala manupui, leondiak boe, sila lona hihi'ik, fo nala hataholi daebafak-ka.

YEREMIA 7:16

Manetualain nafa'da nae, “Yeremia, boso hule-haladoi fe hataholi ia-la. Boso moke tutulu-fafalik, do hule-haladoi soaneus; boso makaseti Au, nana Au ta nau amanene dokodoek ndia fa.

RATAPAN 3:59

O mita tatao-nono'i mangalauk fo ala taon neu au, musu fo nakamuu-nakadau au-a, ana tutu'u eno mangalauk soaneu au. Hu ndia de, ou Manetualain, masala'e au dede'ang-nga.

YOHANIS 10:32

Tehu Yesus nafa'das nae, “Ama ka paleta Au fo tao tatao-nono'i malole ba'u ka, de emi mita basan so. De neme basa tatao-nono'ik sila la, bee ka nde tao na emi nau tapa Au?”

YOHANIS 15:25

Tehu muse ana da'di tao leondiak, fo ela hata fo nanasulak nai sila Susula Hoholo lalane na dalek, ana da'di leona nae: ‘Lakamu-lakadau Au, tehu ne'en ta.’

SEMUEL SUSULAK-KA ESAN-NA 19:4

Boema Yonatan kokolak no Saul dede'a malole la'eneu Dauk nae, “Ama, Ama boso tao soe o atam Dauk. Nana ana ta tao salak hata esa boen neu ama fa; nakalenak nasafalin-na, ana tao tatao-nono'i malole ba'uk-ka nanseli neu ama.