YEREMIA 18:16 - Susula Malalaok Hehelu Palak Ma Hehelu Beuk

¹⁶ Nusak ia ala taon da'dik mamanak fo mangalau ina nan seli, ma ana da'di dede'a muu-dauk losa do doon-na. Basa mana la'ok tunga ndia neukose lakakale langa nau lame'da mangalauk-ka.

YEREMIA 18:16 ပူးပေါင်းရင်းမြစ်များ

1RAJA-RAJA 9:8

Uma hule-haladoik ia neukose ana da'di ai-batu madodouk esa, nalosa hataholi manala'ok tunga ndia, neukose ala nggenge ma ala bii-lamata'u lanseli. Neukose lafa'da lae, ‘Taole'e de Manetualain tao leondiak soaneu nusak ma uma ia?’

2TAWARIKH 29:8

Boema Manetualain nai nasa-melun-na dalek, Ana huku-doki hataholi Yehuda ma hataholi Yerusalem-mala. Ma emi basa-basam-mala bubuluk mae Manetualain nakeketun ndia taon-na basa hataholi-la nggenge-la lanseli.

MAZMUR 109:25

Hataholi mananita au-a, nakamumulu-nakamamaek au, boema nakakale langa.

MAZMUR 22:7

Tehu au ia kalati dae, te ta hataholi daebafak fa, hataholi makadotok hakinonoli ma lakadadaek au.

MAZMUR 44:14

O tao ami da'di uma titia-taik-kala kuku'e-koko'don, ala hakinonoli ma ala hika ami.

YESAYA 37:22

de Manetualain nafa'da nae, “Kota Yerusalem-ma hika, ma hakinonoli o, Sanherib!

YESAYA 6:11

Boema au atane ae, “Manada'dik ia, ana da'di losa faihi'da Manetualain?” Boema nataa nae, “Losa kota-la da'di batu nananaunuk, fo ala da'di kota louk, hataholi ta leo uma-la so'on, ma dae-a da'di louk ma tokotik,

YEREMIA 19:8

Neukose Au tipas mamate-momopok-ka fo matuaina nanseli neu kota ia de nalosa basa hataholi manala'ok tunga ndia neukose ala nggenge ma langgenggengo ao.

YEREMIA 25:9

‘Neukose Au alo basa leoina manai neme ki mai-a, ma Au atang Nebukadnezar fo manek Babel-la boe. Neukose Au fe sila soaneu latee-latati la'ban Yehuda no laun-nala, ma basa leoina manai boboa-kaisun-nala. Leiona Yehuda no leoina titia-tatain-nala neukose Au tao akatoto'a-akatatak-kasa ma Au po'ilotak-kasa lakalulutuk soaneu losa dodoon-na. Hataholi fo manamitas-sala neukose ala nggenge-la ma lame'da bibi-namata'uk. Au, Manetualain nde manakokolak-ka.

YEREMIA 29:18

Neukose Au usis tunga dea nenik natee-natatik, la'a-ndos-sa ma he'di-laus matuaina, de nalosa basa leoina manai daebafak ia, lame'da bibiik ala lita sila heheo-hihilun-nala. Metema Au tao tapasasalas su'di nai bea soona, neukose hataholi lame'da bibiik ma namata'uk lita hata fo manada'dik neu sila. Neukose sila nananakamuu-nakadauk ma ala pake sila na'den-na da'di leo soo-supak.

YEREMIA 42:18

Sama leo Au, fo Israel Aman Manetualain-na po'a Au nasa-melung-nga neu Yerusalem laun-nala, leondiak boe, neukose Au po'a Au nasa-melung-nga neu emi fo mana neu lo Masir. Neukose hataholi-la lita emi soona, langgenggengo ao; neukose emi nananakamumulu-nakamamaek, ma neukose emi na'dem-ma nanapakek da'di leo soo-supak. Neukose ei ta mita emi dae oem ia so'on.”

YEREMIA 44:12

Ma metema neme hataholi Yehuda fo bei elak-kala hapu lakisak dalen-nala fo leu lo Masir soaneu ala leo lai na soona, neukose mate-mopo la'iesak-kasa. Sila basa-basas ana matua, neukose mates nai Masir, nai natee-natatik-ka dalek do hukande la'a-ndoes-sa. Neukose hataholi litas soona, lame'da langgenggengo ao, ma neukose lakamumulu-lakamamaek-kasa. Sila na'den-nala neukose nanapakek da'di leo soo-supak.

YEREMIA 48:27

Ade ta makahulun-na hataholi Israel-la ta nanahika-humek neme Moab mai ma nananakamamaek nonokabai sila nanaho'u nak mata-matak lo nakoda-la fa do?

YEREMIA 49:13

Au soo-supa emi nenik Au na'deng-nga mesak, neukose kota Bozra ana da'di mamana nakabibiik fo nana la'o elak. Neukose hataholi-la hika ma ala pake na'den-na da'di huhukuk. Basa nusa titia-tatain-nala da'di nakalulutuk losa dodoon-na. Au, Manetualain nde manakokolak-ka.”

YEREMIA 49:17

Neukose Manetualain nafa'da nae, “Susa-soe fo manala'e Edom neukose belak-ka fo basa hataholi mana tunga ndia langgenge ma ala bii.

YEREMIA 50:13

Hu ka nde Au amanasa nde Babel da'di nakalulutuk ma hataholin ta, neukose basa manatunga ndia la ala nggenge ma bii.

YEREMIA 51:37

Neukose nusan ndia da'di bua-lo'a bibiak, ma busa fuik-ka mamana nafunin. Hataholi litan soona ala bii ma esa ta nau leo nai na.

YEREMIA 51:43

Kota-kota-nala da'di mamana bibik nan seli, sama leo moo loak ma'da-ka. Ta hapu hataholi fo tunga ndia ma nau leo nai na fa.

YEREMIA 9:11

Manetualain nafa'da nae, “Neukose Au tao Yerusalem da'di ai-batu madodouk, fo ana da'di, busa fuik-kala mamana keke'ken. Kota-kota Yehuda-la, neukose ala da'di nee-nee lino-linok, mamanak fo, hataholi ta leon so'on.”

RATAPAN 1:12

“Hai hataholi manala'ok tunga enok-ka lemin, mete leon ma taoafik! Ade fefepa-lili'uk baba'un-na sama no besak ia au doidosok-ka, fefepa-lili'uk fo Manetualain tunin neu au, nanahu nasa-melun manapila lo'a-lo'an ndia do?

YESKIAL 12:19

Mafa'da basa leoina lala'en-na, hata fo Au, Fo Manetualain Mandemaina nafa'dan neu laun Yerusalem fo bei manaleo nai sila nusan-na. Neukose ala dele too-too nai lelek sila la'a, ma ala dele ngge'be-ngge'be no bibii-namata'uk-ka, nai lelek sila linu. Sila daen-na, neukose ana da'di dae tokotiik, nana basa hataholi manaleo nai ndia, ala la'olena Au hoholo-lalaneng nakandondoo henin.

YESKIAL 27:36

Mopok o, losa dodoon-na. Basa manadangan manai daebafak-ka lala'en-na, ala nggenge-la, nanahu ala bii, boso nalosak sila ua-nalen leondiak boe.”

YESKIAL 6:14

Hei, neukose Au so'uk au limang-nga, fo Au tao akalulutuk sila nusan-na, mulai neme Mook Solokaek Kona, losa kota Ribla nai kii. Nai hataholi Israel-la mamana leleon-nala, neukose ta hapu hataholi maso'dak esa boen. Soona besak-ka basa hataholi-la, ala bubuluk lae Au nde Manetualain-na.”

IMAMAT 26:32

Neukose, Au tao amopo-amate emi nusam-ma, nalosa musu-musu fo langatuu-la emi nusam-ma, ala nggenge, nai lelek fo lita nakalulutuk ndia, ba'un-na seli.

IMAMAT 26:43

Tehu, muse usi heni nakahuluk laun manai dae ndia dalek-ka, fo dae ndia louk, fo ela te'e-te'e, dae ndia hapu hahaeaon. Ma Au anang-ngala, muse lakalala'ok basa huhukuk fo Au aketun soaneus, nanahu ala ta nau tunga Au nakaneneteng, ma Au paletang-ngala fa.

MIKHA 6:16

Basa sila-la ala da'di, nanahu emi tunga Mane Omri no anan, fo nde mane Ahab-pa tatao-nono'i mangalaun-nala. Emi tunga sila eno-dalan. Hu ndia de, neukose Au tao akalulutuk emi, ma neukose ala kuku'e-koko'dok emi, ma basa leoina lala'en-na, lakamumulu-lakamamaek emi.”

MATEOS 27:39

Basa hataholi mana la'ok tunga ndia lakakale langa ma lakamumulu-lakamamaek Yesus.

MARKUS 15:29

Basa hataholi manala'ok tunga mamanak ndia, lakakale langa ma lakamumulu-lakamamaek Yesus lae, “Hee, O nde nau tao matu'u Manetualain Uma na, fo O mafofo'a fali kana, ka'da nai faik telu dale na hetu.

ULANGAN 28:59

neukose Manetualain fe emi ma emi tititi-nonosim-mala, he'di-laus manalea-hai tak-ka, ma he'di-laus fo, ta hapu tao nate'e fan.

ULANGAN 29:23

Neukose belerang-nga ma masik-ka, ala potiketu emi tina-osim, fo ta bisa sele-nggali bini-ngges neu fa, ma na'u-aiana ta moli nai ndia so'on. Neukose emi nusam-ma, nalupa leo Sodom ma Gomora, Adma ma Zeboim, fo Manetualain tao namopos, nai lelek nasa-melun lua ponu-ponu.