YEREMIA 18:18 - Susula Malalaok Hehelu Palak Ma Hehelu Beuk

¹⁸ Hataholi-la lafa'da lae, “Mai fo ata tao naabua makahatuk soaneu la'ban Yeremia. Ta ka'da ndia mesak-kana kokolak no Manetualain fa. Te neukose hapu imam fo manamanoli-manamafa'da, hapu hataholi manatee-tenok fo ana hapu fe nanoli-nafa'da; ma hapu nabi fo ana bisa nanduku-nalosak hehelu-hoholok neme Manetualain neu ita. Mai fo ita kalak-kana lo manamaketu-mala'di-la neu, fo ela ita ta tamanene dede'a-kokolan seluk fa.”

YEREMIA 18:18 ပူးပေါင်းရင်းမြစ်များ

2 SEMUEL 15:31

Lelek Dauk hapu halak nae Ahitofel boeo ana tunga sama-sama nai Absalom nakabua makahatun-na dalek boema, Dauk hule-haladoi nae leo ia, “Ou Manetualain, sa'di leo been-na, fe Ahitofel nanoli-nafa'dan manada'di tak!”

2 SEMUEL 17:14

Absalom no basa mauli-malangan Israel-la, lamanene dede'ak ndia boema, lafa'da lae, “Husai nanoli-nafa'dan malole lena neme Ahitofel nanoli-nafa'dan mai.” Memak, Manetualain naketu basa, soaneu Ana taon-na, Ahitofel nanoli-nafa'da malolen ndia ta da'di fa, fo ela susa-soe tuni-ndeni-na Absalom.

1RAJA-RAJA 22:24

Boema Nabi Zedekia neu leo uluk neu de ana deka no Mikha boema ana fapan neu Mikha nasebu'u na ma nae, “Hapu nai bee Manetualain Dula dalen-na la'oela au de Ana kokolak no o?”

2TAWARIKH 24:21

Tehu laun-na tao nakabua makahatuk soaneu la'ban Zakharia, de Manek Yoas-sa tunga nai nakabubuak ndia dalek. Ana ta nafandele Yoyada fo Zakharia aman tatao-nono'i malolen-na ma lilinekan fa. No manek-ka paletan-na de Zakharia nanapiak nenik batu losa maten nai Manetualain Uman-na so'dan-na. Nai lelek Zakharia sanga ketu hahae-na, naloo bou-bou nae, “Sa'di leo bee na Manetualain nita emi tatao-nono'im ia fo Ana balas-sana!”

MAZMUR 21:11

Neme sila tititi-nonosin-na mai, ta ela esa boen, neukose manek-ka taonisa la'iesak-kasa.

MAZMUR 52:2

ndek lelek Doëg fo hataholi Edom-ma mai nafa'da Saul, nae Dauk losa nai Ahimelekh uman so.

MAZMUR 57:4

Nataa au neme nusa so'dak-ka mai, de Ana soi-tefa-na au; Ana sengi hataholi manatuni-ndeni au-a. Neukose Manetualain natu'du nae Ana lilineka neu au, ma Ana sue-lai au tataas esa.

MAZMUR 64:3

Masulu-mahapa au, neme hataholi malelesik-kala nakabubuan-na mai, neme hataholi mangalauk-kala, dale tutu'u mangalaun-na mai.

AMSAL 18:21

Maak-ka nanuu koasa soaneu soi-tefa-na so'dak-ka, do tao nalutun; hataholi-a muse lu'a-lepa-na, hala-kokolan neninin-na.

YESAYA 32:7

Boema hataholi manatipu-daik esa, ana dudu'a-dodoo hata fo mangalauk. Ana sanga enok, soaneu tao soe hataholi nuu taa-hata taak-ka, nenik dede'a-kokola pepekok, ma ana kena-ka'is soaneu hapu sila haak-ka.

YEREMIA 11:19

Au sama leo bi'i lopo-a fo ta pake dudu'a-dodok so'on, te nenin leo mamana dodo'dok-ka neu. Au ta bubuluk fa te, au nde da'di sila dudu'a-aafi mangalaun-na isin-na. Sila lafa'da lae, “Mai fo ata lo'o heni ai ia, beidai ana bei nabuna-naboa ia; Ita tao tamate-tamopon fo ela hataholi lasanggango heni na'den-na.”

YEREMIA 18:11

Manetualain nafa'da neu au nae, “Besak ia mafa'da meu hataholi Yehuda-la ma Yerusalem laun-nala mae, Au sanga tao dudu'a-dodok soaneu la'ban sila, ma sadia huhukuk soaneu sila. Madenus fo ala hahae sila so'da-molen fo masala-masingok ndia, boema tao lahii sila ha'da-paliin ma tatao-nono'in-nala.

YEREMIA 18:19

Boema au hule-haladoi ae, “Manetualain, mamanene au hule-haladoing-nga; tao afik neu hata fo au musung-nga nafa'dak-ka neu au!

YEREMIA 2:8

Ta hapu imam esa boen, fo natane nae, Au, fo ndia Manetualain-na nai bee fa. Basa manaketu-mala'dik-kala boeo, ta bubuluk see Au fa basa manakoasa-la, lena-la'ban Au paletang-nga. Basa nabi-la, kokolak pake Baal na'den-na, ma ala sene-do'ok neu sosongo-tatangok fo, sosoa-ndandaa taak-ka.”

YEREMIA 20:10

Au amanene hataholi-la lamakukutuk nai basa mamanak-kala, “De bibii-namata'uk-ka boetai namatuak-ka! Mai fo tafa'da lo manakoasa!” Nakalenak basa u tia-laing-ngala lala'en-na lahani au tutu'dang-nga. Ala lafa'da lae, “Fafa'kama nenik fufu'di-oodok, ndia ita hapu tao takalan, fo ela ita hapu balas nanape'da-dalek neun.”

YEREMIA 26:11

Basa imam-mala, ma nabi-la lafa'da neu malangan sila-la, ma neu laun-nala nae, “Hataholi ia nad nanahuku nisak nanahu ana kalua hala-kokolak fo la'ban ita kotan ia. Emi mamanene matam so.”

YEREMIA 37:13

Tehu nai lelek au losa Benyamin lelesu inan-na boema, malangan soloda'du fo manamanea manai ndia, ana ka'i-na auma nafa'da nae, “O sanga malai fo mu mok hataholi Babel-lala!” (Malanga soloda'du manamanea ndia na'de Yeria; ndia nde been-na Selemya anan fo Hananya upun.)

YEREMIA 43:2

Boema Azarya fo Hosaya anan-na, ma Yohanan fo Kareah anan-na no basa hataholi fe'ek fo manakoao-ndaeaok sila-la lafa'da neu au lae, “O masapepeko-masandandali. Ami Amam Manetualaim-ma ta nadenu o kena-ka'i ami soaneu meu lo Masir fa.

YEREMIA 44:16

“Ami ta nau mamanene hata fo o mafa'dan neu ami pake Manetualain na'den-na fa.

YEREMIA 44:17

Basa hata fo ami heluk-kala lala'en-na, neukose ami tao la'iesak-kasa boe. Neukose ami fe mahele tutunu-hohotuk neu Ina Manek nusa so'dak-ka, ma di'a angol oek da'di leo tunu-hotuk neun sama leo biasan-na nanataok neme ami bei ba'ikai manamatem-mala, neme manek-kala, neme ami mauli-malanga manapaletam-mala ma ami ia boe nai kota-kota Yehuda ma enok-enok manai Yerusalem-ma. Nai lelek ndia ami ta to'a-taa hata esa boen, te am manuu nana'a-nininu manadaik ma ami so'dam-ma natetu.

YEREMIA 8:8

Emi mapalani la'iesak-kana mafa'da mae emi manatee-tenok, ma bubuluk Au hoholo-lalaneng! So'ba mete su'dik, tao leo beek, fo emi hataholi malelainam-mala nai agama dalek, tehu manatao peko-pakik-kala, ala nggati heni Au hoholo-lalaneng sila-la!

RATAPAN 3:62

Ala kokolak au nai fai katemak esa dalen-na. Soaneu ala tao soe au, ala tutu'u eno manggenggeok.

YESKIAL 7:26

Susa-soe ma tutui-bebenga ta malole-la, ala mai tataas esa. Neukose, emi dokodoe, fo ela basa nabi-la, lafa'da ela emi, dede'a-kokolak, tehu ala ta bisa fa. Basa imam-mala, nanolin ta, soaneu lanoli salanik-kala, ma mopo mauli-malangan nanoli-nafa'dan so.

IMAMAT 10:11

Basa hoholo-lalanek fo Au fen neu emi, tunga Musa, emi muse manolin neu leoina Israel-la.”

MIKHA 3:6

“Hai nabi, emi faim-ma, hihii nae basan so; emi le'dom-ma sanga tenak so. Neukose emi ta hapu seluk ninitak fo nafa'da Au dale tutu'ung-ngala so'on. Neukose emi ta hapu mafa'da memak hata-hata so'on.”

MIKHA 3:7

Hataholi-hataholi fo lafa'da memak fai manamaik-ka nenini na, neukose ala hapu mamaek, nanahu lafa'da memak-ka, ta la'e fan. Mopo basa-basas mata-panan, nanahu Manetualain ta nataa fas.

MALEAKHI 2:7

Memak basa imam mala bela-ba'un nde, soaneu lanoli hata ndoos-sa la'eneu Au, Manetualain fo Mademaina. Laun-na muse latane sila, Au hihii-nanaung leobeek, nanahu Au hataholi nadedenung-ngala nde sila.

LUKAS 11:45

Mese agama esa nafa'da Yesus nae, “Tunggulu, no hala-kokolak sila la, Tuan makamumulu-makamamaek ami boe!”

YOHANIS 9:40

Tehu hataholi Farisi de'ubee lai ndia de, lamanene Yesus natane hataholi ndia nae leondia boema, latane Yesus lae, “Ade O maedaenga ami ia boeo pokek do?”