YEREMIA 18:13 - Susula Malalaok Hehelu Palak Ma Hehelu Beuk

¹³ Manetualain nafa'da nae, “Matane neu leoina-la esa-esak, ade dede'ak leoiak-ka ana da'di hai so do beik. Hataholi Israel-la ala tao-no'i hai hata esa fo mangalau ina nanseli!

YEREMIA 18:13 ပူးပေါင်းရင်းမြစ်များ

YESAYA 36:22

Boema Elyakim, Sebna, ma Yoah sii-sii lulu'i bua papaken-nala, fo da'di ta'du-tana dale he'dik, boema leu lafa'da manek-ka, hata fo Asyur malanga solda'du matuainan ndia, kokolak basan so.

YESAYA 66:8

See namanene hai, dede'a leondiak-ka so? See nita hai, mana da'dik leondiak-ka so? Tehu leoina Israel-la, nanabongik so, nai lelek Sion mulai name'da he'di bobongik.

YEREMIA 14:17

Manetualain nadenu au afa'da au dale he'ding-nga neu ndia anan-nala. Muse au afa'da ae leoia, “Memena fo au kii ta pake tata'da fa, lele'do le'dodaen lu'u oe-la titi-beboto Nana au leoinang bisu matua ma ala doidoso lanseli.

YEREMIA 18:14

Salju beita mopon la'iesa boen neme letek Libanon-na mai fa. Oe neuk fo manafaak maneme letek-kala mai-a beita ma'dan la'iesa boen.

YEREMIA 23:14

Tehu Au ita nai Yerusalem bai soona, nabi-nabi-la tao-no'i mangalauk lena seluk bai. Ala lasapepeko-lasandandali ma ala hohonge, boema ala tulu-fali hataholi fo manatao-no'i mangalauk-ka de nalosa ta hapu hataholi esa Taka Tei-sale dale boen. Ba'eneu Au soona, basa-basas mangalauk-ka sama leo Sodom ma Gomora.”

YEREMIA 31:4

Neukose Au tao-a e leoinam-ma malole-nanapu sama leo makahulun-na. Neukose emi ho'i seluk rebana fo emi lolonge-dadape no namahoko-setelek.

YEREMIA 5:30

Hata esa matuaina, ma neni bibii-namata'uk, ana da'di basa nai nusak ia so, fo nde:

RATAPAN 1:15

Manetualain nakadadaek basa au palani ta'ti batu ao kaheleng-ngala. Ana hoka solda'du-la, fo ela ala tao lamopo-lamate basa au hataholi muli-solung-ngala. Ana heheta-aa'i au leoinang-nga losa beelutu, sama leo hataholi-a he'e angol-la boan-na.

HOSEA 6:10

Au ita hata esa nai Israel, neni bibii-namata'uk fo nde: Au anang-ngala tao langgenggeo aoinan-nala nenik sosongo-tatangok.

AMOS 5:1

Hai, hataholi Israel-la lemin! Mamanene leona! Au sanga akamee nakamee susa esa ba'eneu emi nae lao ia:

AMOS 5:2

Israel fo bei matatema, ana tu'da so, neukose ana ta fo'a so'on! Nanapo'ilotak nai dae-oen lain, ta hapu esa boen tulu-falin fo napadeik fa.

1 KORINTUS 5:1

Tunga ndo na, au sipo basa halak lae, nai emi dalek sosoa-piao ka su'diselin, de nalosa emi nggelok hohonge seluk inapala na. Hataholi fo ta nalelak Lamatua ka fa boeo, ana ta tao leondiak fa!

SEMUEL SUSULAK-KA ESAN-NA 4:7

ala bii ma lafa'da lae, “Hapu lamatua daebafak mai leo hataholi Ibrani-la mamana ofun-na neu! Ita soe! Ita beita la'ola'di tita, manada'dik leo ia-ka fa!