YEREMIA 17:8 - Susula Malalaok Hehelu Palak Ma Hehelu Beuk

⁸ Ndia sama leo aia moli nai le oe manafaak-ka su'un-na; fo okan-na nandondolo losa oe-a. Ana ta bii neu fai hanas-sa fa, de don-na ka'da momo'dok nahele. Leomae fai hanas-sa la'e nusak-ka boe, ndia ta male-tale fa, de ka'da nabuna-naboa nahele.

YEREMIA 17:8 ပူးပေါင်းရင်းမြစ်များ

AYUB 29:19

Au sama leo ai manaleloakak-ka, fo okan-na hapu oe, ma dinis-sa nakadoe ndanan-na.

AYUB 8:16

Hataholi lamatua taak-ka, so'da-la'dan sama leo fii-a; metema, le'do haan-na la'en soona, ana moli fo nalole, fo henu osi dale.

MAZMUR 1:3

Hataholi ndia, ana hapu buna-boak nai basa ue-le'din lala'en-na dalek; hataholi ndia, sama leo ai-a ana moli nai lee su'un-na, fo naboa la'e fain-na, ma doon-na, ta male nita fa.

AMSAL 11:28

See nasalai dean-na neu hata-heto soona, neukose ana tu'da sama leo akidoo tuuk-ka; tehu hataholi manatao malole-a, neukose nakapela sama leo ai nupu beuk-ka.

YESAYA 58:11

Neukose, Au hela-nole emi tataas esa, ma Au fe emi makabete nai, dae tokotik-ka; Neukose Au anea emi, fo ela emi so'da-la'dak ma balakaik mahele. Neukose emi sama leo osi fo, oen-na dai, sama leo oemata fo, ta manama'dak fa.

YESAYA 61:3

soaneu fe hika-natadalek ma namahokok neu hataholi manadale he'dik, ma manasusak-ka; soaneu tao asafali sila dale he'din-na, da'di nakamee kokoa-kikiok. Neukose sila sama leo ai fo Manetualain sele matan. Neukose ala tao hata fo malole ma ndoos, nalosa Manetualain nananamatutua-namadedemak.

YEREMIA 39:18

Neukose o nanatao nisa tak, nana neukose Au soi-tefa ala o. Neukose o samanem-ma naso'da nanahu o masalai deam-ma neu Au. Au, Manetualain, nde manakokolak-ka.”

YESKIAL 31:3

Mitak, Au akasasamak o, sama leo ai kaiou manai Libanon fo, henuk no ba'e mana'ahiik-kala, ma doon-na, makadotok nanseli; ana moli de deman-na seli, pe'dan-na losa lalai.

YESKIAL 47:12

Basa ai maboa mata-matak lala'en-na, lai ndolo-ndolo lee ndia su'un duas. Ai sila-la doon-na, ala ta male lita fa, ma ta basa boan-nala fa. Ai sila-la, neukose labuna-laboa ai boa beuk tunga bulak, nana lee ndia oen-na, ana faa neme Manetualain Uman-na mai. Ai sila-la boan-nala, ala da'di nana'ak, ma doon-nala, ala da'di mo'do-akidok.”